... loading ...
... loading ...
بلدیاتی انتخابات کے دوسرے مرحلے میں پنجاب کے 12 اور سندھ کے 14 اضلاع میں پولنگ جارہی ہے۔ دونوں صوبوں میں پولنگ سے قبل اور بعد میں پُرتشدد واقعات سامنے آئے ہیں۔پولنگ سے قبل رات گئے تشدد میں ایک سرکاری ملازم ہلاک اور ایک انتخابی اُمیداوار سمیت متعدد افراد کے زخمی ہونے کی اطلاعات ہیں۔
دونوں صوبوں میں صبح ساڑھے سات بجے پولنگ کا عمل شروع ہو اجو ساڑھے پانچ بجے شام تک بلاتعطل جاری رہے گا۔
تفصیلات کے مطابق بلدیاتی انتخابات کے دوسرے مرحلے میں پنجاب کے بارہ اضلاع سرگودھا، گجرانوالہ، ساہیوال، اٹک، جہلم، میانوالی، چنیوٹ، ٹوبہ ٹیک سنگھ، حافظ آباد، منڈی بہاؤالدین، شیخوپورہ اور خانیوال میں ہزاروں امیدوار مدمقابل ہیں ۔پنجاب کے ان بارہ اضلاع میں ایک کروڑ 46 لاکھ سے زائدافراد اپنا حق رائے دہی استعمال کرنے کے اہل ہیں۔ صوبے کے انتخابی اضلاع میں گیارہ ہزار 862 پولنگ اسٹیشنز کو ’اے پلس‘، ’اے‘ اور ’بی‘ میں تقسیم کیا گیا ہے۔
انتخابات کے دوران سیکیورٹی کے لیے ایک لاکھ سے زائد پولیس افسران اور اہلکار تعینات کیے گئے ہیں، جبکہ پولیس نفری کی کمی کو پورا کرنے کے لیے لاہور سے بھی 2 ہزار اہلکار بھی طلب کئے گئے ہیں۔فیصلہ کیا گیا ہے کہ انتخابات کے دوران پاک فوج، رینجرز کی دستے مستعد رہیں گے تاکہ اُنہیں بوقت ِ ضرورت فوری طلب کیا جاسکے۔ الیکشن کمیشن کی جانب سے اسلحے کی نمائش، جیت کے بعد ریلیاں نکالنے اور جشن منانے پر بھی مکمل پابندی عائد ہے۔
پنجاب کے ضلع ملتان کے علاقے میں انتخابات سے قبل ہی مخالف امیدواروں کے حامیوں میں تصادم کے واقعات سامنے آئے ہیں۔ شجاع آباد میں آزاد امیدوار کے حامی بینرز لگانے کے معاملے پر مخالف امیدوار کے حامیوں سے اُلجھ پڑے، جھگڑے کے دوران میں فائرنگ سے 2 افراد ارسلان اور ذیشان زخمی ہوئے جبکہ فائرنگ کرنے والے ملزمان موقع سے فرار ہوگئے۔ملتان ہی کی ایک اور یو سی 32 میں ٹکٹوں کی غیر منصفانہ تقسیم پر پاکستان تحریک انصاف (پی ٹی آئی) کے ناراض کارکنوں نے مسلم لیگ (ن) کی حمایت کا اعلان کرتے ہوئے آج ’شیر‘ کے نشان پر ٹھپہ لگانے کا اعلان کردیا ہے ۔ ناراض کارکنوں کا کہنا تھا کہ رکن قومی اسمبلی عامر ڈوگر نے اپنے بھائی عدنان ڈوگر کو چیئرمین کا ٹکٹ دے کرعمران خان کے سیاسی منشور کی خلاف ورزی کی اور موروثی سیاست کوفروغ دیا ہے۔
شیخوپورہ کی یو سی 42 شرقپور میں ایک اور طرح کے واقعے میں پریزائیڈنگ آفیسر محمد جاوید کو انتخابی سامان اپنے ہمراہ لے جانے کے الزام میں مقامی پولیس نے گرفتار کیا ہے ۔ ملزم کو تین روز جیل اور ایک ہزار روپے جرمانے کی سزا سنائی گئی ہے۔پولنگ کے دوران میں شیخوپورہ اور ساہیوال سے فائرنگ کی اطلاعات بھی آرہی ہیں۔ جس میں پانچ افراد کے زخمی ہونے کی اطلاعات ہیں۔ اسی طرح گجرانوالہ میں وارڈ نمبر 26 کے پولنگ اسٹیشن پر مبینہ طور پر جعلی ووٹ ڈالنے پر مخالفین کے درمیان ہنگامہ آرائی کے بعد پولنگ عارضی طور پر روک دی گئی۔ٹوبہ ٹیک سنگھ میں بھی انتخابی عمل متاثر ہوا ہے۔
