... loading ...
... loading ...
فکری معنوں میں لبرل ازم، مذہب کی حدود و قیود اور تعلیمات سے آزادی ہے، جس میں مابعد لبرل ازم میں ریاست کی طرف سے آنے والی حدو و قیود کا بھی انکار کیا گیا ہے اور اس کی حیثیت یہ متعین کی گئی کہ انسان تمام تر معاملات میں آزاد ہے جو چاہے وہ کرے، جیسے چاہے ویسے کرے، جب تک ایک فرد دوسرے کو اپنی آزادی سے طبعی تکلیف نہ پہنچائے یا اس کی آزادی پر اثر انداز ہوـ
شاہ سے زیادہ شاہ کی وفاداری سمجھیں یا کچھ اور میاں صاحب کا لبرل پاکستان اس سے چار ہاتھ آگے کے بعد از مابعد لبرل ازم پر کھڑا ہے، جس میں مذہب اور ریاست سے ہر قسم کی آزادی تو ہے ہی لیکن اس کی بنیاد شاید ڈارون کے اصول ‘بقائے اصلح’ پر اٹھائی گئی ہے۔ اب ہر فرد کو آزادی ہے کہ اپنی بقاء کے لیے اصلح بمراد صحت، معیشت اور بود وباش کو اوج ترقی پر لے جائے تاکہ اس کے معدوم ہونے کے امکانات صفر ہو جائیں ۔اس ضمن میں اسے کسی کے حقوق کی فکر بھی نہیں کرنا چاہیے کہ فرد کی اپنی ذات اور اس کی بقاء پر کوئی سماجی سمجھوتہ نہیں کیا جا سکتا۔ یہ ہیں میاں صاحب کے نظریہ کی فکری بنیادیں۔
میاں صاحب اپنے اس بعد از مابعد لبرل ازم کے نظریہ کے زیر اثر ہی اپنی اور اپنے خاندان کی صحت کا خصوصی خیال رکھتے ہیں، پچھلے دنوں کی بات ہے ان کی صاحبزادی کو موچ آ گئی، پاکستانی ڈاکٹروں نے مشورہ دیا کہ کچھ دن آرام فرمائیں گی تو یہ قدرت کے خودکار نظام کے تحت ٹھیک ہو جائے گا۔ لیکن انہیں بلا واسطہ اصلح اور بلواسطہ بقائے صحت کا مسئلہ درپیش تھا۔ اس لیے انہیں علاج کے لیے لندن بھیجا گیا ۔جہاں نہ صرف ان کو طبی آرام دیا گیا بلکہ خوش کن ماحول کا اہتمام بھی کیا گیا تاکہ وہ دوبارہ صحت کے سب سے اوپر والے درجے پر براجمان ہو سکیں۔ اسی قسم کی ضروری احتیاط وہ اپنی اور اپنے خاندان کے ہر فرد کی کرتے ہیں۔
میاں صاحب اپنی معیشت کی اصلح پر بھی خصوصی دھیان رکھتے ہیں ،بھلے چین کو جائیں یا ترکی کا سفر فرمائیں، جاپان کی سیر کو جائیں یا امریکایاترا کریں، اپنے بریف کیس میں تجارت کے بروشر اور اپنے کانوائے میں حسین نواز کو ضرور رکھتے ہیں۔ یہی وجہ ہے کہ ان کی معاشی اصلح اپنی تاریخ کی بلند ترین سطح پر پہنچ چکی ہے۔ ان کے ذاتی اثاثوں کی کل مالیت پہلی مرتبہ دو ارب روپے سے زیادہ ہو چکی ہے۔پچھلے ایک سال میں ان کی صرف ایک شوگر مل میں سرمایہ کاری 600 گنا بڑھ گئی۔ یہ تو ان کی اپنی اصلحِ معیشت ہے۔ ذرا ان کی اہلیہ کی معاشی صورتحال دیکھیں تو وہ بھی اونچی پرواز پر ہیں۔ ان کے اثانوں کی مالیت 1 اعشاریہ 71 ارب روپے سے بڑھ کر 2 اعشاریہ 36 ارب روپے ہو چکی ہے۔ ان کے بیرونی منافع میں 17 اعشاریہ 39 فیصد اضافہ ہو چکا ہےـ
