... loading ...
... loading ...
ماہر قانون اور ٹی وی کے میزبان نعیم بخاری نے پاکستان تحریک انصاف (پی ٹی آئی) میں شمولیت کا اعلان کردیا۔ اُنہوں نے یہ اعلان وفاقی دارالحکومت اسلام آباد میں تحریک انصاف کے چیئر مین عمران خان سے ملاقات کے بعد کیا۔ تفصیلا ت کے مطابق عمران خان افطار سے قبل نعیم بخاری کی قیام گاہ پہنچے جہاں دونوں کے درمیان مختصر ملاقات کے بعد نعیم بخاری نے تحریک انصاف میں شمولیت کا اعلان کردیا ۔
نعیم بخاری کی تحریک انصاف میں شمولیت کی خبریں مرکزی ذرائع ابلاغ سے قبل سماجی رابطوں کے ذرائع میں گردش کرتی رہیں۔نعیم بخاری پاکستان کے سیاسی ، صحافتی اور قانونی حلقوں کی ایک معروف شخصیت ہے جن کے گرد بہت سی کہانیاں گردش کرتی رہی ہیں۔ فروری 2007 میں نعیم بخاری نے سابق چیف جسٹس افتخار محمد چودھری کے خلاف ایک خط تحریر کیا تھا جسے جواز بناکر اس وقت کے صدر پرویز مشرف نے چیف جسٹس کو ان کے عہدے سے ہٹا دیا تھا جس پر وکیلوں کی جانب سے ان کی بحالی کی تحریک شروع کی گئی۔اس دوران میں نعیم بخاری کو وکلاء کی جانب سے مسلسل ہدف تنقید بنایا جاتا رہا۔ نعیم بخاری کی جانب سے تحریر کیے گیے خط کے بارے میں یہ بات مشہور رہی کہ یہ خط دراصل تب کے چیف جسٹس افتخار چودھری کے خلاف جنرل (ر) مشرف کے طے شدہ منصوبے کے تحت تحریر کرایا گیا تھا۔ وکلاء تحریک کے پورے دور میں نعیم بخاری پردہ سے غائب رہے۔ اس دوران میں تحریک انصاف عدلیہ بحالی تحریک کا ہر اول دستہ تھی ۔ اور چیف جسٹس افتخار چودھری کی بحالی کے لیے سب سے زیادہ سرگرم تھی۔ مگر چیف جسٹس افتخاری چودھری کی بحالی کے بعد تحریک انصاف سب سے زیادہ اُن سے مایوس ہوئی ۔ اور عام انتخابات کے بعد عمران خان نے اُن پر متعدد الزامات عائد کیے۔ جس پر ریٹائرد چیف جسٹس اُن کے خلاف توہین کی درخواست لے کر عدالت بھی گیے۔ اب عمران خان کی تحریک انصاف میں وہی نعیم بخاری شامل ہو گیے ہیں جو کبھی افتخار چودھری کے خلاف ایک خط لکھنے کے مرتکب ہوئے تھے۔ اور اب عمران خان بھی چودھری افتخار کے حوالے سے کم وبیش اُسی رائے کے حامل بن چکے ہیں جو نعیم بخاری کی ہے۔
اس ضمن میں ایک دلچسپ پہلو یہ بھی ہے کہ افتخاری چودھری کے مخالف دیگر ممتاز وکلاء بھی عمران خان یا تحریک انصاف کے قریب دکھائی دیتے ہیں ۔ ان میں ایک نمایاں نام ڈاکٹر بابر اعوان کا بھی ہے۔ گزشتہ دنوں تحریک انصاف میں شامل ہونے والے ایک اور ٹی وی میزبان اور وکیل فواد چودھری بھی کچھ اسی قسم کے خیالات کے حامل ہیں۔
نعیم بخاری مسلم لیگ نون کے قائد نوازشریف کے بھی شدید مخالف تصور کیے جاتے ہیں۔ جس کی وجوہات نہایت ذاتی قسم کی بتائی جاتی ہیں۔ نعیم بخاری کی پہلی شادی 1975 میں پاکستانی گلوکارہ طاہرہ سید سے ہوئی تھی۔ اس شادی سے ایک بیٹا اور ایک بیٹی ہوئی۔مگر 1990 میں یہ شادی مختلف ناچاقیوں کے بعد طلاق پر منتج ہوئی۔ نعیم بخاری نے 1995 میں دوسری شادی تمنا خان سے کی جس سے ان کا ایک بیٹا اور 2 بیٹیاں ہیں۔
نعیم بخاری مختلف ٹی وی پروگراموں کی میزبانی بھی کرتے رہے ہیں۔ جس میں پی ٹی وی پر نشر ہونے والا پروگرام بلاتکلف ، جیونیوز کا خبرناک اور ڈان نیوز کا نعیم بخاری کے ساتھ شامل ہیں۔
نعیم بخاری نے تحریک انصاف میں شمولیت اختیار کرتے ہوئے کہا کہ وہ پہلے سے عمران خان کے سپاہی تھے تاہم اب باضابطہ طور پر پی ٹی آئی کا حصہ بن گئے ہیں۔غریب آدمی کا درد اگر کسی میں دیکھا ہے تو وہ صرف عمران خان ہیں۔
اس موقع پر عمران خان نے کہا کہ وہ پی ٹی آئی میں شمولیت پر نعیم بخاری کا شکریہ ادا کرتے ہیں، کرپشن کے خلاف جدوجہد میں وہ ہمارے مددگار ثابت ہوں گے۔عمران خان نے کہا کہ نعیم بخاری کے ساتھ دوستی پرانی ہے اور انہوں نے شروع میں فنڈ ریزنگ میں مدد بھی کی تھی۔
واضح رہے کہ سیاسی تجزیہ کار اِسے ایک دلچسپ رجحان کےطور پر دیکھ رہے ہیں کہ ایک مرتبہ پھر مسلم لیگ نون کے خلاف تحریک کا ماحول بن رہا ہے اور متوازی طور پر تحریک انصاف کی طرف مختلف شخصیات کا رجوع بھی بڑھنے لگا ہے۔ تحریک انصاف میں نئی شخصیات کی شمولیت سے ایک مرتبہ پھر یہ رائے تقویت پکڑ رہی ہے کہ نون لیگ کی حکومت کے خلاف احتجاج کی تیاریاں پھر سے کی جانے لگی ہیں۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
