... loading ...
... loading ...
پاکستان کے دورے کے بعد بھارتیہ جنتا پارٹی کی سب سے اہم اتحادی جماعت شیو سینا کی جانب سے نریندر مودی کوکھٹی میٹھی تنقید کا سامنا ہے۔ اس کا اظہار ان کے ترجمان جریدے “سا منا”کے تازہ ترین ایڈیٹوریل میں کیا گیا ہے۔ اس میں کہا گیا ہے کہ جن جن سیاستدانوں نے بھی پاکستان کا دورہ کیا ان کا کیرئیر جلد ختم ہو گیا۔ ایل کے ایڈوانی اور اٹل بہاری واجپائی کا سیاسی کیرئیر بھی ایسے ہی ختم ہوا، تاہم اس امید کا اظہار کیا گیاکہ نریندر مودی، واجپائی کی طرح کا سفر نہیں کریں گے۔ ادھر بی جے پی کے جنرل سیکرٹری اور کشمیر امور کے انچا رج رام مادھو نے واضح کیا کہ پاک بھارت بات چیت میں آل پارٹیز حریت کا نفرنس کا کو ئی کردار نہیں۔ ان کی اگر کوئی شکایت ہے تو بھارتی آئین کے اندر رہ کر انہیں دور کیا جا سکتا ہے۔ الجزیرہ ٹی وی کے پروگرام ہیڈ ٹو ہیڈ میں رام مادھو نے کہا کہ جموں وکشمیر بھارت کا اٹوٹ انگ ہے، با ت چیت صرف پاکستانی مقبوضہ کشمیر کے حوالے سے ہوگی۔
حزب سربراہ اور متحدہ جہاد کونسل کے چیر مین سید صلاح الدین نے ایک بیان میں کہا کہ پاک بھارت بہترتعلقات پر اعتراض نہیں، لیکن کشمیر کی آزادی کی قیمت پر نہیں۔ افغانستان میں پاکستان کے خلاف ہرزہ رسائی اور لاہور میں امن اور پیار کی مالا جپناپاکستانی قیادت کیلئے چشم کشا ہونا چاہئے۔ انہوں نے پریس کے نام جاری اپنے بیان میں کہا کہ محمد نواز شریف ایک فرد نہیں بلکہ ایک قوم کے قائد ہیں،انہیں بھارتی قیادت با لخصوص نریندر سنگھ مودی کی ہر حرکت اور ادا پیش نظر رکھنی چا ہئے کہ وہ کس طرح اسی روز افغانستان میں پاکستان کے خلاف ہرزہ رسائی، مقبوضہ کشمیر میں ان کے فوجیوں کے ہاتھوں 3نہتے کشمیریوں کا قتل اور لاہور میں امن اور پیار کی بھاشا بول کر،نہ صرف عالمی برادری کی آنکھوں میں دھول جھونک رہے ہیں بلکہ کراچی، بلوچستان فاٹا اور کشمیری عوام کے مشترکہ زخموں پر نمک پا شی بھی کررہے ہیں، جہاں مقبوضہ کشمیر میں اس کے 8لاکھ فوجی ایک تر دماغ قوم کا صفایا کرنے میں لگے ہیں، وہیں اس کی انٹیلی جنس ایجنسی را کے زرخرید ایجنٹ پاکستانی عوام کے خون سے ہاتھ رنگ رہے ہیں۔ ان حالات میں انتہائی محتاط رہنے کی ضرورت ہے۔ سید صلاح الدین نے کہا کہ مسئلہ کشمیر کو جب تک زمینی حقائق کے عین مطابق حل نہیں کیا جاتا، دو ملکوں کی دوستی نا ممکن ہے۔ آزادی کشمیر کی تحریک آلو پیاز کی خرید وفروخت کا معاملہ نہیں، بلکہ ایک کروڑ 40لاکھ سے زائد انسانی نفوس کی آزادی کا معاملہ ہے۔ اس آزادی کو حاصل کرنے کیلئے کشمیری قوم نے نہ صرف جان و مال بلکہ عزت کی قربانی بھی دی ہے اور دے رہے ہیں۔ اس لئے اس قوم کو لولی پاپ سے نہیں بہلایا جاسکتا۔ حزب سربراہ نے کہا کہ جب تک کشمیری قوم آزادی سے ہمکنار نہیں ہوتی، جدوجہد جاری رہیگی۔ مزاکرات کے نام پربھارت اس تحریک کو طول دینا چا ہتا ہے لیکن اس تحریک سے وابستہ قائدین و عوام اس چال سے باخبر ہیں او ر وہ کسی بھی طالع آزما کو اس تحریک کو سبو تاژ کرنے کی اجازت نہیں دیں گے۔
معروف حریت رہنما شبیر احمد شاہ نے پاک بھارت مذاکرات اور نواز مودی ملاقات پر اپنے بیان میں کہا کہ جب تک جموں کشمیر کی حقیقی مسلمہ قیادت کو بات چیت میں شامل نہیں کیا جاتا ان مزا کرات کا کوئی نتیجہ سا منے نہیں آئے گا۔ شبیر احمد شاہ نے واضح کیا کہ مسئلہ کشمیر کا حل اقوام متحدہ کی قراردادوں یا سہ فریقی مزاکرات میں ہی مضمر ہے اور اس سے باہر کوئی بھی حل ہمیں قبول نہیں۔ شبیر احمد شاہ نے واضح کیا کہ ہم نے ہمیشہ دونوں ممالک کے بیچ مخاصمت کے خاتمے اور دوستی کے بڑھاوے کے لئے اپنا دست تعاون فراہم رکھنے کا عزم دُہرایا لیکن برصغیر کے اس دیرینہ تنازع سے متعلق ہم کسی بھی صورت میں اپنے موقف میں لچک لانے کی ضرورت محسوس نہیں کرتے۔ واضح رہے کہ 26دسمبر 2015کو بھارتی وزیر اعظم نریندر سنگھ مودی اچانک افغا نستان سے مختصر دورے پر پاکستان پہنچے اور جاتی عمرہ میں نواز شریف کے خاندان کو تحفے تحائف دئیے اور وزیر اعظم پاکستان کو جنم دن مبارک کہہ کر جنم دن ڈپلو میسی کا ایک نیا باب رقم کیا۔ اب دیکھنا یہ ہے کہ یہ ڈپلو میسی کیا رنگ لائیگی؟
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
