... loading ...
... loading ...
عزیز طَلَبہ!
مجھے یقین ہے کہ جامعہ کراچی میری آمد پر جس عزت افزا ئی کی مستحق ٹہری ہے اُس پر وہ میری شکر گزار ہوگی۔ جس طرح میرا یہاں آنا آپ کے لئے کوئی معمولی بات نہیں، ٹھیک اسی طرح میرا یہاں آنا خود میرے لئے بھی کوئی معمولی بات نہیں۔ کیونکہ یہاں آنے کی اہلیت پیدا کرنے کے لئے بلاول ہاؤس کے خفیہ پھیرے اور جیل میں کئی مہینے گزارنے پڑتے ہیں۔ پہلے زمانے میں لوگ تقریریں کرتے تھے اور جیل جاتے تھے۔ اب جیل پہلے جاتے ہیں اور پھر آکر تقریریں کرتے ہیں۔ میں جانتی ہوں کہ جامعہ کراچی میں میرا یہ پھیرا دبئی کے پھیرے سے زیادہ فائدہ مند نہیں ، اور گھورتی آنکھوں اور سنتے کانوں کو جو راحت مجھ سے پہنچ رہی ہے وہ مول تول میں نہیں آسکے گی۔ اس کے باوجود میری یہاں آمد میری ’’غیرتجارتی‘‘اور آپ کی ’’تجارتی ‘‘سرگرمیوں کا واضح ثبوت ہے۔
اگرچہ مجھے یہ عنوان دیا گیا تھا کہ میں’’نظر کی حفاظت اور سترپوشی کے فضائل‘‘ پرگفتگو کروں۔ اس سے قبل وینا ملک اس پر’’ مفصل‘‘ اور’’ باتصویر ‘‘تحقیقی کام کرچکی ہے ،میں اس میں مزید اضافہ نہیں کر سکتی۔ وہ آج کل اپنی تحقیق کے ثمرات میں ایک عدد ’’شوہر‘‘ کا ثواب بھی پارہی ہے۔ پھر جب سے وہ عبدالستار ایدھی سے ملی ہے تب سے وہ بستر پر بیمار پڑے ہیں، بیچارے کہیں کے۔پھر بھی میں آپ کو برج الخلیفہ میں فلیٹ خریدنے کے شارٹ کٹ اور شارٹ کٹس بھی بتا سکتی ہوں ۔ اس کے علاوہ میں آپ کو بلاول ہاؤس کے خفیہ دروازوں کے بارے میں بھی خاصی آگاہی دے سکتی ہوں۔میں نے آخر دردر کی خاک چھانی ہے۔ اور گھاٹ گھاٹ کا پانی گھونٹ گھونٹ پیا ہے۔ جس کے باعث میرے اندر ایک خوش سلیقگی پیدا ہوگئی ہے۔ میں چاہتی ہوں کہ آپ بھی اس سلیقے کو اپنائیں ۔ یاد رکھیں:
شرط سلیقہ ہے ہر اک امر میں
عیب بھی کرنے کو ہنر چاہئے
میں تمہاری نصابی کتابوں کے موضوعات سے کچھ بڑھ کر ہوں ، اِسی لئے شاملِ نصاب نہیں ہوں۔ مگر :
مجھ کو بھی پڑھ کتاب ہوں ، مضمونِ خاص ہوں
مانا تیرے نصاب میں شامل نہیں ہوں میں
اچھے بھلے لوگ میرے یہاں آنے پر معترض بھی ہوں گے۔وہ لوگ بھی جو کھلے کھلے مجھ پر اعتراض کرتے ہیں اور چھپے چھپے مجھ سے ملنے کے لئے منتیں کرتے ہیں۔ اِسی جامعہ میں رحمان ملک کو ڈاکٹریٹ کی اعزازی ڈگری دی گئی۔ جب کہ میں نے تو یہاں آکر خود آپ کے لئے ایک’’ اعزازی راحت‘‘ کا سامان کیا ہے۔جب کسی کو اس پر شرم نہیں آئی تو اب کس بات پر آتی ہے۔سو میری یہاں آمد رحمان ملک سے زیادہ نہیں تو کم بھی’’ فضیلت ماب‘‘ نہیں۔ پھر بھی ناقدریٔ ہنر کی شکایت فضول ہے
