... loading ...
... loading ...
وشواہندو پریشد نے موسیقار اے آر رحمان پر زور دیا کہ وہ دوبارہ ہندو دھرم قبول کر لیں۔واضح رہے کہ حضرت محمد مصطفیﷺ سے متعلق ایرانی فلمی ہدایت کار مجید مجیدی کی ایک فلم ’’محمدﷺ: پیغمبر خدا‘‘میں اے آر رحمان نے موسیقی دی تھی۔ جس پر ممبئی کی رضا اکیڈیمی نے ا س فلم پر اعتراض کرتے ہوئے آسکر ایوارڈ یافتہ موسیقار اے آر رحمان اور ایرانی ہدایت کار مجید مجیدی کے خلاف فتویٰ جاری کرتے ہوئے اس فلم کو اسلام مخالف فلم قرار دیاتھا۔ آسکر ایوارڈ یافتہ موسیقار اے آر رحمان نے اس پر موقف اختیار کرتے ہوئے کہا ہے کہ اُنہوں نے نیک ارادوں سے فلم میں موسیقی دی تھی اور وہ فلم کے دیگر معاملات سے پوری طرح آگاہ نہیں تھے۔ نہ ہی وہ کسی کے جذبات کو نقصان پہنچانے کا کوئی مقصد رکھتے تھے۔
اس پوری صورتِ حال میں وشوا ہندو پریشد کے جنرل سیکریٹری سریندر جین نے کہا ’’میں اے آر رحمان سے اپیل کرتا ہوں کہ اُنہیں واپس آجانا چاہئے، اُنہیں گھر واپسی کرنا چاہئے۔ہندو سماج اپنے سپوت کا انتظار کر رہا ہے۔ ہم نہ صرف دونوں بازو پھیلا کر اُن کااستقبال کریں گے بلکہ اس بات کوبھی یقینی بنائیں گے کہ اس مسئلے پر اُن کے خلاف کتنے ہی فتوے جاری ہوجائیں، اُنہیں کوئی نقصان نہ پہنچیں۔‘‘وشوا ہندو پریشد نے اے آر رحمان کو ہندو دھرم میں واپسی کی اپیل کرتے ہوئے ساتھ اُن پر یہ الزام بھی عائد کردیا کہ اُنہوں نے محض تجارتی مقاصد کے تحت اسلام قبول کیاتھا۔
اے آر رحمان (اللہ رکھا رحمان)پیدائشی مسلمان نہیں ۔ وہ جنوبی ہندوستان کے شہر چنئی میں ۶؍ جنوری ۱۹۶۷ کو ایک ہندو گھرانے میں پیدا ہوئے۔ جہاں اُن کا نام دلیپ کمار رکھا گیا۔اُن کے والد آر کے شنکر کیرالہ فلم انڈسٹری میں تامل فلموں کے موسیقار تھے۔ باپ کے انتقال کے بعد دلیپ کی طبیعت خراب رہنے لگی۔ جس پر اُن کی والدہ نے ایک بزرگ کے مزار پر حاضری دینا شروع کی ۔ دلیپ کی طبیعت ٹھیک ہوتے ہی اُن کا پورا گھرانا مسلمان ہو گیا۔ اور دلیپ کا نام بدل کر اللہ رکھا رحمان رکھ دیا گیا۔ نامور موسیقار کی زندگی کی ابتدائی مشکلات کے بعد کامیابی کا سفر ’’روجا‘‘نامی فلم سے شروع ہوا تھا۔ جنوبی ہند سے تعلق رکھنے والے فلمساز منی رتنم نے اُنہیں اپنی فلم روجا میں موسیقی دینے کا موقع دیا۔ اور اُنہیں اپنی اس پہلی ہی فلم کے لیے نیشنل ایوارڈ سے نوازا گیا۔ اُس کے بعد اے آر رحمان کو جتنے ایوارڈ ملے وہ کسی بھی بھارتی موسیقار کو آج تک نہیں مل سکے۔ اُنہیں بافٹا، گولڈن گلوب، سیٹلائٹ سمیت چار نیشنل ایوارڈ اور سات فلم فیئر ایوارڈ مل چکے ہیں۔ اُنہیں ۲۰۰۹ء میں سلم ڈاگ ملینیئر نامی فلم کی موسیقی دینے پر اکیڈیمی ایوارڈ یا آسکر ایوارڈ سے نوازا گیا۔ اس طرح وہ یہ اعزاز حاصل کرنے والے پہلے بھارتی موسیقار بنے۔
