... loading ...
... loading ...
ملک کو دہشت گردی سے نجات دلانے کیلئے پاک فوج کی جانب سے شروع کیا جانے والا آپریشن ضرب عضب اب اپنے آخری مرحلے میں داخل ہوچکاہے ،اس میں کوئی شک نہیں کہ پاک فوج کے سربراہ جنرل راحیل شریف کی نگرانی میں شروع ہونے والا آپریشن ضرب عضب زبردست کامیابی سے ہمکنار ہواہے یہاں تک کہ اب تک پاکستان پردہشت گردوں کے خلاف کارروائی میں تساہل برتنے کاالزام لگانے والی بین الاقوامی قوتیں بھی اس بات کااعتراف کررہی ہیں کہ پاک فوج کے جوانوں نے انتہائی مختصر مدت میں قلیل وسائل کے باوجود دہشت گردوں کی کمر توڑ کر رکھ دی ہے اوراب دہشت گرد اپنا وجود برقرار رکھنے کیلئے بھاگتے اور چھپتے پھر رہے ہیں۔پاک فوج کے جوانوں نے آپریشن ضرب عضب کے دوران افغانستان سے ملنے والی پاکستانی سرحدوں کے ساتھ دہشت گردوں کے قائم کئے ہوئے مضبوط اڈوں کاصفایا کردیاہے اور اب شمالی علاقوں سمیت افغان سرحد کے قریب واقع کسی بھی پاکستانی علاقے میں دہشت گردوں کاکوئی مضبوط ٹھکانہ یا نیٹ ورک موجود نہیں ہے اور دوبارہ اس طرح کے نیٹ ورک کے قیام کے امکانات کو بھی ختم کردیاگیا ہے۔
آپریشن ضرب عضب کی کامیابی پر یقینا پاک فوج کے سربراہ اور اس آپریشن میں حصہ لینے والے تمام فوجی جوان اور افسران مبارکباد کے لائق ہیں اور ان کی جرات وبہادری اور فرائض سے لگن کی جتنی بھی تعریف کی جائے کم ہے، لیکن پاک فوج کی جانب سے سیکڑوں قیمتی جانوں کی قربانیوں کے بعد حاصل کی گئی یہ کامیابی اس وقت تک ادھوری تصور کی جائے گی جب تک کہ اس آپریشن کیلئے پاک فوج کو ہموار راستہ فراہم کرنے کیلئے اپنا گھر بارچھوڑ کر دربدر ہونے والے ہزاروں خاندانوں کی دوبارہ باعزت اور باوقار طور پر بحال نہیں کردیاجاتا۔یہ درست ہے کہ حکومت نے آپریشن کی وجہ سے بے گھر ہونے والوں کی امداد کیلئے اقدامات کئے ہیں لیکن حکومت کے ان اقدامات کو کافی قرار نہیں دیاجاسکتاکیونکہ اب بھی ہزاروں بے گھر خاندان انتہائی کسمپرسی کی حالت میں زندگی گزارنے پر مجبور ہیں۔حکومت بے گھر ہونے والے ان خاندانوں کو درپیش مشکلات ومسائل سے اچھی طرح واقف ہے جس کااندازہ گورنر پختونخوا اقبال جھگڑا کے حالیہ بیان سے ہوتاہے جس میں انھوں نے بے گھر ہونے والے خاندانوں کی بحالی کیلئے حکومت کی جانب سے کئے جانے والے اقدامات کی وضاحت کی تھی۔
آپریشن ضرب عضب کے نتیجے میں بے گھر ہونے والوں کی اصل تعداد کااندازہ لگانا تو بظاہر بہت مشکل نظر آتاہے لیکن رواں سال پناہ گزینوں کی آبادکاری اور بحالی سے متعلق اقوام متحدہ کی تنظیم یو این ایچ سی آر کی جاری کردہ ایک رپورٹ کے مطابق اس آپریشن کے نتیجے میں ساڑھے4 لاکھ سے زیادہ گھرانے بے گھر ہوئے ہیں اور اس وقت ملک کے مختلف شہروں میں پناہ گزینوں جیسی زندگی گزار نے پر مجبور ہیں۔