دوسری طرف صوبہ سندھ کے 14 اضلاع حیدر آباد، ٹنڈو محمد خان، ٹنڈو الہیار، مٹیاری، دادو، جامشورو، بدین، ٹھٹھہ، سجاول، شہید بے نظیر آباد، تھرپارکر، میرپور خاص، عمر کوٹ اور نوشہرو فیروز میں بھی آج بلدیاتی انتخابات کے دوسرے مرحلے کے لیے انتخابی عمل جاری ہے۔ جس میں بدین کو صوبے کا حساس ضلع قرار دیا گیا ہے۔ جہاں پیپلز پارٹی سے الگ ہونے والے ڈاکٹر ذوالفقار مرزا ایک چیلنج بنے ہوئے ہیں۔ اُن کی زبردست انتخابی مہم کا تاثر زائل کرنے کے لئے پیپلز پارٹی کے چیئرمین بلاول بھٹو نے یہاں دوروزقبل ایک زبردست انتخابی جلسے سے خطاب کیا تھا۔ بدین میں انتخابی عمل شروع ہونے سے قبل ہی سرکاری اثرورسوخ کا کھلا استعمال صاف نظرآنے لگا تھا۔ جس نے بدین کی حد تک انتخابی عمل کو پہلے سے ہی مشکوک بنا دیا ہے۔ انتخاب سے قبل رات کو ذرائع ابلاغ کے نمائندوں نے بدین کے مختلف علاقوں سے جعلی مہریں اکٹھی کی ہیں۔ اور انتخابی عملے کو سرکاری اثرورسوخ کے ماتحت کام کرتے ہوئے پایا ہے۔
سندھ میں انتخابات کے دوسرے مرحلے کے دوران صوبے کے 71 لاکھ 69 ہزار سے زائد افراد حقِ رائے دہی استعمال کرنے کے اہل ہیںَ۔ انتخابات سے ایک روز قبل الیکشن کمیشن نے سندھ کے آٹھ اضلاع کی 76 یونین کونسلز میں آج ہونے والے انتخابات ملتوی کرکے پندرہ روز میں نئی حلقہ بندیاں کرانے کا اعلان کیا ہے۔
انتخابات کے دوران سیکیورٹی کے لیے پولنگ اسٹیشنز پر ہزاروں پولیس اور رینجرز اہلکاروں کو تعینات کیا گیا ہے، جبکہ پاک فوج کی 16 کمپنیوں کو بھی ہمہ وقت مستعد رہنے کے لئے کہا گیا ہے جنہیں کسی بھی ناخوشگوار واقعہ کی صورت میں طلب کیا جاسکے گا۔تاہم انتخابی عمل کے دوران سندھ کے مختلف علاقوں سے تصادم کی اطلاعات مسلسل مل رہی ہیں۔ حیدرآباد کی یوسی 53 میں امیدوارکا نشان غلط چھپ جانے پر پہلے جھگڑا ہوا اور پھر انتخاباتت ہی ملتوی کردئے گئے۔ حیدرآباد کے علاقے قاسم آباد کے مصطفیٰ ٹاؤن میں سندھ یونائیٹڈ پارٹی کے کیمپ پر نامعلوم افراد کی فائرنگ سے سرکاری ملازم انور لغاری ہلاک ہو گئے ہیں جبکہ انتخابی امیدوار سمیع چانڈیو اور اُس کا بھائی وقار چانڈیو شدید زخمی ہیں۔
ضلع تھرپارکر کی تحصیل مٹھی کے علاقے ننگر میں رینجرز نے پریزائیڈنگ آفیسر ونود کو انتخابی سامان لے کر فرار ہوتے ہوئے گرفتار کیا ہے۔ ضلع بدین کے سمن پولنگ اسٹیشن سے نامعلوم افراد بیلٹ پیپرز اٹھا کر فرار ہوگئے، پولیس نے واقعے کی تحقیقات شروع کردی ہے۔
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
چیف آف آرمی اسٹاف جنرل سید عاصم منیر نے شہر قائد میں جاری دفاعی نمائش آئیڈیاز 2024 کا دورہ کیا اور دوست ممالک کی فعال شرکت کو سراہا ہے ۔پاک فوج کے شعبۂ تعلقات عامہ (آئی ایس پی آر) کے مطابق آرمی چیف جنرل عاصم منیر نے کراچی کے ایکسپو سینٹر میں جاری دفاعی نمائش آئیڈیاز 2024 ...
ڈپٹی کمشنر اسلام آباد نے وفاقی دارالحکومت میں 2 ماہ کے لیے دفعہ 144 نافذ کر دی جس کے تحت کسی بھی قسم کے مذہبی، سیاسی اجتماع پر پابندی ہوگی جب کہ پاکستان تحریک انصاف نے 24 نومبر کو شہر میں احتجاج کا اعلان کر رکھا ہے ۔تفصیلات کے مطابق دفعہ 144 کے تحت اسلام آباد میں 5 یا 5 سے زائد...
بانی پی ٹی آئی عمران خان کی ہمشیرہ علیمہ خان نے کہا ہے کہ عمران خان نے علی امین اور بیرسٹر گوہر کو اسٹیبلشمنٹ کے ساتھ مذاکرات کی اجازت دے دی ہے ۔اڈیالہ جیل کے باہر میڈیا سے گفتگو میں انہوں نے کہا کہ بانی پی ٹی آئی سے طویل ملاقات ہوئی، 24نومبر بہت اہم دن ہے ، عمران خان نے کہا کہ ...
چیف آف آرمی اسٹاف جنرل سید عاصم منیر نے کہا ہے کہ ملکی سیکیورٹی میں رکاوٹ بننے اور فوج کو کام سے روکنے والوں کو نتائج بھگتنا ہوں گے ۔وزیراعظم کی زیر صدارت ایپکس کمیٹی کے اجلاس میں گفتگو کرتے ہوئے آرمی چیف نے کہا کہ دہشت گردی کی جنگ میں ہر پاکستانی سپاہی ہے ، کوئی یونیفارم میں ...
