... loading ...
... loading ...
تحریک انصاف نے سرکاری ٹیلی ویژن کے غلط استعمال اور حکمرانوں کی طرف سے عام طور پر پروپیگنڈے کے ابلاغ کو بے نقاب کرنے کے لیے ایک زبردست طریقہ اختیار کیا ہے۔ تحریک انصاف نے پی ٹی وی پر چیئرمین عمران خان کے قوم سے خطاب کے لیے نہ صرف مراسلہ لکھ دیا ہے بلکہ اس میں وقت اور مقام کا تعین بھی کر دیا ہے۔
تحریک انصاف کے مرکزی سیکریٹری اطلاعات نعیم الحق نے پی ٹی وی کے سیکریٹری انفارمیشن اور قائم مقام مینیجنگ ڈائریکٹر عمران گردیزی کے نام لکھے گئے ایک خط میں کہا ہے کہ پاناما لیکس کے تحت افشا ہونے والی دستاویزات سے معلوم ہوا ہے کہ کس طرح عالی رہنماؤں اور شخصیات نے اپنے کالے دھن کو سفید کرنے کے لیےغیر قانونی آف شور کمپنیاں قائم کیں۔وزیراعظم پاکستان میاں محمد نواز شریف کے خاندان کا نام بھی اُن دستاویزات میں شامل ہے۔جس پر وزیراعظم نوازشریف نے اپنے دفاع کے لیے 5 اپریل کو قوم سے خطاب کیا اور پاناما لیکس کے معاملے پر اپنی اور اپنے خاندان کی پوزیشن کو واضح کرنے کی ہر ممکن کوشش کی۔
تحریک انصاف کے مراسلے میں کہا گیا ہےکہ پاکستان کا سب سے بڑا ٹیلی ویژن نیٹ ورک ہونے کی حیثیت سے جو صرف عوام کے ٹیکس پر چلتا ہے، پی ٹی وی پرپاکستان کے ہر شہری کا حق ہے۔مگر بدقسمتی سے پاناما لیکس کے بعد وزیراعظم نواز شریف، وزیر اطلاعات پرویز رشید اور حکمران جماعت مسلم لیگ (ن) کے بہت سے اراکین اسمبلی شوکت خانم ہسپتال سے متعلق غلط معلومات پھیلانے کے لیے پی ٹی وی کا استعمال کرچکے ہیں۔چنانچہ پی ٹی آئی چیئرمین عمران خان کا حق ہے کہ وہ بھی پی ٹی وی پر قوم سے خطاب میں شوکت خانم ہسپتال پر لگائے گئے بے بنیاد الزامات کا جواب دیتے ہوئے پاناما لیکس کے حوالے سے اپنی پوزیشن کی وضاحت کریں۔دلچسپ طور پر خط کے اختتامی جملوں میں پی ٹی وی حکام سے درخواست کی گئی ہے کہ وہ 10 اپریل کو شام 6 بجے عمران خان کے قوم سے خطاب کے سلسلے میں تمام انتظامات یقینی بنائیں۔ مراسلے میں وقت کے علاوہ مقام کا تعین کرتے ہوئے یہ بھی لکھ دیا گیا ہے کہ عمران خان اپنے دفتر سے براہ راست خطاب کریں گے۔
وفاقی وزیر اطلاعات پرویز رشید نے عمران خان کے مطالبے پراپنا ردعمل ظاہر کرتے ہوئے کہا ہے کہ اسپیکر قومی اسمبلی ایاز صادق کی ہدایت پر ہی پی ٹی وی براہ راست (لائیو) نشریات دے سکتا ہے۔وفاقی وزیر نے کہا کہ اپوزیشن انکوائری چاہتی ہے تو کمیشن کی حمایت کرے، کمیشن تحقیقات کرکے تمام سچائی کو سامنے لائے گا۔انہوں نے کہا کہ انکوائری کمیشن غیر ملکی آڈٹ کرانے کا بھی مجاز ہوتا ہے، اپوزیشن انکوائری چاہتی ہے تو کمیشن کی حمایت کرے۔ان کا مزید کہنا تھا کہ اپوزیشن اپنی تمام خواہشات کمیشن میں جا کر پورا کرسکتی ہے۔
وفاقی وزیر اطلاعات پرویز رشید کے ردِ عمل سے قطع نظر تحریک انصاف کی طرف سے عمران خان کے لئے سرکاری ٹیلی ویژن پر وقت مانگنا سرکاری ٹیلی ویژن کے لیے ایک مثبت تحریک کا آغاز بن سکتا ہے۔ پانامہ لیکس پر وزیر اعظم کا خطاب دراصل ملک کے وزیراعظم کا خطاب نہیں تھا بلکہ یہ ایک خاندان کے سربراہ اور ایک باپ کا اپنے بیٹوں اور خود اپنے لیے ہمدردی حاصل کرنے کی کوشش تھی۔ سوال یہ پیدا ہوتا ہے کہ عوام کے پیسوں سے چلنے والے ایک ادارے کو وزیراعظم کس طرح اپنے ذاتی اور خاندانی معاملات کی وضاحت کے لیے استعمال کر سکتے ہیں۔ سرکاری ٹیلی ویژن کے لیے عوام کی جیبوں پر ہر ماہ پینتیس روپے کا ڈاکا ڈالا جاتا ہے۔ یہ رقم عوام کی صوابدید سے نہیں بلکہ جبراً یوٹیلٹی بلز (بجلی کے بلز) کے ساتھ وصول کر لی جاتی ہے۔اس ضمن میں یہ فرض کر لیا جاتا ہے کہ ہر شخص پی ٹی وی کا ناظر ہے۔ ایسے کروڑوں لوگ موجود ہیں جو سرے سے پی ٹی وی کے ناظر نہیں ۔ مگر وہ بھی بجلی کےبلز کے ساتھ پینتیس روپے دینے پر مجبور ہیں۔ بدقسمتی سے اس جبر کے باوجود پی ٹی وی کو ضوابط کے ساتھ نہیں چلایا جاتا۔ وفاقی وزیر پرویزرشید نے ایک خاص شناخت کے لوگوں کو اپنے دور میں پی ٹی وی میں بھرتی کرالیا ہے۔ دوسری طرف پی ٹی وی کے چیئرمین سے لے کر ایم ڈی تک کسی کے بھی انتخاب کے لیے کو ئی معیار نہیں رکھا گیا۔ حکومت اپنی مرضی سے اپنے من پسند افراد کو جہاں چاہے تعینات کر لیتی ہیں۔ جن پر بدعنوانی کے الزامات بھی عائد ہوتے رہتے ہیں۔ ان حالات میں پاکستان تحریک انصاف نے ایک خط کے ذریعے اس صورت حال کو بے نقاب کرنے کے لیے ایک بالواسطہ طریقہ اختیار کیا ہے۔ اور ایک مراسلے کے ذریعے عمران خان کے لیے بھی اپنی پوزیشن کی وضاحت کا موقع مانگا ہے۔ معاشروں کے بتدریج ارتقا پر یقین رکھنے والے اس مراسلے کو دراصل پی ٹی وی کی بہتری کے لیے ایک اقدام کے طور پر دیکھ رہے ہیں۔ اور یہ مراسلہ حکمرانوں کے لیے ایک تنبیہ بھی رکھتا ہے کہ وہ سرکاری ٹیلی ویژن کا ذاتی استعمال کرکے زیادہ عرصے تک من مانی نہیں کر سکتے۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