اگرچہ حکومت بے گھر ہونے والے ساڑھے3 لاکھ خاندانوں کو دوبارہ آباد کرنے کادعویٰ کرتی ہے لیکن اخبارات میں وقتاً فوقتاً شائع ہونے والی خبروں اور تجزیوں میں بیان کردہ حقائق اس دعوے کی تصدیق نہیں کرتے اس کے علاوہ ضرورت اس بات کی ہے کہ حکومت ان بے گھر ہونے والے خاندانوں کوان کے آبائی علاقوں میں مستقل طورپر آباد کرنے اور ان کی گزر بسر کا معقول انتظام کرنے پر توجہ دے، کیونکہ بے گھر ہونے کے ساتھ ان میں سے بیشتر خاندان اپنی روزی کے ذرائع سے بھی محروم ہوچکے ہیں ان کی زمینیں آپریشن کی وجہ سے بنجر ہوچکی ہیں ان کے باغات اجڑ چکے ہیں اور ان کی دکانیں اپنا وجود کھو چکی ہیں۔اجڑے ہوئے خاندانوں کو اپنے گھروں کی دوبارہ تعمیر کے نام پر صرف 25 ہزار روپے کی حقیر رقم دینے سے یہ مسئلہ حل نہیں ہوسکتا، اس رقم سے نہ تو ان کے گھر دوبارہ تعمیر ہوسکتے ہیں اور نہ ہی وہ دوبارہ کاروبار زندگی شروع کرنے کے قابل ہوسکتے ہیں۔
جہاں تک اجڑے ہوئے لوگوں کی آبادکاری کاتعلق ہے تو اس میں کوئی شک نہیں کہ حکومت اور پاک فوج اس حوالے سے بھی غافل نہیں ہے اور اس مقصد کیلئے کام یا منصوبہ بندی جاری ہے لیکن اس کی رفتار اور معیار وہ نہیں جو ہونا چاہئے تھا اس وقت حقیقت یہ ہے کہ سردیاں قریب آرہی ہیں اور پختونخوا میں سردیاں ان اجڑے ہوئے خاندانوں کیلئے موت کاپیغام ثابت ہوسکتی ہیں ، اس لئے حکومت کو ان کی فوری آبادکاری کیلئے ایک جامع پروگرام تیار کرناچاہئے اور سردیوں کی آمد سے قبل ہی ان کو سرچھپانے کی جگہ کے ساتھ ہی اشیائے خوردونوش کی فراہمی کو بھی یقینی بنانا چاہئے،حکومت اور ہماری مسلح افواج اس بات سے اچھی طرح واقف اور چشم دید گواہ ہے کہ اس آپریشن اور دہشت گردوں کی کارروائیوں کی وجہ سے ان کے علاقے میں بنیادی سہولتوں کے تمام ذرائع تہس نہس ہوچکے ہیں ہسپتال اور اسکول ملبے کاڈھر بن چکے ہیں اور صاف پانی کی فراہمی کا بھی کوئی نظام باقی نہیں رہاہے ، اس لئے ضروری ہے کہ حکومت ان سب کی تکمیل کیلئے فوری اور موثر اقدامات پر توجہ دے۔
ایک اندازے کے مطابق متاثرہ علاقوں میں مجموعی طورپرڈیڑھ ہزار تعلیمی ادارے تباہ ہوئے ہیں ان میں سے اب تک چند ہی دوبارہ تعمیر ہوسکے ہیں اور ان کی دوبارہ تعمیر بھی حکومت نے نہیں کرائی بلکہ بعض امدادی اداروں نے وہاں پہنچ کر یہ ذمہ داری پوری کی ہے۔
