... loading ...
... loading ...
چودھری نثار نے اسلام آباد میں پریس کانفرنس کرتے ہوئے پیپلزپارٹی اور مسلم لیگ نون کے درمیان موجود ایک خاموش معاہدے کو شدید دھچکا پہنچایا ہے۔ اُنہوں نے پیپلز پارٹی کے بعض رہنماؤں کی جانب سے اُن پر کیے جانے والے حملوں کا جواب دیتے ہوئے پیپلزپارٹی کو اُن کے نازک حصوں سے چھیڑتے ہوئے کہا کہ ایک ذمہ دار شخص نےحکومت سے صلح کی پیشکش کرتے ہوئے کچھ اعتماد افزا اقدامات اٹھانے کے لیے کہا۔ جن میں ایان علی کیس کی واپسی اور ڈاکٹر عاصم حسین کی ضمانت ہونے دینے کے اقدامات اُٹھانے کی شرائط رکھی گئیں۔ چودھری نثار نے اس موقع پر خوشگوار موڈ اور پیپلز پارٹی کے رہنماؤں کا مذاق اڑاتے ہوئے کہا کہ ایک لڑکی 5 کروڑ روپے لے کر جاتی ہے اور جب گرفتار ہوتی ہے توزمین آسمان ایک کردیا جاتا ہے۔ اُنہوں نے سردار لطیف کھوسہ کی طرف اشارہ کرتے ہوئے کہا کہ آخر کیوں لوگوں کی کھال اتارنے والے ایان کا کیس بھی مفت میں لڑ رہے ہیں، جس سے واضح طور پر یہ سوال اٹھتا ہے کہ آخر ایان علی اور پیپلز پارٹی کا تعلق کیا ہے؟
وفاقی وزیر داخلہ چودھری نثار نے یہ گفتگو پیپلزپارٹی کے کچھ رہنماؤں کے اُن کے خلاف حالیہ بیانات کی روشنی میں کی۔ جس کی طرف اُنہوں نے خود بھی اشارہ دیتے ہوئے کہا کہ دو روز قبل قومی اسمبلی میں اُن کی تقریر شیڈول کے مطابق تھی، تقریر میں سابق صدر آصف علی زرداری کی تعریف کرنے پر کہا گیا کہ آصف زرداری کو میری تعریف کی ضرورت نہیں۔ اگر ایسا ہی ہے تو میرا تعریفی خط اب تک انہوں نے اپنے پاس کیوں رکھا ہوا ہے؟
انہوں نے کہا کہ کچھ لوگ اسمبلی میں پوائنٹ اسکورنگ اور تماشا لگانا چاہتے تھے۔ اسمبلی میں صرف وزیر اعظم کو متاثر کرنے کے لیے ڈرامہ رچایا گیا۔ اپوزیشن لیڈر سید خورشید شاہ حکومت کے بجائے میرے خلاف ہیں۔ ان کا کہنا تھا کہ اپوزیشن لیڈر کو سیکیورٹی اداروں کے حوالے سے میری بات ناگوار گزری، لیکن سیکیورٹی اداروں پر تنقید کا جواب دینا میری ذمہ داری ہے۔
نیشنل ایکشن پلان میں وزارت داخلہ سے متعلق چار نکات تھے، جن میں سے وزارت نے اپنے حصے کا بیشتر کام کرلیا ہے۔ سیکیورٹی کے حوالے سے کسی صوبے کو کبھی تنقید کا نشانہ نہیں بنایا۔ لیکن صوبے انٹیلی جنس رپورٹ کی پرواہ نہیں کرتے۔
انہوں نے خود پر الزامات لگانے والوں کو مناظرے کا چیلنج کرتے ہوئے کہا کہ جسٹس ریٹائرڈ وجہیہ الدین اور جسٹس ریٹائرڈ طارق پر مشتمل کمیشن بنالیا جائے، جبکہ صحافیوں پر مشتمل جیوری بنائی جائے جو قوم کو سچ بتائے۔
