... loading ...
... loading ...
سندھ اسمبلی میں رینجرز کے اختیارات کے حوالے سے پیش کی گئی قرارداد وہ نہیں تھی جو سندھ کے محکمہ قانون نے بنا کر دی تھی۔سندھ حکومت کے باخبر ذرائع نے وجودڈاٹ کام کو انکشاف کیا ہے کہ وزیراعلیٰ کے مشیرِ قانون مرتضیٰ وہاب کی سربراہی میں ایک اجلاس ہوا تھا جس میں سیکریٹری لاء میر محمد شیخ، ایڈیشنل سیکریٹری محمد اسلم شیخ اور محکمۂ قانون کے دیگر افسران شریک ہوئے جن میں پراسیکیوٹر جنرل شہادت اعوان اور ایڈوکیٹ جنرل سندھ عطاء ملک بھی شامل تھے۔ جس میں محکمۂ قانون کو قرارداد کی تیاری کی ذمہ داری سونپی گئی تھی۔ مگر جب سیکریٹری لاء میر محمد شیخ نے قرارداد کا مسودہ پیش کیا تو مشیرِ قانون مرتضیٰ وہاب اُن پر انتہائی برہم ہوگیے۔ یہاں تک کہ اُن سے یہ تک پوچھا کہ وہ رینجرز کے وفادار ہیں یا سندھ حکومت کے؟اُنہوں نے اپنے مجوزہ قرارداد کے مسودے کا دفاع کرتے ہوئے یہ استدلال پیش کیا کہ تحفظِ پاکستان آرڈیننس کے تحت رینجرز کے اختیارات میں کوئی کمی بیشی نہیں کی جاسکتی۔کیونکہ اس پر پارلیمنٹ کا ایک فیصلہ موجود ہے جبکہ سندھ اسمبلی ایک صوبائی اسمبلی ہے۔ اس لئے مشیر ِ قانون رینجرز کے اختیارات میں کمی کے حوالے سے جس قرارداد کو تیار کرانا چاہتے ہیں وہ قانون کے مطابق نہیں اس لئے یہ قرارداد چلے گی نہیں۔ سیکریٹری لاء کے اس استدلال پر مشیرِ قانون مرتضیٰ وہاب بہت برہم ہوئے ۔ اور اُن کے ساتھ تلخ کلامی پر اُتر آئے۔ جس پر سیکریٹری لاء میر محمد شیخ نے اپنا استعفیٰ پیش کردیا۔ اور بعدازاں اس متنازع ترین قرارداد کا مسودہ تیار کرانے میں پراسیکیوٹر جنرل شہادت اعوان نے حصہ لیا۔ اُنہوں نے اجلاس میں آصف علی زرداری کی ہدایت کے مطابق قرارداد کی تیاری کی پوری حمایت کی۔
باخبر ذرائع مطابق دبئی میں قیام پزیر پیپلز پارٹی کے شریک چیئر مین آصف علی زرداری رینجرز کے اختیارات سے منسلک اس پورے تنازع میں وزیراعلیٰ سندھ سے کہیں زیادہ جن تین افراد کے ساتھ رابطے میں رہے اور اُنہیں براہِ راست احکامات دیتے رہے ،اُن میں شہادت اعوان، مراد علی شاہ اور مرتضیٰ وہاب شامل ہیں۔ یہ تینوں افراد ہی اس پورے تنازع میں آصف علی زرداری کی مرضی کا رنگ بھرتے رہے ہیں۔
اطلاعات کے مطابق اس متنازع قرارداد کی تیاری اورسندھ اسمبلی سے پلک جھپکتے ہی منظوری کے بعد جب یہ سندھ اسمبلی کی رائے بن کر محکمہ قانون سے محکمۂ داخلہ میں گئی تو محکمہ داخلہ نے اس پر کسی نوٹیفیکشن کے اجراء سے معذرت کرتے ہوئے کہا کہ رینجرز کو حاصل اختیارات پر اس کے خلاف ایسے کسی نوٹیفیکشن کی قانونی گنجائش نہیں ہے۔ یہ تنازع بھی سندھ حکومت کے اندرونی حلقوں میں کافی دنوں تک گردش کرتا رہا۔ یہاں تک کہ سندھ حکومت نے سندھ اسمبلی کی قرارداد سمیت دو خطوط کے ذریعے یہ معاملہ وفاقی حکومت کو بھیج دیا۔ جہاں سے وفاقی وزیر داخلہ چوہدری نثار کو اب اس پر کوئی فیصلہ کر نا ہے۔
ذمہ دار ذرائع کے مطابق پراسیکیوٹر جنرل شہادت اعوان ان دنوں سندھ حکومت کو یہ باور کرارہے ہیں کہ وہ خطرات میں گھرے ہوئے ہیں۔واضح رہے کہ وہ ڈی آئی جی فاروق اعوان کے بھائی ہیں ۔اور آصف علی زرداری سے آج کل بہت قریب سمجھے جاتے ہیں۔ اُنہوں نے خو دکو خطرات میں باور کراکر پولیس کی ایک حفاظتی موبائل بھی لے لی ہے جبکہ وہ اس سے پہلے بھی ایک موبائل رکھتے تھے۔ یوں سندھ حکومت ایک پراسیکیوٹر جنرل کی حفاظت دو پولیس موبائلوں کے ذریعے کر رہی ہے۔ سندھ حکومت کی مضحکہ خیز صورتِ حال کا اندازہ اس سے بھی ہوتا ہے کہ ان دنوں سندھ حکومت ایک مستقل آئینی بحران سے گزر رہی ہے مگر اس کے پاس وزیر قانون اور سیکریٹری قانون موجود ہی نہیں ہے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
