... loading ...
... loading ...
کراچی کے سابق ناظم مصطفیٰ کمال تین سال تک “اپنے” شہر سے دور رہنے کے بعد واپس آئے ہیں اور کیا دھماکہ خیز ‘انٹری’ دی ہے۔ ایک ہنگامہ خیز پریس کانفرنس میں انہوں نے متحدہ قومی موومنٹ کے قائد الطاف حسین پر سنگین الزامات لگائے ہیں اور کہا ہے کہ وہ بھارت کی خفیہ ایجنسی “را” کے ایجنٹ ہیں اور ان کی وجہ سے مہاجروں کی نسلیں برباد ہوئی ہیں۔
لگ بھگ دو گھنٹے جاری رہنے والی پریس کانفرنس کے دوران مصطفیٰ کمال نے ایک نئی جماعت کے قیام کا اعلان بھی کیا، جس کا نہ تو نام جاری کیا گیا ہے اور نہ ہی پرچم بلکہ پاکستانی پرچم کو پارٹی جھنڈا قرار دیا گیا۔ کراچی کے علاقے ڈیفنس v میں ہونے والی ہنگامی پریس کانفرنس میں متحدہ کے ایک اور سابق رہنما انیس قائم خانی ان کے ہمراہ تھے۔
مصطفیٰ کمال نے متحدہ قومی موومنٹ اور الطاف حسین کی شخصیت پر سنگین الزامات بھی لگائے۔ سابق ناظم نے کہا کہ الطاف حسین “را” سے تعلقات رکھتے ہیں اور یہ بات کسی سے ڈھکی چھپی نہیں ہے، یہاں تک کہ حکومت اور اسٹیبلشمنٹ تک یہ بات جانتی ہے۔ انہوں نے کہا کہ الطاف حسین نے کبھی اپنی کوئی غلطی تسلیم نہیں کی، وہ جھوٹ پر جھوٹ بولتے رہے اور ہم صفائیاں دے دے کر تھکتے رہے۔ وہ کہتے “ٹھوک دو” اور پھر رابطہ کمیٹی کی ذمہ داری بن جاتی کہ وہ اس اصطلاح کی وضاحت اور تشریح کرے۔
مصطفیٰ کمال نے کہا کہ الطاف نے مہاجروں کی دو نسلیں تباہ کی، ان کی وجہ سے ہم نے یہ بھی نہیں دیکھا کہ کیا صحیح ہے اور کیا غلط؟ دراصل الطاف حسین کو سات، آٹھ ہزار لاشیں چاہئیں، جس پر وہ سیاست کر سکیں۔ کیا صولت مرزا مجرم ہی پیدا ہوا تھا؟ اسے شاہد حامد کا قاتل کس نے بنایا؟ اجمل پہاڑی کو کس نے قاتل بنایا؟ یہ دونوں پارٹی میں آ کر ہی “را” کے ایجنٹ بنے، جس سے متحدہ 20 سالوں سے فنڈز لے رہی ہے۔ اچھے بھلے گھرانوں کے لڑکے پارٹی میں آ کر ایجنٹ اور مجرم بن گئے۔ تہذیب یافتہ برادری الطاف حسین کی وجہ سے بدتہذیب ہوگئی۔ تعلیم مہاجروں کا زیور تھا لیکن 30 سال کے عرصے میں مہاجر ایک پڑھی لکھی قوم سے جاہل قوم بن گئے اور یہ سب ایسے مقصد کے لیے جو حقیقت میں وجود ہی نہیں رکھتا۔
مصطفیٰ کمال نے الزام لگایا کہ پہلے الطاف حسین صرف رات کے وقت شراب نوشی کی وجہ سے ہوش میں نہ ہوتے تھے، اب تو دنوں اور ہفتوں ان کا نشہ نہیں اترتا۔ 2013ء کے انتخابات کے بعد نائن زیرو پر کارکنان سے خطاب کرتے ہوئے بھی الطاف حسین نشے میں تھے۔ پھر وہ بار بار پارٹی چھوڑ جاتے، اور اگلے ہی دن واپس آ جاتے۔ اب تو میڈیا کو بھی یاد نہ ہوگا کہ الطاف حسین نے کتنی بار پارٹی چھوڑی۔ انہوں نے قوم سے مطالبہ کیا کہ صرف ایک شخص کی وجہ سے پوری اردو بولنے والی قوم سے نفرت نہ کریں، انہیں محب وطن ہی سمجھیں پریس کانفرنس میں اپنی تقریر کے دوران مصطفیٰ کمال آبدیدہ بھی ہوئے۔
ماضی میں ایم کیو ایم کا روشن چہرہ سمجھے جانے والے سابق ناظم کا کہنا تھا کہ جب میں نے پارٹی چھوڑی تو مجھے پتہ تھا کہ میری زندگی خطرے میں ہے بلکہ معلوم تھا کہ ہم مارے جائیں گے۔ یہ بھی معلوم تھا کہ اب پاکستان میں نہیں رہ سکتے، کیونکہ جانتے تھے کہ الطاف حسین کے بھارتی اور جنوبی افریقی سیٹ اپ کے لڑکے پیچھے ہوں گے۔
یاد رہے کہ مصطفیٰ کمال اگست 2013ء میں اچانک ملک چھوڑ گئے تھے اور بعد ازاں معلوم ہوا کہ انہوں نے متحدہ قومی موومنٹ چھوڑ دی ہے۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
