... loading ...
... loading ...
وفاقی وزیرداخلہ چودھری نثار مسلم لیگ نون کی حکومت میں مستقل ایک مسئلہ اور موضوع تنازع بنے رہتے ہیں۔ ملک میں کوئی بھی المنا ک واقعہ پیش آجائے، وہ منظر سے غائب ہوتے ہیں۔ اور اچانک خبر آتی ہے کہ وہ وزیراعظم نوازشریف سے یا وزیرا عظم نوازشریف اُن سے ناراض ہیں۔ اُن کا روٹھنا اور اُنہیں منانا سب کچھ ایک خودکار عمل سا لگتا ہے۔ مگر یہ معاملہ ایم کیوایم کے قائد الطاف حسین کے پارٹی سے استعفیٰ کی طرح اتنی بار ہو چکا ہے کہ جب بھی یہ چودھری نثار کی ناراضی اور ایم کیوایم کے قائد کا استعفیٰ سامنے آتا ہے تو عوام اس پر صرف مسکرا کر رہ جاتے ہیں۔ کیونکہ دونوں کا انجام پہلے سے معلوم ہوتا ہے۔
چودھری نثار کی ناراضی کا تازہ ترین معاملہ کوئٹہ میں دہشت گردی کے بھیانک معاملے پر سامنے آیا ہے۔ جس میں 70 افراد جاں بحق اور 120 سے زائد زخمی ہو گیے ہیں۔ پاکستانی ذرائع ابلاغ پر اس بھیانک دہشت گردی کی خبر سامنے آتے ہی یہ خبر بھی گردش کرنے لگی کہ وزیراعظم نوازشریف اپنی تمام مصروفیات ترک کرکے وفاقی وزیرداخلہ چودھری نثار اور قومی سلامتی کے مشیر لیفٹیننٹ جنرل (ر) ناصر جنجوعہ کے ساتھ کوئٹہ کا دورہ کریں گے۔ مگر وزیراعظم نوازشریف جب کوئٹہ پہنچے تو اُن کے ہمراہ وفاقی وزیرداخلہ کے بجائے وفاقی وزیر اطلاعات پرویز رشید تھے۔ جس پر اُسی وقت چہ مگوئیاں شروع ہو گئیں کہ چودھری نثار وزیراعظم کے ہمراہ کیوں نہیں؟ وزیراعظم نوازشریف نے جس وقت کوئٹہ کے لیے پرواز لی تو وفاقی وزیرداخلہ چودھری نثار نادرا کی ایک بورڈ میٹنگ کی صدارت کررہے تھے۔ یہ کوئی ایسا اجلاس نہ تھا جسے ملتوی نہ کیا جاسکتا ہو۔ جبکہ وزیراعظم نوازشریف اور پاک فوج کے سربراہ جنرل راحیل شریف نے بھی اپنی تما م مصروفیات کو چھوڑ کر کوئٹہ جانے کے فیصلے فوری لے لیےہوں۔ اسلام آباد کے باخبر حلقوں میں یہ جاننے میں ذرا بھی دیر نہیں لگی کہ چودھری نثار ایک مرتبہ پھر نوازشریف سے ناراض ہو چکے ہیں۔ یا پھر نوازشریف اُن سے ناراض ہو گیے ہیں۔ آخر کوئی تو وجہ تھی کہ وفاقی وزیرداخلہ چودھری نثار کوئٹہ کے دورے میں اعلان کے باوجود وزیراعظم کے ہمراہ نہیں تھے۔ جبکہ وفاقی وزیرداخلہ کی حیثیت سے ملک میں امن وامان اُن کی بنیادی ذمہ داریوں میں شامل ہیں۔ اسلام آباد سے ایک ذریعے کے مطابق اس مرتبہ یہ وزیراعظم تھے جنہوں نے وفاقی وزیرداخلہ کو کوئٹہ جانے کے لیے نہیں بلایا۔ کیا واقعی ایسا ہی تھا۔ معاملہ کچھ بھی ہو، ایک مرتبہ پھر وفاقی وزیرداخلہ چودھری نثار بلوچستان میں دہشت گردی کے اس حساس ترین مسئلے پر پس منظر میں رہے۔ اور محض ایک روایتی سی مذمت جاری کرنے پر ہی اکتفا کیا۔ اس سے قبل بھی ملک میں دہشت گردی کے بڑی وارداتوں میں چودھری نثار منظر سے غائب رہے ہیں۔ جب کہ بعض وارداتوں میں تو اُن کے مذمتی بیانات بھی غائب رہے ہیں۔
