... loading ...
... loading ...
تحریک انصاف اندرونی انتشار اوربیرونی دباؤ کے باوجود عمران خان کی قیادت میں رائیونڈ میں نہ صرف ایک بڑا جلسہ کرنے میں کامیاب ہو گئی ہے بلکہ رائیونڈ سے حکومت چلانے والے شریف برادران کے لیے خطرے کی گھنٹی بھی بجانے میں کامیاب ہو گئی ہے۔ کسی بھی ابہام کے بغیر یہ ایک تسلیم شدہ حقیقت ہے کہ عمران خان پاکستان کے واحد رہنما ہے جو اب بڑے عوامی جلسوں کے کامیاب انعقاد کی کشش رکھتے ہیں۔ ایک ایسے وقت میں جب عمران خان نے انصاف یوتھ ونگ کو معطل کردیا تھا۔ جسٹس وجیہہ الدین نے تحریک انصاف سے علیحدگی کے اعلان کے لیے ایک ایسا وقت چنا جب رائیونڈ مارچ محض تین روز دور رہ گیا تھا۔اور خیبر پختونخوا سے بھی کچھ اچھی خبریں نہیں آرہی تھیں جہاں سے عوام کو رائیونڈ مارچ کے لیے متحرک کرنے پر مامور نوخواتین اراکین اسمبلی نے اچانک لندن کا رخت سفر باندھ لیا تھا۔ عمران خان نے نہ صرف کامیاب جلسہ کر دکھایا بلکہ یہ بھی ثابت کردیا کہ وہ اب بھی نوازشریف حکومت کے لیے ایک حقیقی خطرہ ہیں۔
تحریک انصاف کے سربراہ عمران خان نے رائیونڈ مارچ سے خطاب کرتے ہوئے کہا کہ اگر وزیراعظم نوازشریف نے خود کو پاناما لیکس کے حوالے سے تحقیقات کے لیے پیش نہیں کیا تو وہ اُنہیں حکومت نہیں کرنے دیں گے۔ عمران خان نے اس حوالے سے حتمی تاریخ دیتے ہوئے کہا کہ وہ محرم کے بعد اسلام آباد بند کردیں گےاور اب جلسے نہیں کچھ اور کریں گے۔واضح رہے کہ تحریک انصاف کے اندرونی حلقوں میں محرم کے بعد اسلام آباد میں نوازشریف کی حکومت کا گھیراؤ کرنے کے مشورے بھی جاری ہیں۔
عمران خان نے نوازشریف پر شدید تنقید کرتے ہوئے کہا کہ چوری کے پیسے نے حکمرانوں کو بزدل کردیا، قوم کے 60 کروڑ روپے جاتی امراء کی دیواروں پر لگے، حکمرانوں نے ساڑھے 8 ارب روپے اپنے محلات کی سیکیورٹی پر خرچ کردیے، وزیر اعظم نواز شریف نے جاتی امراء میں غریبوں کی زمینوں پر قبضہ کیا جبکہ وائٹ ہاؤس کے عملے کی تعداد جاتی امراء کے عملے سے آدھی ہے۔
انہوں نے وزیر اعظم نواز شریف کو مخاطب کرتے ہوئے کہا کہ ’آپ کو دل کا نہیں پیٹ کا مسئلہ ہے، آپ کو اربوں روپے کھانے سے بد ہضمی ہوگئی اس لیے آپ اپنے پیٹ کا علاج کرائیں۔ عمران خان نے کہا کہ اگر آپ کو مغل اعظم کی طرح رہنا ہے تو قوم کانہیں اپنا پیسہ خرچ کریں۔
عمران خان نے کہا کہ نواز شریف پاناما لیکس میں رنگے ہاتھوں پکڑے گئے، پاناما میں مریم نواز 2 کمپنیوں کی مالک نکلیں، وزیر اعظم پر کرپشن اور منی لانڈرنگ کا الزام ہے، انہوں نے 4 قوانین توڑے اور الیکشن کمیشن کے گوشواروں میں نہیں بتایا کہ ان کے پاس پیسہ کہاں سے آیا۔
ان کا کہنا تھا کہ لاکھوں کی چوری کرنے والے تو پکڑے جاتے ہیں لیکن چیئرمین نیب قمر زمان چودھری اربوں روپے کی چوری کو کیوں نہیں پکڑ رہے؟ ایف آئی اے نے پاناما لیکس کی فوری تحقیقات کیوں نہیں کیں؟ پاناما لیکس سے متعلق شریف خاندان کا ہر فرد متضاد بیانات دے رہا ہے اور جھوٹ بول رہا ہے، جبکہ یہ لیکس الزام نہیں ثبوت ہیں۔
