... loading ...
... loading ...
جاں بحق ہونے والوں میں 5سالہ 2 جڑواں بچیاں سکینہ اور زاراسمیت ایک ہی گھر کے 4افراد بھی شامل ہیں،حادثے میں 11بچے بھی زخمی ہوئے
وزیر ریلوے سعد رفیق نے 10روز میں تحقیقات مکمل کرنے کا حکم دے دیا ،تحقیقات 
فیڈرل انسپکٹر آف ریلوے کرے گا
کراچی میں لانڈھی کے علاقے قذافی ٹاؤن کے قریب فرید ایکسپریس اور زکریا ایکسپریس آپس میں ٹکرا گئیں، جس کے باعث 21افرادجاں بحق جبکہ50افراد زخمی ہوگئے، زخمی اور جاں بحق ہونے والوں میں بچے اور خواتین بھی شامل ہیں۔پولیس اور امدادی ٹیمیں جائے حادثہ پر امدادی کارروائیوں میں مصروف رہے جبکہ زخمیوں اور لاشوں کو جناح اسپتال منتقل کیا گیا، جناح اسپتال انتظامیہ نے خون کے عطیات کی اپیل کی جبکہ زخمیوں کو لوگوں نے اپنی مدد آپ کے تحت بھی ہسپتال منتقل کیا۔بعد ازاں رینجرز ، پولیس اور پاک فوج کے جوانوں نے بھی امدادی کاموں میں حصہ لیا۔ابتدائی تحقیقات کے مطابق دونوں ٹرینیں پنجاب سے کراچی آرہی تھیں جبکہ زکریا ایکسپریس نے فرید ایکسپریس کو پیچھے سے ٹکر ماری، حادثے کے نتیجے میں ٹرین کی تین بوگیاں مکمل طور پر تباہ ہوگئیں اور ملبہ پٹری کے اطراف بکھرگیا ۔حادثے میں زکریا ایکسپرس کا انجن متاثر ہوا جبکہ فرید ایکسپریس کی 4سے 5بوگیاں شدید متاثر ہوئیں، بوگیوں کو ہٹانے کے لیے کرینوں کی مدد لی گئی اور بوگیوں کو کاٹ کر زخمیوں کو نکالا گیا۔ڈاکٹر سیمی جمالی کا کہنا ہے کہ 45زخمیوں کو جناح اسپتال لایا گیا ، جن میں سے پانچ کی حالت تشویشناک ہے۔جناح اسپتال کے ایم ایل او کے مطابق جناح اسپتال میں 18افراد کی لاشیں لائی گئیں۔عینی شاہدین کے مطابق سانحے کے بعد کافی دیر تک حکومت کی جانب سے کوئی مشینری نہیں بھیجی گئی جبکہ لوگوں نے اپنی مدد آپ کے تحت زخمیوں کو نکالا گیا۔
زخمیوں کا کہنا ہے کہ حادثہ پیچھے سے آنے والی ٹرین کی زور دار ٹکر کے سبب پیش آیا جس میں بیشتر لوگ سامان اور ملبے میں دبنے سے زخمی ہوئے۔ایڈیشنل پولیس سرجن ڈاکٹر کلیم کے مطابق تاحال 13 لاشیں لواحقین کے حوالے کردیں گئیں ، 2 خواتین کی تاحال شناخت نہیں ہوسکی۔جاں بحق ہونے والوں میں ایک ہی گھر کے 4افراد شامل ہیں جس میں 5سالہ 2 جڑواں بچیاں سکینہ اور زارا بھی شامل ہیں، دونوں بہنوں کے والدین بھی حادثے میں جاں بحق ہو چکے ہیں۔بوگی کے ملبے سے ایک بچی کی لاش نکالی گئی ۔حادثے کے زخمیوں میں 11بچے بھی شامل ہیں۔
ایک ریسکیو اہلکار کاکہنا تھا کہ لوگ اپنے گھروں سے اوزار لائے، وقت پر حکومتی نمائندے ایکشن میں آجاتے تو قیمتی جانوں کا ضیاع کم ہوتا۔ریسکیو آپریشن مکمل ہونے تک کراچی سے اندرون ملک جانے والی ٹرینوں کو آمدورفت روک دی گئی ۔ڈی سی او ریلوے ناصر عزیز کا کہنا ہے کہ پہلی ترجیح ریسکیو آپریشن اور ٹریک کی بحالی ہے، حادثے کی وجوہات کا تعین بعد میں کیا جائے گا، کچھ بھی کہنا قبل از وقت ہے ۔پہلی اطلاع پر ہی عملہجائے وقوعہ پر پہنچ گیا تھا ،حادثہ کی وجہ سے متعلق جلد تحقیقات کی جائے گی۔
وزیر اعلی سندھ نے لانڈھی ٹرین حادثے میں جانی نقصان پر اظہارِ افسوس کرتے ہوئے جناح اسپتال کی انتظامیہ کو زخمیوں کا مکمل خیال رکھنے کی ہدایت کردی ۔
