... loading ...
... loading ...
کراچی میں بلدیاتی انتخابات سر پرآ گئے ہیں ،تیسرے روز بھی کاغذات نامزدگی جمع ہو تے رہے ۔ سات اکتوبر کاغذات نامزدگی کی وصولی کے بعد آٹھ سے تیرہ تک جانچ کا اگلامرحلہ جاری رہے گا۔ قومی وصوبائی اسمبلیوں میں سب سے بڑی جماعت ایم کیوایم ان انتخابات کو بہت سنجیدگی سے لینے کے باوجود تاثر یہ دے رہی ہے کہ اس کی راہ میں رکاوٹیں کھڑی کی جارہی ہیں ۔ ایم کیوایم بھی یہ خوب سمجھتی ہے کہ اسٹیبلشمنٹ اس مرتبہ اسکے خلاف بہت سخت رویہ رکھے ہوئے ہےاور بلدیاتی انتخابات میں اس کےلیے حالات سازگار نہیں ہوں گے۔
باخبر ذرائع کا کہناہے کہ ایم کیوایم کے علم میں یہ با ت بھی آئی ہے کہ اسٹیبلشمنٹ نے اس کی بلدیاتی انتخابات کے ذریعے واپسی کامنصوبہ بنایاہے۔تفصیل اس اجمال کی یہ ہے کہ تیس نومبر انیس سو ستاسی کے بلدیاتی انتخابات کے ذریعے اس نے انتخابی سیاست میں اپنی دھاک بٹھائی ۔اب اس کی ہوا بھی اسی ذریعے سے اُکھاڑی جائے ۔ذرایع کا کہناہے کہ یہی منصوبہ دو ہزار ایک میں بھی رو بہ عمل لانے کی کوشش کی گئی تھی مگر ایم کیو ایم اس وقت ایسے مسائل کا شکار نہیں تھی اور اس وقت اس کی اعلیٰ ترین قیادت بھی قانون کی ان جکڑبندیوں سے بھی آزاد تھی، وہ منصوبے کو تاڑ گئی اورانتخابات کابائیکاٹ کردیا اور بائیکاٹ کے نتیجے میں جونقصان ہوا ،اسے پر ویز مشرف کے حامی اسٹیبلشمنٹ کے کارپردازوں سے ملی بھگت کرکے پورا کرلیا اس بار بھی ایم کیوایم کے گرد گھیرا اسی طرح تنگ ہے انتخابات کا بائیکاٹ کرکےخود کو چھپانے کا راستا بھی سامنے ہے مگر معروضی حالات اب وہ نہیں۔نہ عشق کی وہ شوخیاں برقرار ہیں نہ حسن کی گرمیاں نہ وہ غزنوی کی تڑپ ہے اور نہ ہی زلف ایاز کا وہ خم باقی ہے۔اس لیے بظاہر ایم کیوایم تمام تر مشکلات کے باوجود انتخابی میدان ِحشر میں اترنے کےلیے تیارہے۔
ذرایع نے بتایاہے کہ ماضی میں حقیقی اور دیگر تجربات کےبعد اسٹیبلشمنٹ میں متحدہ مخالف عناصر کی کوشش ہے کہ کسی طرح اینٹی ایم کیوایم ووٹ بینک کو مجتمع کیا جائے جیسے انیس سو اٹھاسی میں پیپلز پارٹی کے خلاف کیا گیاتھا۔ کسی حدتک اس کا فائدہ یہ ہوا کہ بے نظیر بھٹو اسٹیبلشمنٹ کے رحم وکرم پر وزیراعظم بنیں۔ذرایع کا کہناہے کہ ایم کیوایم کی مخالف سیاسی جماعتوں نے بھی اسکے خلاف بھرپورمہم چلانے کا فیصلہ کیاہے۔ ان کی بھی کوشش ہے کہ متحدہ کو اس کی زیادہ سے زیادہ نشستوں سے محروم کر دیا جائے ۔
متحدہ کے مخالف سیاسی مبصرین کا کہناہے کہ بلاشبہ وہ شہری سندھ کی سب سے بڑی جماعت ہے مگر ابتدائی انتخابات کے بعد اسے مخالفین کے ہاتھ پاؤں باندھ کر الیکشن جیتنے کی عادت پڑچکی ہے جون میں ہونے والے این اے دو سو چھیالیس کے انتخابات میں طویل عرصے بعدپہلی مرتبہ اس نے باضابطہ الیکشن لڑا۔بلاشبہ اس میں متحدہ نے بہت محنت کی لیکن بھاری جیت میں اس کے مخالفین نے بھی بڑا حصہ ڈالا۔پھر یہ حلقہ کراچی کا مہاجر اکثریتی حلقہ ہے جہاں پنجابی یا پشتو اسپیکنگ ووٹر اگر ہیں بھی تو بکھرے ہوئے ہیں ۔ اس لیے ایم کیوایم یہ تاثر دینے میں کامیاب ہوگئی کہ وہ اب بھی شہر کی مقبول جماعت ہے ۔
بلدیاتی انتخابات جوہری اعتبار سےذرا مختلف ہیں ۔یقینامہاجر نعرے کا فائدہ ایم کیوایم کو ہوگامگر پیپلز پارٹی کی حکومت کے زیرسایہ حلقہ بندیوں اور سندھی اور پشتو بولنے والے ووٹرزکی مختلف علاقوں میں منصوبہ بندی کے ذریعےآبادکاری کا اسے نقصان ہوگااور ستم بالائے ستم یہ کہ اینٹی مہاجر ووٹ مجتمع کردیاجائے
ایم کیوایم کے قائد کو منی لانڈرنگ کیس میں فروری دوہزارسولہ تک ضمانت میں توسیع سے پارٹی کو سانس لینے کا موقع توملے گا پھر بھی تین دسمبر کو ہونے والے بلدیاتی انتخابات ایم کیوایم کےلیے بہت مشکل ہوں گے بلکہ یوں کہاجائے کہ یہ اس کی بقا کا مسئلہ ہے۔تیس نومبر انیس سو ستاسی کے جن بلدیاتی انتخابات کے ذریعے ایم کیوایم قومی انتخابی افق پر نمو دار ہوئی تھی، اب اس سے بھی زیادہ بڑا چیلنج اسے درپیش ہے کیونکہ اس وقت پارٹی کے پاس جوشیلے نعرے بھی تھے اور گرم جوش کارکن بھی ۔۔مگر اٹھائیس سال میں جہاں ایم کیوایم نے بہت کچھ کمایا ہے وہاں بہت کچھ گنوا بھی دیا، اُن میں وہ جوشیلے نعرے اور گرم جوش کارکن بھی شامل ہیں۔ جو اب اُسے چراغ رخِ زیبا لے کر ڈھونڈنے پڑیں گے۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
