... loading ...
... loading ...
ترک صدر کے ہمراہ اعلیٰ سطحی وفد میں ترک تاجربھی موجود ہونگے،صدر پاکستان و وزیر اعظم سے ملاقاتوں کے علاوہ ترک صدر پارلیمنٹ کے مشترکہ اجلاس سے بھی خطاب کریں گے
جمہوریت کا دھڑن تختہ کرنے کے خواہشمند فوجی باغیوں کو ناکام کرنے کے بعد طیب اردگان کا نام جمہوریت کی تاریخ میں سنہری حرفوں سے لکھا جائے گا،عالم اسلام کیلیے 
انکے سینے میں دردمند دل دھڑکتا ہے
ترکی کے صدر رجب طیب اردگان، صدر مملکت ممنون حسین کی دعوت پر آج دو روزہ دورے پر پاکستان پہنچ رہے ہیں۔ دفترخارجہ کے مطابق صدر اردگان کے ہمراہ وزراء اور اعلیٰ حکام سمیت ایک اعلیٰ سطحی وفد آرہا ہے جس میں ترک تاجروں کا ایک وفد بھی ہوگا۔ وہ صدر ممنون حسین سے ملاقات کے علاوہ وزیراعظم نواز شریف کے ساتھ مذاکرات بھی کریں گے۔وہ کل پارلیمنٹ کے مشترکہ اجلاس سے بھی خطاب کریں گے۔ دونوں رہنماؤں کے درمیان مذاکرات میں دوطرفہ امور کے تمام پہلوؤں سمیت علاقائی و بین الاقوامی معاملات پر بھی بات چیت ہوگی۔ ترک صدر پارلیمنٹ کے مشترکہ اجلاس سے بھی خطاب کریں گے۔ صدر معزز مہمان کے اعزاز میں ضیافت دیں گے۔ ترک صدر رجب طیب اردگان لاہور بھی جائیں گے جہاں وزیراعظم شاہی قلعہ میں ان کے اعزاز میں ضیافت کا اہتمام کریں گے۔ آوزیر دفاع خواجہ آصف کو ترک صدر کے دو روزہ دورہ پاکستان کے موقع پر حکومت پاکستان کا وزیر مہمانداری مقرر کر دیا گیا۔ وہ ترک صدر اور ان کے ہمراہ آنے والے ترک مہمانوں کے استقبالیہ پروگرامات کے انچارج ہونگے۔قبل ازیں رجب طیب اردگان نے 2009میں بھی مشترکہ پارلیمانی اجلاس سے خطاب کیا تھا تاہم اس وقت وہ ترکی کے وزیر اعظم تھے،دورے کے موقع پر انہیں دونوں ملکوں کے درمیان تعلقات کے فروغ کے حوالے سے انکی خدمات کے اعتراف میں نشان پاکستان عطاکیاگیاتھاجبکہ سابق وزیر اعظم پاکستان یوسف رضا گیلانی نے زلزلے کے موقع پر ترکی کی جانب سے بھرپور تعاون پر اظہارتشکر کیاتھا۔
ترک صدر کا نام اس وقت ملکی و غیر ملکی میڈیا کی زینت بن گیا تھا جب رواں سال جولائی میں انکی حکومت کا دھڑن تختہ کرنے کیلیے فوج نے جمہوریت پر شب خون مارا تھا اور ٹی وی پر بھی فوری کنٹرول حاصل کرلیا تھا تاہم طیب اردگان نے سوشل نیٹ ورک پر اپنے خطاب میں اہل ترکی کو جمہوریت کی بقا کیلیے نکلنے کی ہدایت کی تھی جس پر ترک عوام نے تاریخ رقم کرتے ہوئے بے مثال قربانی کا ثبوت دیا اور لاکھوں کی تعداد میں آدھی رات کے وقت سڑکوں پر آگئے اور قابض فوج سے مزاحمت شروع کردی بالآخر آمرفوجیوں کو پسپائی کا سامنا ہوا اور رجب طیب اردگان کا سیاسی قد پہلے سے بھی بلندہوگیا۔
