... loading ...
... loading ...
وزیراعظم نوازشریف نے آئندہ کچھ عرصے تک ریاستی امور لندن سے چلانے کا فیصلہ کر لیا ہے۔ انتہائی باخبر ذرائع کے مطابق وزیراعظم نوازشریف نے یہ فیصلہ کیا ہے کہ وہ مزید کچھ ہفتے لندن میں اپنے قیام کو طول دیں گے۔ اس ضمن میں نوازشریف نے اپنے معاون خصوصی طارق فاطمی اور سیکریٹری فواد حسن کو لندن طلب کر لیا ہے۔ باخبر ذرائع کے مطابق وزیراعظم کے سیکریٹری فواد حسن بھی ان دنوں پریشان ہیں اور وہ اپنے خلاف بعض ایسی بدعنوانیوں کے انکشاف کے خطرے سے دوچار ہیں جو بعض اداروں میں زیر تفتیش ہیں اور اس کے کچھ حصے بعض ایسے بینکرز کاروباری افراد سے جڑے ہوئے ہیں جن پر پہلے سے ہی حکمران خاندان کے لیے منی لانڈرنگ کے سنگین نوعیت کے الزامات ہیں ۔ وجود ڈاٹ کام کو اسلام آباد کے ایک اہم ذریعے نے یہ منکشف کیا ہے کہ گزشتہ دس ماہ میں ملک سے ہونے والی اربوں ڈالر کی منی لانڈرنگ کے اہم ترین ثبوت پاکستان کے ایک اہم ادارے نے نہ صرف جمع کر لیے ہیں بلکہ اس ضمن میں کچھ اہم صلاح مشورے بھی کیے گیے ہیں۔ یہ صورت حال اُن لوگوں کے لیے خطرے کی سنگین گھنٹی بجا رہے ہیں جو پہلے سے ہی پاناما لیکس کے ذریعے سامنے آنے والے حقائق سے خائف بیٹھے ہیں۔
انتہائی باخبر ذرائع کے مطابق وزیراعظم نوازشریف اور اُن کے مقربین نے اس صورت حال سے نمٹنے کے لیے ایک طرف جہاں یہ طے کیا ہے کہ ابھی کچھ عرصے وزیر اعظم لندن میں ہی قیام کو طول دیتے ہوئے حکومت چلائیں ، وہیں یہ بھی طے کیا گیا ہے کہ پاکستان کے ذرائع ابلاغ میں اپنے “فیض یافتہ” کالم نگاروں ، اینکرز اور تجزیہ کاروں سے ایک منظم مہم برپا کی جائے جس میں نوازشریف کی طرف سے لندن میں رہ کر حکومت چلانے پر اعتراضات جنم نہ لے سکیں۔ اور اسے اُن کی “مبینہ “ہارٹ سرجری کے بعد ضروری آرام کے بنیادی تقاضے میں چھپایا جائے۔ دوسری طرف ملک میں دیگر ایشوز کھڑے کر کے اصل مسائل سے توجہ ہٹانے کا کام جاری رکھا جاسکے۔باخبر ذرائع کے مطابق اس ضمن میں عمران خان ایک آسان ہدف ثابت ہوسکتے ہیں جنہیں وہ ایک ایسی حزب اختلاف کے طور پر کسی بھی صورت حال میں انگیج کر سکتے ہیں جو اصل اور ضروری مسائل سے توجہ ہٹاد یں۔ مثلاً وزیر خزانہ اسحاق ڈار کی طرف سے پیش کیے گیے انتہائی پریشان کن اور غریب دشمن بجٹ کی بحث کو خواجہ آصف کی جانب سے شیریں مزاری کو ٹریکٹر ٹرالی کہہ کر خاموشی سے ٹال دیا گیا اور بحث بجٹ سے ہٹ کر خواجہ آصف کے حیا باختہ تبصرے کی جانب مبذول ہو گئی۔ ذرائع کے مطابق ایک مرتبہ پھر تحریک انصاف کو ایسی ہی ٹامک ٹوئیاں مارنے والی سرگرمیوں کی طرف موڑ کر نوازشریف اور اُن کے گرد گھومنے والے مسائل سے توجہ ہٹانے کی کوشش کی جائے گی۔ اس دوران میں ماڈل ٹاؤن کے حاشیہ بردار کالم نگار چائے کی پیالی میں طوفان اُٹھانے کی کوشش کریں گے۔ اور مختلف لوگوں پر الزامات کا دیرینہ مشغلہ جاری رکھیں گے۔ اس ضمن میں بعض ٹی وی کے تجزیہ کاروں اور کالم نگاروں کو لندن طلب کرکے صلاح مشورے بھی کیے گیے ہیں۔
وزیراعظم نوازشریف کی طرف سے یہ کوششیں کتنی کامیاب یا کتنی ناکام ہوتی ہیں؟ اس کا تعین اس امر سے لگایا جاسکے گا کہ یہ مطالبہ کتنی شدت سے اور کن جگہوں سے ہوتا ہے کہ نوازشریف ملک واپس آکر اپنی ذمہ داریاں ادا کریں۔نوازشریف سے حالات کا سامنا کرنے کے بجائے حالات سے خود کوبچانے کے لیے لندن میں اپنے قیام کو طول دینے کا ایک مقصد یہ بھی بتایا جارہا ہے کہ وہ چاہ رہے ہیں کہ فوجی سربراہ کی ختم ہونے والی مدت کا زیادہ سے زیادہ عرصہ وہ ملک سے دوررہ کر گزارنے میں کامیاب ہو جائیں۔ وزیراعظم نوازشریف اپنے اس مقصد کی خاطر ملک کو درپیش علاقائی اور بین الاقوامی چیلنجز کو بھی مسلسل نظرانداز کررہےہیں۔ دیکھنا یہ ہے کہ وزیراعظم نوازشریف کی یہ روش مزید کتنے دن برداشت کی جاسکے گی۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
