... loading ...
... loading ...
بلوچستان سے گرفتار ہونے والے را کے ایجنٹ بھارتی شہری کی گرفتاری نے پاکستان اور بھارت کے اندر ایک ہلچل مچا دی ہے۔ بھارت کو بآلاخر یہ تسلیم کرنا پڑا ہے کہ بلوچستان سے گرفتار کیے جانے والے را کے افسر بھوشن یادیو دراصل بھارتی شہری ہی ہے۔ البتہ بھارت نے گرفتار را کے افسر کے پاکستان دشمن معاملات سے ایک لاتعلقی ظاہر کرنے کے لیے یہ موقف اختیار کیا ہے کہ نیوی افسر نے قبل از وقت ریٹائرمنٹ لے لی تھی جس کا حکومت سے کوئی تعلق نہیں مگر بھارت نے بلاہچکچاہٹ اپنے گرفتارایجنٹ کے لئے پاکستان سے قونصلررسائی مانگ لی ہے۔
اگرچہ پاکستانی وزارت داخلہ نے بلوچستان سے پکڑے گئے بھارتی خفیہ ایجنسی ’را‘ کے ایجنٹ اور بھارتی بحریہ کے حاضر سروس افسر بھوشن یادیو سے تفتیش کی تفصیلات جاری کردی ہیں مگر خود پاکستان کی سیاسی حکومت کے لیے یہ مسئلہ ایک چیلنج کی حیثیت رکھتا ہے۔ کیونکہ پاکستان کی سیاسی حکومت بہرقیمت بھارت کے ساتھ مراسم استوار کرنا چاہتی ہے۔ نوازشریف کی حکومت نے ایک طویل عرصے سے یہ طے کررکھا ہے کہ بھارت کے ساتھ روابط قائم کرکے بھارتی خطرے کے نام پر پاکستانی فوج کے بڑھتے ہوئے کردار کر محدود کیا جائے۔ جمہوریت کے نام نہاد استحکام کے نام پر نوازحکومت کے اس رویئے نے پہلے ہی قومی حلقوں کو پریشان کر رکھا ہے۔ اس سے قبل پاکستان کے اندر بھارتی مداخلت کے ٹھوس ثبوت اقوام متحدہ کے سیکریٹری جنرل تک پہنچائے گیے تھے۔مگر اس کے باوجود بعض حلقوں کو سیاسی حکومت سے یہ شکایت رہی ہے کہ نواز حکومت نے بھارت کے خلاف پائے جانے والے ان ٹھوس ثبوتوں کے باجود اس مسئلے کو عالمی سطح پر بھارت کے خلاف درست طور پر استعمال نہیں کیا۔ ظاہر ہے کہ پاکستان کی سیاسی حکومت بھارت کی دلجوئی کے حوالے سے کئی ماہ سے پاپر بیل رہا ہے۔ چنانچہ ایک بار پھر یہ اندیشہ ظاہر کیا جارہا ہے کہ را ایجنٹ کی گرفتاری کا یہ بہترین موقع کہیں ایک مرتبہ پھر پاکستانی حکومت کی طرف سے عدم فعالیت کے باعث ہاتھ سے نہ نکل جائے۔
ان تمام تحفظات کے باجود پاکستانی وزارت داخلہ نےگرفتار بھارتی ایجنٹ کی تفصیلات ظاہر کر دی ہے۔ جس کے مطابق ’را‘ کا ایجنٹ بھوشن یادیو کے پاسپورٹ سے پتہ چلتا ہے کہ وہ 16 اپریل 1970 کو پیدا ہوا، اس کے باپ کا نام سدھیر یادیو ہے جب کہ بھارتی نیوی میں اس کا نمبر41588 زیڈ ہے۔
را‘ کے ایجنٹ نے حسین مبارک پٹیل کے نام سے اپنا پاسپورٹ بنا رکھا تھا جس پر ایران کا ویزہ لگا ہوا ہے۔ گرفتار بھارتی ایجنٹ 2013 سے ’را‘ کے لئے کام کررہا تھا اور بھارت کی جانب سے ایرانی پورٹ چاہ بہار میں تعینات تھا۔ بھوشن یادیو ایران کے راستے بلوچستان میں داخل ہوا اور اپنی اہلیہ اور 2 بچوں سمیت بلوچستان میں ہی قیام پذیرتھا، ایجنٹ مقامی افراد کو تخریب کاری کے لئے استعمال کرتا تھا جب کہ وہ بلوچستان اور کراچی کو علیحدہ کرنے کی سازش میں ملوث ہے۔
ذرائع کے مطابق بھوشن یادیو بلوچستان میں اللہ نذرگروپ کے لئے ٹریننگ کمانڈرکے طورپر کام کررہاتھا اور وہ تین مختلف ناموں مبارک حسین، حسن بلوچ اور امداداللہ کے ناموں سے کام کررہا تھا جب کہ بھوشن یادیو مختلف بلوچ دہشت گردوں کو لے کرافغانستان بھی جاتا رہا ہے۔
واضح رہے کہ گزشتہ روز بلوچستان سے بھارتی خفیہ ایجنسی ’را‘ کے ایجنٹ کو گرفتار کیا تھا جب کہ پاکستان نے بھارتی ہائی کمشنر کو دفتر خارجہ طلب کر کے واقعے پر شدید احتجاج بھی ریکارڈ کرایا تھا۔ لیکن اس کے باوجود پاکستان کی سیاسی حکومت کے لیے یہ ایک امتحان ہو گا کہ وہ اس معاملے کو عالمی سطح پر بھارت کو ایک طرف دھکیلنے کے لیے اپنی پالیسی کو کتنا جارحانہ رکھنے میں کامیاب رہتی ہے۔ اور اِسے بھارت کے خلاف کتنا دباؤ پیدا کرنے کے لیے استعمال کرپاتی ہے۔ یہ پہلو اس لئے بھی اہم ہے کیونکہ بھارت اپنی سرزمین پر ہونے والی کسی بھی واردات کو پاکستان کے سرمنڈھ دیتا ہے۔ اور عملاً پاکستان کے خلاف ایک ہمہ وقتی پروپیگنڈا جاری رکھتا ہے۔ حالیہ دنوں میں را ایجنٹ کی گرفتاری نے بھارت کے لیے اب اس نوع کے پروپیگنڈے کے لیے زیادہ گنجائش نہیں چھوڑی ۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