میاں صاحب کی اصلحِ معیشت کا براہ راست اثر ان کی بود و باش پر پڑا ہے۔ 25 کروڑ کی ابتدائی رقم سے 1700 ایکڑ پر بننے والا رائے ونڈ محل ان کی شہنشاہیت کا استعارہ ہے۔ جس میں 80 ملین روپےبعد میں تزئین و آرائش پر مزید خرچ کیے گئے- شہری سہولیات پہنچانے کے لیے پونے 2 ارب روپے صرف کئے گئے- اسی بود و باش کے اصلح کا ہی تقاضا ہے کہ اب وہ چائے کے لیے وزیراعظم ہاؤس سے مری کشمیر پوائنٹ پر جانے کیلئے ہیلی کاپٹر کا استعمال کرتے ہیں۔
میاں صاحب بہت بہت شکریہ، آپ کے لبرل پاکستان سے یہ قوم لنڈوری ہی بھلی۔ یہ قوم اُس پاکستان کا انتظار کر رہی ہے جس کا خواب علامہ اقبال رحمتہ اللہ علیہ نے دیکھا تھا اور جس کی تعبیر قائد اعظم محمد علی جناح نے کی تھی، اسلامی پاکستان، جس میں عدل ہو، جس میں پیسے کا رخ امراء کی تجوریوں کے بجائے غریبوں کی جھولیوں کی طرف ہو، جس میں حکمراں اپنی قوم کی صحت، معیشت اور بود و باش سے آزاد ہو کر انفرادیت پسند نہ ہو، بلکہ وہ کھانا کھانے سے پہلے یہ جاننے کی کوشش کرے کہ پڑوسی بھوکا تو نہیں، جس میں حکمرانی بادشاہت اور اقرباپروری کا نام نہ ہو بلکہ عوام کی خدمت کی ذمہ داری کہلاتا ہو۔جس میں حکمران اپنی عوام کی حالت دیکھنے کیلئے اپنے مشیران پر تکیہ کرنے کے بجائے بھیس بدل لیا کرے۔ رہنے دیجئے میاں صاحب ہمیں لوٹا دیجئے ہمارا پاکستان۔
(رانا خالد قمر)گزشتہ ایک ہفتے سے لندن میں جاری سیاسی سرگرمیوں اور نون لیگی کے طویل مشاورتی عمل کے بعد نیا لندن پلان سامنے آگیا ہے۔ لندن پلان پر عمل درآمد کا مکمل دارومدار نواز شریف سے معاملات کو حتمی شکل دینے کے لیے ایک اہم ترین شخصیت کی ایک اور ملاقات ہے۔ اگر مذکورہ اہم شخصیت نو...
سابق چیف جسٹس گلگت بلتستان رانا ایم شمیم نے انکشاف کیا ہے کہ نواز شریف اور مریم نواز کی ضمانت پر رہائی نہ ہونے کے لیے اُس وقت کے چیف جسٹس ثاقب نثار نے ہائیکورٹ کے ایک جج کو خصوصی حکم دیا تھا۔ انصاف کے تقاضوں کے منافی اس مشکوک طرزِ عمل کے انکشاف نے پاکستان کے سیاسی ، صحافتی اور عد...
2013 میں نواز شریف کے دورِ حکومت میں تحریک طالبان کے ساتھ مذاکرات کرنے والی حکومتی کمیٹی کے سربراہ سینیٹر عرفان صدیقی نے کہا ہے کہ اس وقت طالبان کے ساتھ مذاکرات کے دوران عسکری قیادت کی جانب سے حکومت کو تعاون نہیں ملا تھا۔ایک انٹرویو میں سینیٹر عرفان صدیقی نے کہا کہ حکومت بننے کے ...
سابق وزیراعظم نوازشریف کی نااہلیت کے بعد اب اُن کا نام تمام قومی اور سرکاری جگہوں سے بتدریج ہٹایا جانے لگا ہے۔ تفصیلات کے مطابق قومی اسمبلی کی ویب سائٹ سے رکن اسمبلی کے طور پر اُن کا نام ہٹا دیا گیا ہے۔ اسی طرح کراچی ائیرپورٹ پر قائداعظم اور صدرِ مملکت ممنون حسین کے ساتھ اُن کی ...