وفاقی وزیر داخلہ نے اپنی طویل پریس کانفرنس میں امریکی شہری میتھیوبیرٹ، سارک کانفرنس میں بھارتی وزیرداخلہ راج ناتھ کے ساتھ سلوک اور شناختی کارڈ کے حوالے سے جاری تصدیقی عمل پر بھی بات کی۔ اُنہوں نے واضح کیا کہ گرفتار امریکی شہری میتھیو بیرٹ مشترکہ تحقیقاتی رپورٹ (جے آئی ٹی) میں جاسوس ثابت نہیں ہوا۔ لیکن اسے آئندہ چند روز میں پاکستان سے ڈی پورٹ کردیا جائے گا۔اُنہوں نے شناختی کارڈ کے تصدیقی عمل کے حوالے سے کہا کہ ایک ماہ اور دس دن میں تین کروڑ بارہ شناختی کارڈز کی تصدیق ہوچکی ہے۔ جبکہ چودہ غیر ملکیوں نے خود فون کرکے اپنے شناختی کارڈ اور پاسپورٹ واپس کیے۔ اس کے علاوہ عوام کی شکایت پر پانچ ہزار شناختی کارڈ بلاک کیے جاچکے ہیں۔ چودھری نثار نے بھارتی وزیرداخلہ کی سارک کانفرنس میں آمد کے بعد پیدا ہونے والی ناخوشگوار صورت حال پر تبصرہ کرتے ہوئے کہا کہ بھارتی وزیر داخلہ راج ناتھ سنگھ کو روایات سے ہٹ کر کانفرنس میں بات کرنے کی اجازت دی گئی تھی لیکن گھر آیا مہمان اگر تضحیک کرے تو خاموش نہیں رہا جاسکتا اور دنیا کے کسی کونے میں بھی پاکستان کی تضحیک ہو تو جواب دینا میرا فرض ہے۔
اونچ نیچ آفتاب احمد خانزادہ سوال زندہ ہونے کا ثبوت دیتے ہیں ،ایک سوال جس میں وقت کے ساتھ ساتھ شدت آتی جارہی ہے کہ آخر پاکستان کے عوام ملک کے سیاسی ، سماجی ، معاشرتی کے ساتھ ساتھ اپنے تمام معاملات سے اتنے لا تعلق کیوں ہوتے جارہے ہیں ؟ماتمی جلوسوں کے علاوہ ان کی آوازیں کیوں سنا...
گھریلو صارفین کو 34روپے 37پیسے فی یونٹ بجلی ملے گی ، صنعتوں کیلئے بجلی کی قیمت میں مزید 7روپے 59پیسے کمی ،جس کے بعد صنعتی صارفین کیلئے فی یونٹ 40 روپے 60پیسے ہوگئی 77 سال سے ملک کو غربت کی جانب دھکیلنے والے مسائل کو جڑ سے اکھاڑ نہ پھینکا تو یہ ریلیف اور آئندہ آنیوا...
پی ٹی آئی کے مرکزی سیکریٹری اطلاعات شیخ وقاص اکرم نے کہا ہے کہ بانی پی ٹی آئی عمران خان نے اسٹیبلشمنٹ سے بات کرنے کے لیے کسی کو کوئی ٹاسک نہیں دیا۔میڈیا سے گفتگو کرتے ہوئے انہوں نے کہا کہ علی امین گنڈاپور اور بیرسٹر سیف کی بانی سے ملاقات سے متعلق غلط خبریں چل رہی ہیں۔شی...
اگر ججز اپنے احکامات پر عمل درآمد نہ کروا سکے تو بہتر ہے استعفیٰ دیکر کر گھر چلے جائیں اضلاع میں حکومت کی رٹ نہیں، انتظامیہ بلوچستان میں لا اینڈ آرڈر نہ ہونے کا اقرار کر رہی ہے قومی اسمبلی میں اپوزیشن لیڈر عمر ایوب نے الزام لگایا ہے کہ عمران خان کو عید کی نماز نہیں پڑھنے دے...