نظمِ عامہ کے طَلَبہ جانتے ہیں کہ تنظیمی رویہ (Organizational behavior) کیا ہوتا ہے؟ میں بھی اِسی دشت کی سیاح ہو۔ میں نے تمہارے سماج کے تمام طبقات کی تمام تنظیمات کے رویوں کا بہت قریب سے مشاہدہ کیا ہے۔ ایان علی کوئی شخص نہیں ایک کردار ہے اور وہ تمہارے سب کے اندر بکل مارے بیٹھا ہے۔ سب نے اپنے کردار سے اس کا بِکرتوڑا ہے۔ اِسی نے تو سب کا نا س مارا ہے۔ مجھے کیوں کوستے ہو،میں تو تمہارے اندر سے نکل کر تمہارے سامنے کھڑی ہوگئی ہو،میں کہیں باہر سے نہیں آئی اور نہ ہی مجھے کسی نے بلایا ہے۔ اس لئے عزیز طَلَبہ لوگوں کی پروا نہ کیجئے!لوگوں کا کیا ہے، اُن کی تو عادت ہے کہ اگر وہ اپنی سگریٹ سورج سے جلا نہیں پاتے تو اُسے کوسنے لگتے ہیں۔ ان کے ضمیر باغ سے تربوز چراتے ہوئے بیدار نہیں ہوتے۔ مگر یہی تربوز کچے نکلیں تو اچانک ان کے ضمیر بیدا رہونے لگتے ہیں۔میں نے کبھی کوئی کچا کام نہیں کیا اور ’’کچے کے لوگوں ‘‘سے بھی ایک خاص تعلق رکھا۔ چنانچہ مجھ میں ہر موسم کے پھل کی کچھ خاصیتیں پائی جاتی ہیں اس لئے مجھے ’’چُرانے‘‘ والوں کے ضمیر کبھی بیدار نہیں ہوئے۔اور مجھے ’’چِرانے‘‘ والے کبھی چین سے سو نہیں پائے۔ جیل سے رہائی میں مجھے سوئے ہوئے اس ضمیر کے خراٹے بھی صاف سنائی دیئے۔اور کبھی سو نہ پانے والوں بڑبولوں کے سناٹے میں آجانے کے مناظر بھی صاف دکھائی دیئے۔یاد رکھیں ! ہمارے پیارے ملک کی سب سے اچھی بات ہی یہ ہے کہ یہاں ضمیر صاحب ، کر، کرا کچھ نہیں پاتے۔ بس تھوڑا سا منہ کا ذائقہ خراب کر دیتے ہیں۔
حضرت علامہ اقبال نے علم کی جس شمع سے محبت کا درس دیا تھا وہ شمع میں ہی ہو۔بس میرا اصلی پتا اور تو کسی لَلوپتو کو پتا نہیں تھا اکبر الہ آبادی کو کہیں سے چل گیا تب ہی تو اُنہوں نے کہا کہ
اب ہے شمع انجمن پہلے چراغِ خانہ تھی
میں ساتھ ساتھ اس تاریخی غلطی کی اصلاح بھی کرتی چلوں جو خانہ خراب اکبر الہ آبادی نے مجھے پہلے چراغِ خانہ سمجھ کر کی ہے۔ میں کبھی خانے وانے کا چراغ بن کر نہیں رہی ۔بلکہ اس پر چراغ پا ہی رہی۔اس لئے جب بھی رہی، جہاں رہی ،بے بال وپر رہی ، بآنداز بحروبر رہی۔ میں ایک ایسی شمع بن کر رہی جس کے گرد پروانے آتے اور جلتے رہے۔یہ الگ بات ہے کہ جیل کی ہوا خوری کے بعد میرا حال بھی اکبر الہ آبادی کی زبان میں کچھ یوں ہو گیا ہے کہ
