... loading ...
... loading ...
وفاقی وزیر داخلہ چودھری نثار نے پنجاب ہاؤس اسلام آباد میں پریس کانفرنس کرتے ہوئے مختلف معاملات پراپنے مخصوص نقطہ نظر سے حکومت کا دفاع کرنے کی کوشش کی۔ اُنہوں نے پریس کانفرنس کا آغاز وزیر اعظم کے دورہ لندن سے کرتے ہوئے کہا کہ وزیر اعظم طبی معائنے کے لیے نہیں بلکہ طبی علاج کے لیے گیے ہیں۔ جو اُن کے دل سے متعلق پرانے مسئلے کے حوالے سے ہے۔ وزیراعظم کے علاج کے معاملے پر سیاست نہ کی جائے، وہ بیرون ملک علاج کے لیے گئے ہیں، چند دنوں میں واپس آ جائیں گے۔اُن کا کہنا تھا کہ اس ملک میں چند لوگوں کے لیے بیمار ہونا بھی گناہ ہے، بعض لوگ بیماری میں بھی طعنہ زنی کرتے ہیں، بدقسمتی سے خود کو تعلیم یافتہ کہنے والے بہت سطحی مخالفت پر آ گئے ہیں۔چوہدری نثار نے کہا کہ وزیراعظم کو دل کا عارضہ ہے اس میں سیاست تلاش نہ کی جائے، وزیراعظم نے علاج کے لیے 2 سے 3 ماہ قبل ڈاکٹرز سے وقت لیا تھا۔ انھوں نے مزید کہا کہ چند لوگ وزیراعظم کے لندن جانے سے متعلق گھٹیا سیاست پر اتر آئے ہیں ،تاہم ڈاکٹر جیسے ہی اجازت دیں گے وزیراعظم وطن واپس آجائیں گے۔
وفاقی وزیر داخلہ نے اس موقع پر اپنے دورہ جرمنی کے حوالے سے بھی وضاحت کرتے ہوئے کہا کہ وہ خود بھی دو روزہ نجی دورے پر کل جرمنی جارہے ہیں۔انہوں نے اپنے دورے کا مقصد بتاتے ہوئے کہا کہ جرمنی میں انہیں اپنی اہلیہ کا علاج کرانا ہے تاہم وہ وہاں ایک تقریب سے بھی خطاب کریں گے۔
وزیر داخلہ نے پاناما لیکس کے حوالے سےتحقیقات کی غرض سے جوڈیشل کمیشن کے قیام سے متعلق وزیر اعظم کے عندیئے پر بھی تفصیل سے بات کرتے ہوئے کہا کہ حکومت نے اگر کچھ چھپانا ہوتا تو ریٹائرڈ ججز سے رابطہ نہیں کرتی، کئی ججز نے وقت مانگا ہے جبکہ متعدد نے معذرت کرلی ہے۔ جوڈیشل کمیشن کے قیام میں تاخیر کی وضاحت کرتے ہوئے اُنہوں نے انکشاف کیا کہ حکومت کی جانب سے مختلف ریٹائرڈ ججز سے رابطہ کیا گیا مگر اُن کی جانب سے معذرت کر لی گئی۔ حکومت نے اب تک جن ججز سے رابطہ کیا ، وزیر داخلہ نے اُن کے نام بھی منکشف کردیئے۔ جن میں جسٹس (ر) ناصرالملک ، جسٹس (ر) تصدق حسین جیلانی، جسٹس (ر) امیر ملک مینگل، جسٹس (ر) ساحر علی اور جسٹس (ر) تنویر خان کے نام بھی شامل ہیں۔ وزیر داخلہ کے بقول ان سمیت کئی سابق اور سینئر ججز نے تحقیقاتی کمیشن کی سربراہی سے انکار کردیا ہے۔
تحریک انصاف کے چیئرمین عمران خان کی جانب سے پاناما لیکس پر تحقیقات کے لیے شعیب سڈل کا نام دیئے جانے پر وفاقی وزیر داخلہ چودھری نثار کا کہنا تھا کہ عمران خان نے وفاقی تحقیقاتی ادارے (ایف آئی اے) کے افسر کے بجائے شعیب سڈل کا نام دیا، وہ نہ تو حاضر سروس افسر ہیں جبکہ انہوں نے کبھی ایف آئی اے میں خدمات انجام نہیں دیں۔ان کا مزید کہنا تھا کہ عمران خان ایف آئی اے سے تحقیقات کے لیے اپنی مرضی سے افسر کا انتخاب کرسکتے ہیں۔پاناما لیکس کے حوالے سے انہوں نے واضح کیا کہ مسئلہ حکومت کا نہیں بلکہ وزیراعظم کے دو بیٹوں حسن نواز اور حسین نواز کا ہے، اس مسئلے پر سیاسی پوائنٹ اسکورنگ نہ کی جائے، آف شور کمپنیز کا جواب وزیراعظم کے بیٹے خود دیں گے۔انھوں نے سوالات اٹھائے کہ بیرون ملک کاروبار کا قرضہ بھی باہر سے لیا گیا تو کیا یہ جرم ہے؟ کیا تمام قوانین صرف وزیراعظم اور ان کے گھرانے پر لاگو ہوتے ہیں؟
وفاقی وزیر داخلہ نے اس موقع پر خبر دار کیا کہ عمران خان سے متعلق چیزیں سامنے لائیں گے تو بہت تماشے لگیں گے تاہم مخالفین کی الزام تراشیوں کا جواب نہ دینے کی پالیسی بنا رہے ہیں۔چودھری نثار نے کہا کہ عمران خان کے دائیں بائیں کھڑے افراد کے نام بھی پاناما لیکس میں شامل ہیں۔ میڈیا ٹرائل کے ذریعے حکومت پر الزامات کی بوچھاڑ کی گئی اور پاناما لیکس سے مخالفین نےاپنی ڈوبی ہوئی سیاست کو دوبارہ زندہ کرنے کی کوشش کی ہے۔انھوں نے سیاست دانوں کو الزامات لگانے سے قبل اپنے گریبان جھانکنے کا مشورہ دیا۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