آپریشن کی وجہ سے بے گھر ہونے والے ان خاندانوں کی مستقل بحالی کا یہ کام آسان نہیں ہے اور حکومتی ڈھانچہ اس قابل نہیں ہے کہ وہ تنہا یہ بڑی ذمہ داری احسن طورپر پورا کرسکے اس لئے اس اہم کام کی بہتر اور احسن طورپر انجام دہی کیلئے حکومت کو فوج اورملک خاص طورپر پختونخوا کے تاجروں اور صنعت کاروں کی مدد اور اعانت حاصل کرنے کی کوشش کرنی چاہئے ، اور سب سے پہلے ٹوٹے پھوٹے اسکولوں کی تعمیر مکمل کرکے ان میں اساتذہ تعینات کرنے چاہئیں تاکہ اجڑے ہوئے خاندانوں کے بچے بچیاں دوبارہ تعلیم کی طرف راغب ہوسکیں ۔فوج کی انجینئرنگ کور کے ماہر انجینئر ان لوگوں کیلئے زلزلہ پروف کم لاگت کے مکانوں کی تعمیر کے ساتھ ہی ان کو روٹی کمانے کے قابل بنانے کیلئے بے گھر ہونے والے گھرانوں کے نوجوان لڑکوں اور لڑکیوں کو فنی تعلیم سے بھی آراستہ کرسکتے ہیں اورہمارے محب وطن تاجر اور صنعت کار ان لوگوں کو اپنی صنعتوں میں ملازمت فراہم کرسکتے ہیں۔ اس طرح قوم ووطن کی خاطر اپنے گھر بار کو خیر باد کہنے والوں کو نہ صرف یہ کہ باعزت طریقے سے زندگی گزارنے کاموقع مل جائے گا، بلکہ اس سے پورے ملک کے عوام کو یہ پیغام بھی جائے گا کہ قوم اور ملک کی خاطر قربانیاں دینے والوں کا ایثار رائیگاں نہیں جاتا اور ہماری حکومت ،عوام اور مسلح افواج ان لوگوں کو عزت ووقار کے ساتھ زندگی گزارنے کے مواقع فراہم کرنے کی ذمہ داری پوری کرنے سے غافل نہیں رہتی۔
ایک معروف امدادی ادارے نے کہتا ہے کہ گزشتہ سال دنیا بھر میں 27.8 ملین افراد داخلی طور پر بے گھر ہوئے، جس کی وجہ خانہ جنگیاں اور قدرتی آفات ہیں۔ یہ دنیا کے چار بڑے شہروں نیو یارک، لندن، پیرس اور قاہرہ کی مشترکہ آبادی سے بھی زیادہ لوگ ہیں۔ بدھ کو جاری ہونے والی نارویجیئن ریفیوج...
پاک فوج کے سربراہ جنرل راحیل شریف نے دہشت گردی کے خلاف آپریشن کو ایک نئی جہت دیتے ہوئے پہلی مرتبہ اس کا نظری اور فکری تناظر دیا ہے۔ اُنہوں نے غیر معمولی طور پر دہشت گردوں کے خلاف جاری آپریشن ضرب عضب کے حوالے سے کہا ہے کہ ضرب عضب صرف ایک آپریشن نہیں، پورا نظریہ ہے اور اس کا مقصد ش...
پہلے سے ہی پستی کے شکار پاک افغان تعلقات میں گزشتہ دوروز میں مزید زوال آیا ہے۔ اور دونوں ممالک کی حکومتوں کی طرف سے ماضی میں ظاہر کی گئی خوش گمانیاں تیزی سے تحلیل ہو رہی ہیں۔ جس کا واضح اظہار اقوام متحدہ کی جنرل اسمبلی میں افغانستان کے چیف ایگزیکٹو عبداللہ عبداللہ کی طرف سے خطاب ...
پاکستان ایئرفورس پشاور بڈھ بیر میں واقع بیس کیمپ پر حملے میں کیپٹن اسفندیار سمیت انتیس سے زائد افراد شہیدہوگئے -واقعے میں شہید افراد کےاہل خانہ سے اظہار افسوس کے ساتھ یہ بھی صدمہ کہ اس بار بھی دہشت گردوں کا نشانہ وہی شہر بنا ہے جہاں گزشتہ سال تاریخ کابدترین واقعہ ہوا۔کئی دہائیوں ...
لہو کے آخری قطرے تک مادرِوطن کے دفاع کے جذبے سے سرشار قوم کی گرمجوشی دیدنی ہے ۔ 2015کا یہ ستمبر 1965کے ستمبرسے زیادہ مختلف نہیں ۔ تب بھی قوم کی امیدوں کا محورمسلح افواج تھیں اور آج بھی ایسی ہی صورتحال ہے ۔’’اے وطن کے سجیلے جوانوں‘‘ گانے کیلئے اب ملکۂ ترنم بقید ِحیات تو نہیں مگر ج...
