... loading ...
... loading ...
5 فروری کو پاکستان بھر میں پورے جوش و خروش کے ساتھ یوم یکجہتی کشمیر منا یا گیا۔وزیر اعظم پاکستان محمد نواز شریف نے اس موقع کی مناسبت سے آزاد کشمیر اسمبلی سے خطاب کیا اور کشمیری عوام کو یقین دلایا کہ پاکستان ان کی جدوجہد کو قدر کی نگا ہ سے دیکھتا ہے اور جب تک مسئلہ کشمیر حل نہیں ہوتا،اس خطے میں امن قائم نہیں ہوسکتا ۔انہوں نے اقوام متحدہ کو بھی تنقید کا نشا نہ بنا تے ہوئے کہا کہ دنیا کو ان سے پوچھ لینا چا ہئے کہ یہ مسئلہ اب تک حل کیوں نہیں ہوا۔
قائد حریت سید علی گیلانی کے ترجمان ایاز اکبر نے پاکستانی عوام ،حکومت اور اپوزیشن کا یوم یکجہتی منانے پر شکریہ ادا کیا اور ساتھ ساتھ وزیر اعظم پاکستان کا بھی شکریہ ادا کیا جنہوں نے کشمیر پر پاکستانی کے اصولی موقف کا اعادہ کیا،اس تقریر سے کشمیری عوام کے حوصلوں میں اضافہ ہوا ۔تاہم ترجمان کے بقول قول و فعل میں ہم آہنگی ضروری ہے۔
اور پاکستانی قیادت کو تواتر اور یکسوئی کے ساتھ ،اصولوں پر مبنی کشمیر پالیسی پر ڈٹا رہنا چاہئے تاکہ مسئلہ کشمیر کشمیریوں کی عین رائے کے مطا بق حل ہوسکے۔ترجمان نے کہا کہ کشمیری عوام کی نظریں پاکستان پر مرکوز ہیں ، انہوں نے سوال کیا کہ جہاں آزادی مانگنے کے جرم میں جارح قوت کے ہاتھوں انسان قتل کئے جارہے ہوں،عصمتیں پامال کی جارہی ہوں ،ہر طرح کی انسانی حقوق کی پامالی کی جارہی ہو،وہاں اس جارح اور قابض قوت کے ساتھ آلو پیا ز کے کاروبار کے کیا معنی ہے؟
سید صلاح الدین نے 5فروری کو پاکستان بھر میں یوم یکجہتی کشمیر منانے اور پاکستانی حکمرانوں،اپوزیشن اور عوام کے اس عزم کو دہرانے پر شکریہ ادا کیا کہ پاکستان کشمیریوں کی جدوجہد آزادی کی ہر سطح پر حمایت اور تعاون جاری رکھے گا۔ اُنہوں نے کہا کہ پاکستان مسئلہ کشمیر کا ایک اہم فریق ہے اور ایک فریق کی حیثیت سے اسے مسئلہ کشمیر کے حل کیلئے ہر محاذ پر کشمیری عوام کی مدد و تعاون کرنے کا مکمل قانونی اور آئینی جواز ہے۔جہاد کونسل کے اجلاس سے خطاب کرتے ہوئے سید صلاح الدین نے کہا کہ بھارتی قیادت اور بعض مایوس عناصرپاکستانی عوام کو کشمیری حریت پسندوں کے بارے میں بدظن کرنے کی کوششوں میں مصروف ہیں ۔تاہم یوم یکجہتی مناکر پوری پاکستانی قوم نے کشمیریوں کو یہ پیغام دیا ہے کہ وہ تنہا نہیں اور انکی جا ئز جدوجہد میں وہ ہر محاذ پر ان کا ساتھ دیں گے۔انہوں نے کہا کہ تاریخ اور عالمی قوانین سے نا بلد بعض عناصر تحریک آزادی کشمیرکے مزاحمتی کردار کی اہمیت کو گھٹاکر ،صرف سیاست اور سفارت پر توجہ دینے کا مشورہ دے رہے ہیں ۔حالانکہ کشمیری قوم نے 42سال تک سیاسی اورسفارتی جدوجہد کی لیکن امن کی زبان جارح نے کبھی سمجھی اور نہ مستقبل میں سمجھنے کی وہ صلاحیت رکھتا ہے ۔تمام پر امن ذرائع جب ناکام ہوئے تو کشمیری عوام نے اقوام متحدہ کے چا رٹر کے عین مطا بق عسکری مزاحمت کا فیصلہ کیا ۔ریاست کی آزادی کیلئے سیاسی جدوجہد کے ساتھ ایک مربوط اور مضبوط عسکری جدوجہد ضروری ہے۔
کشمیری امور کے ماہر اور صحافی عارف بہار نے وجود ڈاٹ کام سے بات کرتے ہوئے وزیر اعظم پاکستان کی تقریر کو تحریک آزادی کشمیر کیلئے حوصلہ افزا قرار دیا تاہم انہوں نے کہا کہ یہ ایک روایتی دن پر ایک روایتی تقریر تھی ۔اس موقع پر وزیراعظم سے یہ امید تھی کہ وہ مہاجرین کشمیر کی بحالی کیلئے کسی خصوصی پیکیج کا اعلان کریں گے ،لیکن ایسا نہیں ہوا۔معروف صحافی طارق نقاش نے وجود ڈاٹ کام سے گفتگو کرتے ہوئے کہا کہ وزیر اعظم کی تقریر بڑی جاندار تھی،انہوں نے بھارتی قیادت کو یہ خوبصورت الفاظ میں واضح پیغام دیا کہ مسئلہ کشمیر حل کئے بغیر اس خطے میں امن ممکن نہیں،اور ساتھ ساتھ انہوں نے عالمی برادری کو بھی پیغام دیا کہ وہ اس مسئلے کو حل کرنے میں اپنا کردار ادا کرے۔
پاسبان حریت جموں و کشمیر کے سربراہ اور مہاجر رہنما عزیر غزالی نے بھی وزیر اعظم کی تقریر کو سراہا تاہم اس دکھ کا اظہار بھی کیا کہ ایک طرف وزیر اعظم پاکستان نے کہا کہ ایک حصہ تکلیف میں ہو تو دوسرا حصہ کیسے سکون سے رہ سکتا ہے لیکن اس حصے میں 7500مہاجر خاندان ،جو بھارتی فورسز کے ظلم وجبر کے نتیجے میں یہاں مہاجرین کی حیثیت سے مقیم ہیں اور گو ناں گوں مسائل کا شکار ہیں ، وہ آج بھی انہیں بھول گئے۔عزیر غزالی نے کہا کہ بھگوڑے کشمیری پنڈتوں کیلئے نریندر مودی نے خزانوں کے دروازے کھول رکھے ہیں ،لیکن پاکستان کے نام پر مر مٹنے والے اگر کسمپرسی کا شکار ہوجائیں تو اس بے رخی کو کون سا عنواں دیں گے؟
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