انہوں نے کہا کہ کرپشن کرنے والا ادارے تباہ کرتا ہے اور جب ادارے تباہ ہوتے ہیں تو ملک تباہ ہوتا ہے، مغربی ملک کے کسی وزیر اعظم میں کرپشن کی جرأت نہیں، نواز شریف کو برطانیہ کا وزیر اعظم بنادیا جائے تو 5 سال میں برطانیہ کا دیوالیہ نکل جائے گا، تاہم کرپشن کو نہ قوم بھولی ہے نہ عمران خان انہیں بھولنے دے گا۔
عمران خان نے پاک بھارت کشیدگی کو بھی اپنی خطاب میں خاص طور پر موضوع بنایا۔ اُنہوں نے کہا کہ ’میں جنگ نہیں امن پر یقین رکھتا ہوں، برصغیر کو جنگ نہیں امن کی ضرورت ہے، فوج کبھی مسائل کا حل نہیں ہوتی جبکہ ایٹمی طاقت رکھنے والے ملکوں کو جنگ کا سوچنا بھی نہیں چاہیے۔‘
انہوں نے کہا کہ ’بھارت میں چھوٹا سا دھماکا ہو تو بغیر تفتیش کیے پاکستان پر الزام لگا دیا جاتا ہے، اڑی حملے کا الزام پاکستان پر لگانے سے بڑا جھوٹ کیا ہوسکتا ہے؟ کشمیر میں پاکستان کی مداخلت کا کہنا غلط ہے، 26 سال سے کشمیری قربانیاں دے رہے ہیں اور 80 ہزار کے قریب کشمیری جاں بحق ہوچکے ہیں۔‘
چیئرمین تحریک انصاف نے بھارتی وزیر اعظم نریندر مودی کو مخاطب کرکے کہا کہ ’نریندر مودی تم نے پاکستان اور اپنے ملک کے عوام کو مایوس کیا، تم نے دنیا بھر میں ثابت کیا کہ تم لیڈر نہیں بلکہ تعصب پسند ہو، مجھے تمہاری سوچ پر افسوس ہے لیکن سن لو، ہر پاکستانی نواز شریف نہیں ہے، کشمیر اور پاکستان کے لوگوں کے دل ساتھ دھڑکتے ہیں اور پاکستان قوم ایک ہے۔
عمران خان نے اپنے خطاب میں ذرائع ابلاغ کی جانبداری کو بھی ہدف تنقید بنایا۔ اُن کے جلسے میں لوگوں کی بڑی تعداد میں شرکت اور عوام کا جوش وخروش ذرائع ابلاغ میں زیربحث رہا۔ رائیونڈ کے قریب اڈا پلاٹ پر تحریک انصاف کے جلسے کا میدان سجایا گیا تھا۔جہاں پر 15 کنٹینیرز پر مشتمل 20 فٹ بلند اور 80 فٹ لمبا اسٹیج بنایا گیا تھا، جبکہ کارکنوں کا لہو گرمانے کیلئے جلسہ گاہ میں ساؤنڈ سسٹم اور ہزاروں کرسیاں بھی لگائی گئی تھیں۔
شرکاء کی حفاظت کیلئے پولیس کے چھ ہزار اہلکار تعینات تھے جبکہ جلسہ گاہ کے اطراف میں کنٹینرز اور خفیہ کیمروں کی تنصیب کے ساتھ سراغ رساں کتوں کی مدد سے پنڈال کو کلیئر کیا گیاتھا۔ لاکھوں لوگوں کی جلسے میں شرکت نے ایک بار پھر اس تاثر کو مستحکم کیا ہے کہ عمران خان کی مقبولیت نہ صرف برقرار ہے بلکہ وہ اب بھی حکومت کے لیے ایک خطرہ ہیں۔
گھریلو صارفین کو 34روپے 37پیسے فی یونٹ بجلی ملے گی ، صنعتوں کیلئے بجلی کی قیمت میں مزید 7روپے 59پیسے کمی ،جس کے بعد صنعتی صارفین کیلئے فی یونٹ 40 روپے 60پیسے ہوگئی 77 سال سے ملک کو غربت کی جانب دھکیلنے والے مسائل کو جڑ سے اکھاڑ نہ پھینکا تو یہ ریلیف اور آئندہ آنیوا...
پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے اسٹیبلشمنٹ سے بات کرنے کے لیے کسی کو کوئی ٹاسک نہیں دیا۔میڈیا سے گفتگو کرتے ہوئے انہوں نے کہا کہ علی امین گنڈاپور اور بیرسٹر سیف کی بانی سے ملاقات سے متعلق غلط خبریں چل رہی ہیں۔شی...
