... loading ...
... loading ...
عمران خان نے تحریک انصاف کے بیسویں یوم تاسیس کے موقع پر پاناما لیکس کے پس ِ منظر میں نوازحکومت کے خلاف ایک بھرپور مہم کا اشارہ دے دیا ہے۔عمران خان دھرنے کے سابقہ تجربے کے باعث اس مرتبہ الفاظ کے چناؤ میں قدرے محتاط دکھائی دیئے۔ مگر اُن کے محتاط طرزِ گفتگو میں دھرنے کے ایام سے زیادہ اعتماد دکھائی دیا۔ مبصرین کے نزدیک تحریک انصاف نواز حکومت کے خلاف اس مہم میں ناکامی کا ادنیٰ سا تاثر بھی برداشت نہیں کر سکتی۔کیونکہ یہ اُن کے سیاسی مستقبل پر منفی اثرات مرتب کرے گا۔ لہذا عمران خان اس دفعہ کامیابی کی واضح یقین دہانی کے ساتھ ہی کسی حتمی فیصلے کا اعلان کریں گے۔ یہی وجہ ہے کہ عمران خان نے تحریک انصاف کے یوم تاسیس کے موقع پر کسی حتمی لائحہ عمل سے گریز کرتے ہوئے اپنے مستقبل کے منصوبے کو مرحلہ وار سامنے لانے کا فیصلہ کیا ہے ۔ اور اسلام آباد کے ایف نائن پارک میں اپنے خطاب میں پہلے مرحلے پر حیرت انگیز طور پر سندھ میں 26 اپریل سے انسدادِ بدعنوانی مہم کا اعلان کر دیا ہے۔ اور ایک ہفتے بعد اتوار کو لاہور چیئرنگ کراس پر جلسے کا فیصلہ کیا ہے۔ اس طرح عمران خان نے پاکستان کی دونوں بڑی جماعتوں یعنی پیپلز پارٹی کو اُس کی طاقت کے مرکز یعنی سندھ میں اور مسلم لیگ نون کو اُس کی طاقت کے مرکز یعنی لاہور میں چیلنج کرنے کا فیصلہ کیا ہے۔ ملک کی دونوں بڑی سیاسی جماعتوں پر بدعنوانی کے بدترین الزامات کے ساتھ یہ الزام بھی موجود ہے کہ دونوں جماعتیں ایک دوسرے کے خلاف کسی بھی ایسی پوزیشن پر جانے کو تیار نہیں جس سے دونوں بڑی جماعتوں کو سیاسی طور پر نقصان پہنچنے کا احتمال ہو۔
عمران خان نے اس صورتِ حال میں اپنی مہم کو سندھ میں لے جانے کا فیصلہ کرکے ایک طرح سے پیپلز پارٹی سے موثر اور متحدہ اپوزیشن میں شامل ہونے کی اپنی اُمیدوں کو تقریباً ختم کردیا ہے۔ جبکہ دوسری طرف مسلم لیگ نون کو اشارہ دیا ہے کہ وہ رائیونڈ میں دھرنے کا فیصلہ کر سکتے ہیں ۔ تاہم اپنے احتجا ج کے اگلے مرحلے کا اعلان عمران خان نے آئندہ اتوار کو لاہور میں کرنے کا فیصلہ کیا ہے۔
اسلام آباد کے ایف نائن پارک میں تحریک انصاف کے یوم تاسیس کے جلسے سے خطاب کرتے ہوئے عمران خان نے کہا کہ ملک میں غریبوں کو لوٹا جارہا ہے۔پاناما لیکس میں وزیراعظم نواز شریف کے اہل خانہ کے بیرون ملک موجود مختلف کمپنیز میں آف شور اکاؤنٹس کے انکشافات کے بعد وزیراعظم کے اعلان کردہ تحقیقاتی کمیشن کے قیام کے اعلان کو عمران خان نے مسترد کردیا۔ اُنہوں نے کہا کہ وزیراعظم کے بچے جھوٹ پرجھوٹ بول رہے ہیں، ملک کا پیسہ کھانے والوں کا احتساب کرنا ہوگا۔وزیراعظم نواز شریف کو مخاطب کرتے ہوئے چیئرمین پی ٹی آئی نے کہا کہ نواز شریف آپ خود ٹیکس نہیں دیتے تو لوگوں سے کیسے ٹیکس مانگیں گے۔آپ پر کرپشن کے الزامات ہیں تو آپ کیسے کرپشن روکیں گے۔
عمران خان نے تحریک انصاف کے یوم تاسیس کے موقع پرسیاست میں آنے کے اپنے پس منظر پر بھی تفصیل سے روشنی ڈالی۔ اُن کا کہنا تھا کہ ان کی سیاسی جدوجہد کو بیس سال ہوچکے ہیں لیکن لگتا ہے کہ ابھی پارٹی کا آغاز ہی ہوا ہے۔ اُنہوں نے اس موقع پر رائیونڈ میں احتجاجی میلہ سجانے کا اشارہ اس طرح دیا کہ جب یہاں جلسے میں اتنے عوام ہیں تو وہ اگر رائے ونڈ گیے تو کتنے عوام ساتھ جائیں گے۔ ان کا کہنا تھا کہ رائے ونڈ جانے کے بعد تحریک انصاف میں الیکشن کرائیں گے۔عمران خان خان کے ان الفاظ سے تو یہ بھی واضح ہوتا ہے کہ وہ رائیونڈ حکومت گرانے کے ذہن کے ساتھ نہیں جارہے ۔ تب ہی تو اُنہوں نے تحریک انصاف میں انتخابات کرانے کااظہار رائیونڈ کے فوراً بعد کرانے کا کیا۔
عمران خان نے اپنے خطاب کے آخری حصے میں دلچسپ انداز سے یہ کہا کہ سنا ہے کہ نواز شریف خیبر پختونخوا میں جلسہ کرنے جارہے ہیں، تو سن لیں کہ آپ کو کے پی کے میں “گو نواز گو” کا نعرہ ہی سننے کو ملے گا۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