اڑتالیس سالہ اے آر رحمان بھارت میں بطور موسیقار ایک مثالی حیثیت رکھتے ہیں۔ چنانچہ بھارت کے ہندو انتہا پسندوں نے اُنہیں گھر واپسی کا مشورہ دیا ہے۔ واضح رہے کہ ہندو انتہا پسندوں نے نریندر مودی کی حکومت آنے کے بعد گھر واپسی کی مہم کو بہت تیز کردیا ہے۔ جس کے تحت وہ ہندوستان کے تمام مذاہب کے پیروکاروں کو ہندودھرم اختیار کرنے کی جبراً تلقین کر ررہے ہیں ۔ انتہا پسند ہندوؤں کی گھر واپسی کی جبری مہم خاصی متنازع سمجھی جاتی ہے۔ اور اس پر بھارت میں تمام مذاہب کے پیروکاروں نے اعتراضات اُٹھایے ہیں۔
سابق وزیراعظم اور بانی پی ٹی آئی عمران خان نے کہا ہے کہ قوم اپنی توجہ 24 نومبر کے احتجاج پر رکھے۔سعودی عرب ہر مشکل مرحلے میں ہمارے ساتھ کھڑا رہا ہے۔ بشریٰ بی بی کا سیاست سے کوئی تعلق نہیں۔عمران خان نے اڈیالہ جیل سے جاری اپنے ایک پیغام میں کہا کہ ملک میں قانون کی حکمرانی ، آئین ک...
آرمی چیف جنرل سید عاصم منیر نے دہشت گردوں کے نیٹ ورک کو ختم کرنے اور قومی سلامتی کو نقصان پہنچانے والے عناصر کو جڑ سے اکھاڑ پھینکنے کے عزم کا اعادہ کرتے ہوئے واضح کیا ہے کہ دیرپاامن واستحکام کے لئے فوج قانون نافذ کرنے والے اداروں کے ساتھ مل کر امن دشمنوں کا پیچھا کرے گی، پاک فوج ...
وزیر اعظم شہباز شریف نے کہا ہے کہ سعودی عرب نے ہمیشہ بھائی بن کرمدد کی، سعودی عرب سے متعلق بشریٰ بی بی کا بیان پاکستان کے ساتھ دشمنی ہے ، سعودی عرب کے خلاف زہر اگلا جائے تو ہمارا بھائی کیا کہے گا؟، ان کو اندازہ نہیں اس بیان سے پاکستان کا خدانخوستہ کتنا نقصان ہوگا۔وزیراعظم نے تونس...
آئی سی سی چیمپئینز ٹرافی 2025 کے شیڈول کے اعلان میں مزید تاخیر کا امکان بڑھنے لگا۔میڈیا رپورٹس میں دعویٰ کیا جارہا ہے کہ اگلے 24گھنٹے میں میگا ایونٹ کے شیڈول کا اعلان مشکل ہے تاہم اسٹیک ہولڈرز نے لچک دکھائی تو پھر 1، 2 روز میں شیڈول منظر عام پرآسکتا ہے ۔دورہ پاکستان سے بھارتی ا...
خیبر پختونخوا کے ضلع کرم میں مسافر گاڑیوں پر نامعلوم مسلح افراد نے فائرنگ کرکے 3خواتین اور بچے سمیت 38 افراد کو قتل کردیا جب کہ حملے میں 29 زخمی ہوگئے ۔ ابتدائی طور پر بتایا گیا کہ نامعلوم مسلح افراد نے کرم کے علاقے لوئر کرم میں مسافر گاڑیوں کے قافلے پر اندھا دھند فائرنگ کی جس کے...