اطلاعات کے مطابق چودھری نثار کی تازہ ترین ناراضی کی وجہ سندھ میں رینجرز کے اختیارات کا مسئلہ تھا۔ وفاقی وزیر داخلہ نے سندھ حکومت کی سمری کو مسترد کرتے ہوئے اپنے ایک گرما گرم بیان میں یہ کہا تھا کہ رینجرز کواختیارات پورے سندھ کے لیے دیئے جائیں گے، اور اُنہیں سیاسی فٹبال بننے نہیں دیا جائے گا۔ اس ضمن میں وفاقی وزارت داخلہ کے ذرائع کچھ زیادہ ہی آپے سے باہر دکھائی دے رہے تھےاور مصر تھے کہ اس مرتبہ رینجرز کے اختیارات میں سندھ بھر کے لیے توسیع کرتے ہوئے سندھ حکومت کی پراہ نہیں کی جائے گی۔ مگر ایسا نہیں ہو سکا۔ اور وزیر اعظم نوازشریف نے اُنہیں سندھ حکومت کی سمری کے عین مطابق نوٹیفکیشن جاری کرنے کا حکم دے دیا تھا۔ اس طرح ایک مرتبہ پھر چودھری نثار محض زبانی جمع خرچ کرنے والے وزیر کے طور پر نمایاں ہو ئے۔ اسلام آباد سے ذمہ دار ذرائع کے مطابق وفاقی وزیر داخلہ اس معاملے پر ایک مرتبہ پھر وزیراعظم سے ناراض ہو گیے ہیں۔ جس کا اظہار کوئٹہ دہشت گردی کے موقع پر ہوا۔ جب وہ اس بھیانک واردات کے باوجود وزیراعظم نوازشریف کے ہمراہ دکھائی نہیں دیئے۔
سیاسی تجزیہ کار اس امر پر حیران ہیں کہ وفاقی وزیرداخلہ حکومت اور وزیراعظم سے مسلسل ناراض رہنے کے باوجود اپنی وزارت سے بھی چمٹے ہوئے ہیں، جس نے اُن کی اخلاقی حیثیت پر بہت سے سوالات کھڑے کر دیئے ہیں۔
رواں مالی سال کے دوران پاکستان کی سعودی عرب سے درآمدات میں کمی دیکھنے میں آئی اور پاکستان کا ایران سے درآمدات پر انحصار مزید بڑھ گیا ہے ۔ایک رپورٹ کے مطابق جولائی تا اکتوبر سعودی عرب سے سالانہ بنیاد پر درآمدات میں 10 فیصد کمی ریکارڈ کی گئی جبکہ ایران سے درآمدات میں 30فیصد اضافہ ہ...
لاہور (بیورو رپورٹ)پاکستان تحریک انصاف کے بانی چیئرمین کی اہلیہ اور سابق خاتون اول بشریٰ بی بی کے ویڈیو بیان پر ٹیلی گراف ایکٹ 1885 اور دیگر دفعات کے تحت7 مقدمات درج کرلیے گئے ہیں۔تفصیلات کے مطابق بشریٰ بی بی کے خلاف پنجاب کے علاقے ڈیرہ غازی خان کے تھانہ جمال خان میں غلام یاسین ن...
پی آئی اے نجکاری کیلئے حکومتی کوششیں جاری ہے ، گورنمنٹ ٹو گورنمنٹ معاہدے کیلئے 30نومبر تک دوست ممالک سے رابطے رکھے جائیں گے ۔تفصیلات کے مطابق پی آئی اے کی نجکاری کیلئے دوست ملکوں سے رابطے کئے جارہے ہیں، گورنمنٹ ٹو گورنمنٹ معاہدے کیلئے حکومتی کوششیں جاری ہے ۔ذرائع کے مطابق30نومبر ...
وزیراعلیٰ سندھ سید مراد علی شاہ نے کہا ہے کہ سندھ کے حصے کا ایک قطرہ پانی بھی کہیں جانے نہیں دیں گے ۔ سندھ میں پیپلز پارٹی کی دو تہائی اکثریت ہے ، مسلم لیگ ن کے ساتھ تحفظات بلاول بھٹو نے تفصیل سے بتائے ، ن لیگ کے ساتھ تحفظات بات چیت سے دور کرنا چاہتے ہیں۔ہفتہ کو کراچی میں میڈیا س...
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