ترکی کے پاکستان سے دیرینہ تعلقات دوستی و اسلامی اخوت پر مبنی ہیں ۔لیکن گزشتہ ایک دھائی سے یہ تعلقات مزید مستحکم ہوئے ہیں۔ترکی پر برسراقتدار حکمرانوں کا تعلق اسلامی فلاحی جماعت سے ہے لہٰذا ترکی نے تمام اسلامی برادر ممالک سے دوستی مضبوط سے مضبوط تررکھنے کی پالیسی اپنا رکھی ہے ۔
گزشتہ دنوں بھارت کی جانب سے پاکستان پر جنگ مسلط کرنے دھمکیوں کے جواب میں ترکی اور چین ہی وہ ممالک تھے جنہوں نے پاکستان کے شانہ بشانہ کھڑے رہنے کا اعلان کیا جبکہ ترکی نے اس سے آگے بڑھ کر مقبوضہ کشمیر میں بھارتی مظالم کے خلاف فیکٹ اینڈ فائنڈنگ وفد بھیجنے کا بھی اعلان کیاتھا۔
قبل ازیں بنگلا دیش میں پاکستان سے محبت کے جرم میں اسلامی تحریک کے رہنماؤں کو سزا دیے جانے کیخلاف ترکی وہ واحد ملک تھا جس نے احتجاجااپنا سفیر واپس بلا لیا تھا۔
رجب طیب اردگان کو یہ اعزاز بھی حاصل ہے کہ انہوں نے غاصب اسرائیلی فوج کے فلسطین پر مظالم کیخلاف جدوجہد کو پوری دنیا کی آواز بناتے ہوئے فریڈم فلوٹیلا نامی بحری بیڑا امدادی سامان کے ساتھ غزہ بھیجا جس پر اسرائیلی حملے میں کئی افراد شہید ہوئے اور کافی گرفتارکرلیے گئے تھے تاہم ترکی کے مضبوط موقف پر آخر کار اسرائیل کو گھٹنے ٹیکنے پر مجبور ہونا پڑا اور حال ہی میں اسرائیلی وزیر اعظم نے ترکی کی شرائط یعنی زرتلافی ،معافی اور غزہ میں امدادی کام کی اجازت کی بنیاد پر ترکی سے معاہدہ کر لیا ہے ۔
رجب طیب اردگان کوحالیہ فوجی بغاوت کے بعد بعض مغربی لابی نے ڈکٹیٹر ثابت کرنے کی کوشش کی اور جمہوریت پر شب خون مارنے والے فسادیوں کی گرفتاری پر جمہوریت کے نام نہاد علمبرداروں نے امریکی شیلٹر میں چھپ کر طیب اردگان پر اوچھے وار شروع کردیے اور گرفتارشدگان باغیوں کے بنیادی انسانی حقوق کی دہائی دینے لگے ۔حالانکہ اس بغاوت کے نتیجے میں سینکڑوں ترک شہری مسلح باغی فوجیوں کے ہاتھوں مارے گئے جن میں خواتین بھی شامل ہیں۔گزشتہ دنوں ترک صدر نے تاریخی فیصلہ کرتے ہوئے توہینِ صدر کے مرتکب گرفتارباغیوں کی رہائی کا حکم دے کر مخالفین کو چپ کرادیا ہے ۔
رجب طیب اردگان کی سحر انگیز شخصیت اس وقت عالمی حالات پر نظر رکھنے والوں کی نظر میں بہت عظیم ہے کیونکہ وہ اس وقت واحد شخصیت ہیں جو مسلم امت کے لیے درددل رکھنے والوں میں عملی اقدامات بھی کر رہے ہیں اور ان کے اقدامات کے عالمی سطح پر نتائج بھی نظر آرہے ہیں۔ شام میں جاری جنگ کے حوالے سے ترکی نے ہمیشہ درددل محسوس کیا اور شامی مہاجرین کے معاملے پر باوجود یور پ کی سرمایہ پرستانہ ذہنیت کے ترکی اپنا کردار بھرپورکررہا ہے ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