اسلام آباد ہائی کورٹ نے احتجاج کے تناظر میں بنے نئے قانون کی خلاف ورزی میں احتجاج، ریلی یا دھرنے کی اجازت نہ دینے کا حکم دے دیا، ہائی کورٹ نے وزیر داخلہ کو پی ٹی آئی کے ساتھ پُرامن اور آئین کے مطابق احتجاج کے لیے مذاکرات کی ہدایت کردی اور ہدایت دی کہ مذاکرات کامیاب نہ ہوں تو وزیر...
پاکستان تحریک انصاف کے رہنما اسد قیصر نے کہا ہے کہ علی امین گنڈاپور کے ساتھ مذاکرات کے لئے رابطہ ہوا ہے ، ہم سمجھتے ہیں ملک میں بالکل استحکام آنا چاہیے ، اس وقت لا اینڈ آرڈر کے چیلنجز کا سامنا ہے ۔صوابی میں میڈیا سے گفتگو کرتے انہوں نے کہا کہ 24 نومبر کے احتجاج کے لئے ہم نے حکمتِ...
وزیر اعظم کی ہدایت کے بعد فیڈرل بورڈ آف ریونیو (ایف بی آر)نے غیر رجسٹرڈ امیر افراد بشمول نان فائلرز اور نیل فائلرز کے خلاف کارروائی کے لیے ایک انفورسمنٹ پلان کو حتمی شکل دے دی ہے ۔ رپورٹ کے مطابق ایف بی آر نے فیلڈ فارمیشن کی سطح پر انفورسمنٹ پلان پر عمل درآمد کے لیے اپنا ہوم ورک ...
وزیراعلیٰ خیبر پختونخوا علی امین گنڈاپور نے کہا ہے کہ انشاء اللہ بانی چیئرمین کو رہا کرا کر دم لیں گے ۔پشاور میں میڈیا سے گفتگو میں علی امین گنڈاپور نے کہا کہ انشاء اللہ بانی چیئرمین کو رہا اور اپنے مطالبات منوا کر ہی دم لیں گے ۔انہوں نے کہا کہ ہم سب کے لیے تحریک انصاف کا نعرہ’ ا...
دریں اثناء پاکستان تحریک انصاف (پی ٹی آئی) نے 24 نومبر کو احتجاج کے تمام امور پر نظر رکھنے کے لیے مانیٹرنگ یونٹ قائم کرنے کا فیصلہ کیا ہے جب کہ پنجاب سے قافلوں کے لیے 10 رکنی مانیٹرنگ کمیٹی بنا دی۔تفصیلات کے مطابق پی ٹی آئی کا مانیٹرنگ یونٹ قیادت کو تمام قافلوں کی تفصیلات فراہم...
ایڈیشنل سیکریٹری جنرل پی ٹی آئی فردوس شمیم نقوی نے کمیٹیوں کی تشکیل کا نوٹیفکیشن جاری کر دیا ہے ۔جڑواں شہروں کیلئے 12 رکنی کمیٹی قائم کی گئی ہے جس میں اسلام آباد اور راولپنڈی سے 6، 6 پی ٹی آئی رہنماؤں کو شامل کیا گیا ہے ۔کمیٹی میں اسلام آباد سے عامر مغل، شیر افضل مروت، شعیب ...
اسلام آباد ہائیکورٹ نے توشہ خانہ ٹو کیس میں دس دس لاکھ روپے کے مچلکوں کے عوض بانی پی ٹی آئی کی ضمانت بعد از گرفتاری کی درخواست منظور کرتے ہوئے انہیں رہا کرنے کا حکم دے دیا۔ہائیکورٹ میں توشہ خانہ ٹو کیس میں بانی پی ٹی آئی کی درخواست ضمانت بعد از گرفتاری پر سماعت ہوئی۔ایف آئی اے پر...