اگر ججز اپنے احکامات پر عمل درآمد نہ کروا سکے تو بہتر ہے استعفیٰ دیکر کر گھر چلے جائیں اضلاع میں حکومت کی رٹ نہیں، انتظامیہ بلوچستان میں لا اینڈ آرڈر نہ ہونے کا اقرار کر رہی ہے قومی اسمبلی میں اپوزیشن لیڈر عمر ایوب نے الزام لگایا ہے کہ عمران خان کو عید کی نماز نہیں پڑھنے دے...
پاکستان کی خودمختاری اور عوامی حقوق کے تحفظ کے لیے ہر ممکن اقدام کریں گے صدر مملکت کا ذوالفقار علی بھٹو کی برسی پر تعزیتی پیغام، شاندار الفاظ میں خراج تحسین صدر مملکت آصف علی زرداری نے کہا ہے کہ ہم شہید ذوالفقار علی بھٹو کے مشن کو جاری رکھیں گے اور پاکستان کو اُن کے وژن کے م...
سردار اختر مینگل کی جانب سے احتجاج کے دوران 3 مطالبات رکھے گئے ہیں دھرنے میں بی این پی قیادت، سیاسی و قبائلی رہنما، لاپتا افراد کے لواحقین شریک بلوچستان کے ضلع مستونگ میں بلوچستان نیشنل پارٹی (بی این پی۔ مینگل) کی جانب سے انسانی حقوق کے کارکنوں کی حالیہ گرفتاریوں کے...
پارٹی رہنماؤں کو اسٹیبلشمنٹ سے مذاکرات کرنے کا ٹاسک دینے کے فیصلے سے لاعلمی کا اظہار عدالتیں زیرو ہو گئیں، عدلیہ ، ججز اپنی عزت کی حفاظت خود کریں گے ، قائد حزب اختلاف سینیٹ سینیٹ میں قائد حزب اختلاف اور پاکستان تحریک انصاف کے سینئر رہنما شبلی فراز نے بانی پی ٹی آئی...
ملاقات میں اداروں سے ٹکراؤ کی پالیسی پر نظرثانی پر بھی گفتگو، علی امین اور بیرسٹرسیف بانی پی ٹی آئی کو قائل کرنے میں کامیاب ،عمران خان نے دونوں رہنماؤں کو اسٹیبلشمنٹ سے مذاکرات کا ٹاسک دے دیا ڈھائی گھنٹے طویل ہونے والی اس ملاقات کا محور اسٹیبلشمنٹ سے مذاکرات تھا، علی ...
رائٹس ایکٹوسٹس کی حالیہ گرفتاریوں کے خلاف بی این پی کا احتجاج چھٹے روز میں داخل ، بلوچستان میںوائی فائی پھر بند، حکومتی وفد اور سردار اختر مینگل کے درمیان بات چیت کا کوئی نتیجہ نہیں نکلا ہمارے جائز مطالبات پر مذاکرات کے لیے کل جو حکومتی وفد آیا تھا، ان کے پاس آزادانہ ب...
جنرل سید عاصم منیر نے مغربی سرحد پر تعینات افسروں اور اہلکاروں کے ساتھ عید الفطر منائی پاک فوج کے جوانوں کا عزم اور قربانیاں پاکستان سے گہری محبت کی بھی عکاسی کرتی ہے آرمی چیف جنرل عاصم منیر نے مسلح افواج اور قانون نافذ کرنے والے اداروں کی کارکردگی کو سراہتے ہوئے کہا ہے کہ خیب...
غیر قانونی افغانوں کیخلاف سرچ آپریشن کیے جائیں گے، بائیومیٹرک ریکارڈ محفوظ رکھا جائے گا غیر افغان باشندوںکو جائیدادیں کرائے پر دینے والے شہریوں کو بھی نتائج کا سامنا کرنا پڑے گا 31 مارچ تک پاکستان چھوڑنے والے غیرقانونی افغان باشندوں کی تعداد 8 لاکھ 85 ہزار 902 ہوگئ...
وزیر اعظم آج پاور سیکٹر کے اعلیٰ سطحی اجلاس کی صدارت اور قوم سے خطاب کریں گے شہباز شریف خطاب میں قوم کو سرپرائز ، بڑی خوشخبری سنائی جائے گی، وزارت اطلاعات وزیر اعظم شہباز شریف کی جانب سے آج بجلی کی قیمتوں میں نمایاں کمی کا اعلان متوقع ہے ۔رپورٹ کے مطابق وزیر اعظم شہبازشریف ...
صدر کا بخار اور انفیکشن کم ہوگیا، ڈاکٹرز ان کی طبیعت کی مسلسل نگرانی کررہے ہیں طبیعت بہتر ہوتے ہی صدرمملکت باقاعدہ اپنا دفتر سنبھالیں گے ، ذرائع پیپلز پارٹی صدر مملکت آصف علی زرداری کی طبیعت میں کافی بہتری آگئی تاہم وہ کورونا میں مبتلا ہوگئے ہیں اور ڈاکٹروں نے انہیں...