پاکستان کی خودمختاری اور عوامی حقوق کے تحفظ کے لیے ہر ممکن اقدام کریں گے صدر مملکت کا ذوالفقار علی بھٹو کی برسی پر تعزیتی پیغام، شاندار الفاظ میں خراج تحسین صدر مملکت آصف علی زرداری نے کہا ہے کہ ہم شہید ذوالفقار علی بھٹو کے مشن کو جاری رکھیں گے اور پاکستان کو اُن کے وژن کے م...
سردار اختر مینگل کی جانب سے احتجاج کے دوران 3 مطالبات رکھے گئے ہیں دھرنے میں بی این پی قیادت، سیاسی و قبائلی رہنما، لاپتا افراد کے لواحقین شریک بلوچستان کے ضلع مستونگ میں بلوچستان نیشنل پارٹی (بی این پی۔ مینگل) کی جانب سے انسانی حقوق کے کارکنوں کی حالیہ گرفتاریوں کے...
پارٹی رہنماؤں کو اسٹیبلشمنٹ سے مذاکرات کرنے کا ٹاسک دینے کے فیصلے سے لاعلمی کا اظہار عدالتیں زیرو ہو گئیں، عدلیہ ، ججز اپنی عزت کی حفاظت خود کریں گے ، قائد حزب اختلاف سینیٹ سینیٹ میں قائد حزب اختلاف اور پاکستان تحریک انصاف کے سینئر رہنما شبلی فراز نے بانی پی ٹی آئی...
ملاقات میں اداروں سے ٹکراؤ کی پالیسی پر نظرثانی پر بھی گفتگو، علی امین اور بیرسٹرسیف بانی پی ٹی آئی کو قائل کرنے میں کامیاب ،عمران خان نے دونوں رہنماؤں کو اسٹیبلشمنٹ سے مذاکرات کا ٹاسک دے دیا ڈھائی گھنٹے طویل ہونے والی اس ملاقات کا محور اسٹیبلشمنٹ سے مذاکرات تھا، علی ...
رائٹس ایکٹوسٹس کی حالیہ گرفتاریوں کے خلاف بی این پی کا احتجاج چھٹے روز میں داخل ، بلوچستان میںوائی فائی پھر بند، حکومتی وفد اور سردار اختر مینگل کے درمیان بات چیت کا کوئی نتیجہ نہیں نکلا ہمارے جائز مطالبات پر مذاکرات کے لیے کل جو حکومتی وفد آیا تھا، ان کے پاس آزادانہ ب...
جنرل سید عاصم منیر نے مغربی سرحد پر تعینات افسروں اور اہلکاروں کے ساتھ عید الفطر منائی پاک فوج کے جوانوں کا عزم اور قربانیاں پاکستان سے گہری محبت کی بھی عکاسی کرتی ہے آرمی چیف جنرل عاصم منیر نے مسلح افواج اور قانون نافذ کرنے والے اداروں کی کارکردگی کو سراہتے ہوئے کہا ہے کہ خیب...
غیر قانونی افغانوں کیخلاف سرچ آپریشن کیے جائیں گے، بائیومیٹرک ریکارڈ محفوظ رکھا جائے گا غیر افغان باشندوںکو جائیدادیں کرائے پر دینے والے شہریوں کو بھی نتائج کا سامنا کرنا پڑے گا 31 مارچ تک پاکستان چھوڑنے والے غیرقانونی افغان باشندوں کی تعداد 8 لاکھ 85 ہزار 902 ہوگئ...
وزیر اعظم آج پاور سیکٹر کے اعلیٰ سطحی اجلاس کی صدارت اور قوم سے خطاب کریں گے شہباز شریف خطاب میں قوم کو سرپرائز ، بڑی خوشخبری سنائی جائے گی، وزارت اطلاعات وزیر اعظم شہباز شریف کی جانب سے آج بجلی کی قیمتوں میں نمایاں کمی کا اعلان متوقع ہے ۔رپورٹ کے مطابق وزیر اعظم شہبازشریف ...
