... loading ...
... loading ...
آزاد کشمیر میں قانون ساز اسمبلی کے ارکان کے انتخاب کے لیے پولنگ کا عمل جاری ہے۔ قانون ساز اسمبلی کے دسویں عام انتخابات کی کل 49 نشستوں میں سے 41 عام نشستوں پر انتخابات ہورہے ہیں۔کل دس اضلاع پر مشتمل آزاد کشمیر کے انتخابی عمل میں بیالیس سیاسی جماعتوں کے مجموعی طور پر 423 امیدوار حصہ لے رہے ہیں۔ جس میں مسلم لیگ نون ، پیپلز پارٹی اور تحریک انصاف کے امیدواروں میں سخت مقابلوں کی توقعات ہیں۔
واضح رہے کہ آزاد کشمیر کی قانون ساز اسمبلی کی جن 49 نشستوں میں سے 41 نشستوں پر انتخابات ہو رہے ہیں ، اُن حلقوں کے چھبیس لاکھ سے زائد رائے دہندگان میں سے 11 لاکھ 90 ہزار اور 839 ووٹ صرف خواتین کے ہیں۔ انتخابی عمل میں امن وامان کی صورت ِ حال کو یقینی بنانے کے لیے پاک فوج کے سترہ ہزار جوان تعینات کیے گیے ہیں۔ جو 5429 پولنگ اسٹیشنز میں قائم 8048 پولنگ بوتھ میں انتخابی عمل کو پرامن رکھنے میں بنیادی کردار ادا کریں گے۔اتنخابی عمل صبح آٹھ بجے شروع ہو چکا ہے جو بغیر کسی وقفے کے شام پانچ بجے تک جاری رہے گا۔
آزاد کشمیر کے انتخابی عمل میں جن سیاسی جماعتوں کے درمیان کانٹے کے مقابلوں کی توقع کی جارہی ہے اُن میں مسلم لیگ نون، پیپلز پارٹی اور تحریک انصاف شامل ہیں۔انتخابات میں پیپلز پارٹی نے کسی بھی جماعت کے ساتھ انتخابی اتحاد نہیں کیا تاہم بعض حلقوں میں جماعت اسلامی اور (ن) لیگ جب کہ بعض مقامات پر پی ٹی آئی اور مسلم کانفرنس نے اتحاد کیا ہے۔ انتخابات میں 324 امیدوار آزاد کشمیر سے اور 99 امیدوار مہاجرین میں سےانتخاب لڑ رہے ہیں۔
آزاد کشمیر کی حکمران جماعت پیپلز پارٹی نے تمام کی تمام 41 نشستوں پر اپنے امیدوار کھڑے کیے ہیں۔ جبکہ اسلام آباد میں حکمران مسلم لیگ نون نے مجموعی طور پر 38 نشستوں پر اپنے امیدوار کھڑے کیے ہیں۔ آزاد کشمیر کے انتخابات میں یہ پہلا موقع ہے کہ تحریک انصاف 32 حلقوں پر اپنی قسمت آزمارہی ہے۔ تحریک انصاف اگر آزاد کشمیر میں کوئی حیرت زدہ نتائج دینے میں کامیاب رہی تو اس کا اثر ملک بھر پر پڑے گا۔ جو 7 اگست سے ملک میں مسلم لیگ نون حکومت کے خلاف ایک احتجاجی تحریک چلانے کا اعلان کرچکی ہے۔
آزاد کشمیر کے انتخابی معرکوں میں حصہ لینے والے چار امید وار ایسے بھی ہیں جو وزیراعظم رہ چکے ہیں۔ آزاد کشمیر کے موجودہ وزیراعظم چودھری عبدالمجید ایل اے 2 میرپور چک سواری سے میدان میں ہیں ، اُن کا تعلق پیپلزپارٹی سے ہے۔ ماضی میں دوبار وزیراعظم رہنے والے سردار عتیق احمد ایل اے 13 دھیر کوٹ سے مسلم کانفرنس کے امیدوار ہیں۔ سابق وزیراعظم اور موجودہ حزب اختلاف کے رہنما راجہ فاروق حیدر ایل اے 28 مظفر آباد ہٹیاں بالا سے نون لیگ کے امیدوار ہیں۔ جبکہ سابق وزیراعظم بیرسٹر سلطان محمود ایل اے 3 میرپور سے پہلی مرتبہ تحریک انصاف کے ٹکٹ پر انتخابات میں حصہ لے رہے ہیں۔
ان کے علاوہ انتخابات میں حصہ لینے والے اہم افراد میں سے اینکر پرسن مشتاق منہاس ، سابق صدراور وزیراعظم سردار یعقوب کی صاحبزادی اور موجودہ وزیرفرزانہ یعقوب ، سابق صدر اوروزیراعظم سردار سکندر حیات کے بیٹے فاروق سکندر، موجودہ سینئر وزیر چودھری یاسین، وزیرصحت سردار قمرالزمان اور اُن کے بیٹے ضیاء القمراور سابق اسپیکر غلام قادر شامل ہیں۔
آزاد کشمیر کی 49 نشستوں میں سے 41 امیدواروں کا چناؤ براہ راست ہو گا جبکہ بقیہ 8 نشستوں پر امیدواروں کا چناؤ منتخب اراکین اسمبلی کریں گے۔ 29 امیدواروں کا انتخاب عوام آزاد کشمیر میں ہی کریں گے جب کہ 12 کا انتخاب پاکستان میں موجود کشمیری کریں گے۔
آزاد کشمیر کی اسمبلی 49 اراکین پر مشتمل ہوتی ہے۔ ان نشتوں کی تقسیم اس طرح کی جاتی ہے کہ پہلی 29 نشستوں پر آزاد کشمیر کے 26 لاکھ 74 ہزار 584 ووٹرز اپنے نمائندے منتخب کرتے ہیں جب کہ 12 نشستوں پر پاکستان میں موجود 4 لاکھ 38 ہزار 884 کشمیری مہاجرین حق رائے دہی استعمال کرتے ہیں۔ 8 نمائندے مخصوص نشستوں سے آتے ہیں جن میں 5 خواتین، ایک عالم دین، ایک اوورسیز پاکستانی اور ایک ٹیکنوکریٹ کی نشست ہوتی ہے۔ وزیراعظم اس پارٹی یا اتحاد کا بنے گا جس کے پاس سادہ اکثریت یعنی کم از کم 25 نشستیں ہونگیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