ذرائع کا کہنا ہے کہ ملتان کے بعد لانڈھی کا ٹرین حادثہ بھی سگنل نظرانداز کرنے پرہوا۔ دونوں واقعات میں ایک جیسی غلطی سامنے آگئی ہے جس کے بعد ریلوے خود کار سگنل نظام پر سوالیہ نشان کھڑاہوگیاہے جس نے کنٹرول روم اور ڈرائیور کا رابطہ منقطع کردیا۔خود کارنظام سے قبل ڈرائیور ٹرین رکنے پرکنٹرول روم کو آگاہ کرتاتھاجسکے سبب پیچھے آنیوالی ٹرینوں سے بھی کنٹرول روم سے رابطہ کیاجاتاتھالیکن سگنلزآٹومیٹک ہوئے تو یہ رابطہ بھی ختم ہوگیااورڈرائیورکی ذرا سی لاپروائی خوفناک حادثات کا سبب بننے لگی۔خود کارنظام کے تحت سگنل خراب بھی ہوتو سرخ بتی جل اٹھتی ہے لیکن اس صورت میں بھی زیادہ ذمہ داری ڈرائیور پرہی عائد ہوتی ہے۔ماہرین کے مطابق خودکارسگنل نظام کیساتھ ریلوے انجن میں جدیدڈیوائس کی تنصیب بھی ضروری ہے جو رکاوٹ کی صورت میں انجن کو بند کردیتی ہے- واضح رہے کہ رواں سال ستمبر میں ملتان میں بچھ ریلوے اسٹیشن پر مسافر ٹرین مال گاڑی سے ٹکرا گئی تھی، حادثے میں 5 افراد جاں بحق اور درجنوں زخمی ہوگئے، حادثے کا شکار ٹرین پشاور سے کراچی آرہی تھی۔
ذرائع کے مطابق لانڈھی ٹرین حادثے کی تحقیقات فیڈرل انسپکٹر آف ریلوے کرے گا۔حادثے کی ابتدائی رپورٹ ریلوے ہیڈ کوارٹرز کو موصول ہوگئی ہے۔ رپورٹ کے مطابق حادثہ زکریا ایکسپریس کے ڈرائیور کی غلطی سے پیش آیاجس نے سگنل کو نظر انداز کیا۔حادثے کے مقام پر عام طور پر ٹرینیں کھڑی نہیں ہوتیں۔
وزیر اعظم نواز شریف اور صدر ممنون حسین نے ٹرین حادثے پر افسوس کا اظہار کرتے ہوئے متعلقہ حکام کو تحقیقات کا حکم دیدیا ہے۔وفاقی وزیر ریلوے خواجہ سعد رفیق نے 10 روز میں سانحے کی تحقیقات مکمل کرنے کا حکم دیتے ہوئے جاں بحق افراد کے ورثا کے لیے 15لاکھ روپے جبکہ زخمیوں کے لیے ساڑھے 3لاکھ روپے فی کس امداد کا اعلان کیا ہے۔خواجہ سعد رفیق حادثے کے باوجود کراچی آنے کے بجائے پاناما کیس کی سماعت کے لیے سپریم کورٹ چلے گئے۔ عدالت کے باہر میڈیا سے گفتگو کرتے ہوئے ان کا کہنا تھا کہ حادثہ انسانی غفلت کے باعث پیش آیا۔ پیچھے سے آنے والی ٹرین کے ڈرائیور اور اسسٹنٹ ڈرائیور نے سنگلز کو نظر انداز کیا جس کے باعث ہولناک حادثہ ہوگیا۔انہوں نے بتایا کہ ڈرائیور اور اسسٹنٹ ڈرائیور تاحال لا پتا ہیں اور ان کی تلاش جاری ہے۔ کمشنر کراچی اعجاز احمد کا کہنا ہے کہ جب تک آپریشن مکمل نہیں ہوتا میں یہی موجود ہوں، امدادی کارروائی میں کوئی تاخیر نہیں ہوئی۔
پیپلز پارٹی کے چیئرمین بلاول بھٹو زرداری نے جناح اسپتال کراچی میں ٹرین حادثے کے زخمیوں کی عیادت کرتے ہوئے کہا کہ میں سندھ حکومت سے کہوں گا کہ وہ جاں بحق افرادکے لواحقین کو پلاٹ دیں اور زخمیوں کی مالی مدد کریں۔ زخمیوں کی عیادت کے بعد میڈیا سے گفتگو کرتے ہوئے بلاول بھٹو نے وزیر ریلوے سعد رفیق کو مخاطب کرتے ہوئے کہا کہ مینڈیٹ کا مطلب یہ نہیں کہ عوام کو جواب نہ دیا جائے۔بلاول بھٹو زرداری نے کہا کہ ہم دہشت گردی اور حادثات پر سیاست نہیں کرتے۔انہوں نے زخمیوں کی دیکھ بھال اور علاج معالجے پر اطمینان کا اظہار کرتے ہوئے کہا کہ اسٹاف اور ڈاکٹرز زخمیوں کا بہترین علاج کر رہے ہیں۔ایک سوال کے جواب میں انہوں نے کہا کہ میں مانتا ہوں کہ پیپلز پارٹی 8 سال حکومت میں رہی، اس سے قبل میری والدہ دو بار حکومت میں آئیں، اس سے پہلے میرے نانا بھی وزیر اعظم رہے، ہم نے جو کام کیے وہ سب کے سامنے ہیں لیکن مجھے اعتراف ہے کہ ابھی بھی بہت سے کام باقی ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
