... loading ...
... loading ...
سندھ اسمبلی کے اجلاس میں اُس وقت عجیب صورتحال کا سامنا کرنا پڑا جب اے آر وائی نیوز چینل کے اینکرپرسن اقرار الحسن اپنی ٹیم کے ہمراہ پستول لے کر اسمبلی کے اندر پہنچ گئے۔جس کے بعد اینکر اور اُس کی ٹیم کو گرفتار کر لیا گیا۔
اس پورے واقعے کی دستیاب کسی بھی ویڈیو سے آشکار ہوتا ہے کہ سندھ اسمبلی اجلاس کے دوران میں اے آر وائی نیوز چینل کے پروگرام “سرعام “کے میزبان اقرار الحسن اپنی ٹیم کے ایک شخص سے پستول برآمد کرکے اسمبلی اسٹاف کے حوالے کرتے ہیں، جسے اسپیکرآغا سراج درانی کے ڈیسک پر پہنچا دیا جاتا ہے، آغا سراج درانی نے پستول سے میگزین نکال کر دیکھا کہ اس میں گولیاں موجود ہیں، تاہم میگزین میں کوئی گولی موجود نہیں تھی۔
سندھ اسمبلی میں اپوزیشن لیڈر اور ایم کیو ایم کے رہنما خواجہ اظہار الحسن نے اسمبلی میں اتنی آسانی سے کسی شخص کے اسمبلی میں پستول کے ساتھ داخل ہونے پر سوال اُٹھایا ۔ اُنہوں نے کہاکہ ایک ایسے وقت میں جبکہ اسمبلی کے لیے سیکیورٹی الرٹ جاری کیا جاچکا ہے اور کالعدم تنظیموں کی جانب سے بھی دھمکیاں دی گئی ہیں، اسمبلی سے پستول برآمد ہونا ایک المیہ ہے۔ جب اسمبلی ہی محفوظ نہیں تو باقی لوگ کس طرح محفوظ ہوں گے۔اسپیکر اسمبلی نے اپوزیشن اراکین کے تحفظات کا جواب دینے کے بجائے وزیر داخلہ سہیل انور سیال کو اس معاملے کی انکوائری کا حکم دے دیا۔
چنانچہ سہیل انور سیال نے کہا کہ تحقیقات سے پہلے اسمبلی میں اسلحہ لانے والے شخص اور اس کے ساتھیوں کو گرفتار کیا جائے گا۔اس پر خواجہ اظہار الحسن کا کہنا تھا کہ جب اسمبلی کی کوئی سیکیورٹی ہی نہیں ہے تو انھیں گرفتار کون کرے گا۔ ان کا مزید کہنا تھا کہ یہ کتنا بڑا مذاق ہے کہ ایک شخص اسلحہ لے کر تسلی سے اسمبلی میں بیٹھا ہوا ہے۔جب وہ یہ بات کررہے تھے تو اینکراور اُس کی ٹیم کو مضحکہ خیز انداز میں مسکراتا ہو ا دیکھا جا سکتا ہے۔
اگرچہ سرعام نامی پروگرام اور اُن کے میزبان چنگھاڑتے ہوئے موضوعات کے حوالے سے مشہور ہے۔ جس میں اکثر پروگرام کا میزبان اپنے پروگرام کے طریقہ کار کو اسٹنگ آپریشن کا تعارف دیتے ہیں ۔ جو بھیس بدل کر اداروں یا افراد کو بے نقاب کرنے کا ایک معروف صحافتی طریقہ کار ہے۔
بظاہر اینکر اقرارالحسن اور اُن کی ٹیم نے سندھ اسمبلی کے حفاظتی انتظامات کو بے نقاب کرنے کے لیے اپنی اس “حرکت” کو بھی صحافت کے مسلمہ اُسلوب یعنی “اسٹنگ آپریشن ” کا ہی نام دیا۔ جس کا مقصد اسمبلی کے حفاظتی انتظامات کے ناکافی ہونے کو بےنقاب کرناتھا۔ مگردرحقیقت صحافیوں کی عظیم اکثریت نے اسے اسٹنگ آپریشن تسلیم کرنے سے انکار کردیا ہے۔ کے یو جے کے تینوں گروپوں نے اس حوالے سے کوئی بھی بیان جاری نہیں کیا۔ درحقیقت صحافی برادری یہ سمجھ رہی ہے کہ پروگرام کے اینکر اور اُن کی ٹیم نے دراصل سندھ اسمبلی کی انتظامیہ کے ساتھ صحافیوں کے اعتماد کو ٹھیس پہنچایا ہے۔ اینکر اقرارالحسن نے اسٹنگ آپریشن کے تقاضے پورے نہیں کیے۔ جس میں مذکورہ شخص دراصل کسی مسئلے کو بے نقاب کرنے کے لیے اپنی شناخت چھپاتا ہے ۔ یہاں تو اقراالحسن نے اپنی شناخت چھپانے کے بجائے اپنی شہرت کا فائدہ اُٹھایا ہے۔ اُنہیں اسمبلی میں اس لیے داخل ہونے دیا گیا کہ انتظامہ اُنہیں اچھی طرح جانتی تھی اور عام طورپر معروف صحافیوں کو سندھ اسمبلی میں اُن کی شناخت پہلے سے موجود ہونے کے باعث داخل ہونے میں کسی رکاؤٹ کا سامنا نہیں ہوتا۔ یہی کچھ اقرار الحسن کے ساتھ بھی ہوا۔ اقرار الحسن کو پہلے سے جاننے کے باعث اسمبلی کے اندر داخل ہونے دیا گیا۔ اور اُن کے ساتھ اسمبلی میں داخل ہونے والے شخص کو جب انتظامیہ نے روکا تو خود اقرار رکاؤٹ بن گیے اور اُنہوں نے کہا کہ وہ اُن کے ساتھ ہے ۔ اس طرح اپنے ساتھ اقرار الحسن جس شخص کو لے کر داخل ہوئے اُن سے ہی اسلحہ بر آمد کروالیا گیا۔ سوال یہ پیدا ہوتا ہے کہ ایک اسٹنگ آپریشن کے تقاضے کہاں پورے ہوئے؟ اقرار جنہیں لے کر اسمبلی کے اندر داخل ہوئے اُس کی ذمہ داری خود اُنہوں نے اُٹھائی ۔ اور اس میں بھیس بدل کر نہیں بلکہ اپنی شناخت کا فائدہ اُٹھاتے ہوئے تلاشی کی زحمت سے بچا گیا۔ یہ وہ نکات ہیں جس پر صحافی برادری اقرارالحسن کے ساتھ کسی بھی قسم کی ہمدردی محسوس نہیں کررہی۔ اور اس اقدام کی دبے لفظوں میں مذمت کررہی ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