٭3 اپریل 2016۔پاناما پیپرز (گیارہ اعشاریہ پانچ ملین دستاویزات پر مبنی ) کے انکشافات میں پہلی مرتبہ وزیراعظم نوازشریف اور اْن کا خاندان منظر عام پر آیا۔ ٭5 اپریل 2016۔وزیراعظم نوازشریف نے قوم سے خطاب کرتے ہوئے اپنے خاندان کے حوالے سے ایک جوڈیشل کمیشن کی تشکیل کا عندیہ دیاتاکہ وہ...
عدالت ِ عظمیٰ کے لارجر بنچ کی جانب سے میاں نواز شریف کی وزارت عظمیٰ سے نااہلی کے فیصلے نے پاکستان تحریک انصاف اور اُس کی قیادت کی اُس جدو جہد کو ثمر بار کیا ہے جو 2013 ء کے عام انتخابات کے فوری بعد سے چار حلقے کھولنے کے مطالبے سے شروع ہوئی تھی۔ عمران خان کی جانب سے انتخابات میں د...
پاناما کیس کا فیصلہ آنے کے بعدعمومی طور پر پنجاب اور خاص طور پر لاہور میں شدید رد عمل سامنے آیا ہے جیسے ہی سپریم کورٹ آف پاکستان میں5رکنی بینچ نے اپنا فیصلہ سنایا اور میڈیا کے ذریعے اس فیصلے کی خبر عوام تک پہنچی تو ان کا پہلا رد عمل وزیر اعظم پاکستان میاں محمد نواز شریف کے سات...
پارلیمان میں نمائندگی رکھنے والی سیاسی جماعتوں کے قائدین کے ساتھ وزیراعظم نواز شریف کے اہم مشاورتی اجلاس میں پاکستان پیپلزپارٹی کے چیئرمین بلاول بھٹو زرداری، جمعیت العلمائے اسلام (ف) کے سربراہ مولانا فضل الرحمٰن، جماعت اسلامی کے امیر سینیٹر سراج الحق، متحدہ قومی موومنٹ پاکستان کے...
وزیراعظم پاکستان محمد نواز شریف کی اقوام متحدہ کی جنرل اسمبلی کے 71ویں اجلاس سے خطاب کو جو پذیرائی کشمیر میں حاصل ہوئی ہے ماضی میں شاید ہی کسی پاکستانی حاکم یا لیڈر کی تقریر کو ایسی اہمیت حاصل ہوئی ہو۔ کشمیر کے لیڈر، دانشور، صحافی، تجزیہ نگار، علماء، طلباء اور عوام کو اس تقریر کا...
اسپین میں ایک کہاوت ہے ‘ کسی کو دو مشورے کبھی نہیں دینے چاہئیں ایک شادی کرنے کا اور دوسرا جنگ پر جانے کا۔ یہ محاورہ غالباً دوسری جنگ عظیم کے بعد ایجاد ہوااس کا پس ِ منظر یہ ہے کہ دوسری جنگ عظیم میں یورپ میں مردوں کی تعداد نہایت کم ہو گئی تھی اور عورتیں آبادی کا بڑا حصہ بن گئی تھی...
زندہ قومیں اپنی زبان کو قومی وقار اور خودداری کی علامت سمجھا کرتی ہیں اور اسی طرح قومی لباس کے معاملے میں بھی نہایت حساسیت کا مظاہرہ کرتی ہیں ۔ روس‘ جرمنی‘ فرانس اور چینی رہنما کسی بھی عالمی فورم پر بدیسی زبان کو اپنے خیالات کے اظہار کا ذریعہ نہیں بناتے، بلکہ اپنی ہی زبان میں...
میاں محمد نواز شریف کا سخت سے سخت ناقد بھی اس بات کا معترف ہورہا ہے کہ انہوں نے اقوامِ متحدہ کی جنرل اسمبلی میں ایک بھرپور اور پاکستان جیسے اہم اسلامی ملک کے شایانِ شان تقریر کی۔ پاک بھارت شملہ معاہدے کے بعد کشمیر پر یہ پہلی سفارتی ’’جارحیت‘‘ ہے جس کا اعزاز بھی ایک منتخب جمہوری ح...