پروانہ جل کے خاک ہوا شمع رو چکی
تاثیر حسن و عشق جو ہونا تھا ہو چکی
پھر بھی یقین جانئے! میں نے’’ پروانے‘‘ کا نام ایف آئی اے کو نہیں بتایا۔مشرقی وفا اِسی کو تو کہتے ہے۔ پوچھنے والا وہ موا انسپکٹر کہیں مرکھپ گیا مگر شمع نے رو دھو کے گزارا کر ہی لیا۔لوگ کہتے ہیں کہ رزق کی مصلحتوں یا ’’برکتوں‘‘ میں انسان اپنا جوہرِ پندار ، سرِبازار فروخت کر دیتا ہے۔ مجھے اس قابلِ فروخت شے ’’جوہرِ پندار‘‘ کی کبھی سمجھ نہیں آئی۔ یہ جو بھی ہے، پتا نہیں کیا ہے؟ نظمِ عامہ کے طلبامجھے بتائیں کہ اُنہیں اپنے فنِ علم میں کہیں اس کی جھلک نظر آئی۔مجھے تو رزق اور عشق دونوں ہی میں سارے انسان بلا امتیازِ جنس بلکہ جن و انس ایک ہی طرح کے نظر آئے۔ اس میں بڑے چھوٹے ، عالم جاہل، منصب دار اور چوکیدار میں کوئی فرق نہیں۔ یہاں تک کے آئی جی اور حوالدار میں بھی کوئی فرق نہیں اگر کچھ ہے تو وہ بس ایک ڈگری کا ہے اور وہ ڈگری یہی ہے جو آپ اس جامعہ میں میرا یا میرے جیسوں کا لیکچر سن کر پاتے ہیں۔اور یقین جانئے اس جامعہ کی دعوت ملتے ہی مجھے اندازا ہوا کہ یہ فرق بھی کوئی فرق ہی نہیں۔
ابھی ابھی مجھے ایک پرچی ملی ہے جس میں میرے ملبوس کے بارے میں جاری تبصروں کی نشاندہی کی گئی ہے۔ پتا نہیں کیوں ، ہمارے پہناوے پر لوگوں کو بڑے اعتراض ہیں۔ مگر میں اِسے ترک نہیں کرسکتی ورنہ اور زیادہ قیامت برپا ہو جائیگی۔لہذا
جو کچھ فلک دکھائے سو ناچار دیکھنا
جامعہ کراچی کے شعبہ مالیات کی غفلت منظر عام پر آگئی، مستحق طلبا کے لیے احساس اسکالر شپس کی رقم تنخواہوں کی ادائیگی میں خرچ کردی گئی۔تفصیلات کے مطابق جامعہ کراچی میں شعبہ مالیات کی لاپرواہی سامنے آگئی، ہائر ایجوکیشن کمیشن (ایچ ای سی) ذرائع کا کہنا ہے کہ احساس پروگرام اسکالر شپ کی ...
جامعہ کراچی کے اساتذہ نے احتجاج ختم کرنے اور جمعرات سے تدریسی عمل بحال کرنے کا اعلان کردیا ہے۔وزیر جامعات اسماعیل راہو اور سیکریٹری جامعات سے جامعہ کراچی کے اساتذہ نے وزیر جامعات کے دفتر میں ملاقات کی جس میں پروفیسر ڈاکٹر شاہ علی مقدس، جنرل سیکرٹری ڈاکٹرمحسن علی، ڈاکٹرحارث اور ڈا...
سندھ کی سب سے بڑی تعلیمی درسگاہ جامعہ کراچی میں اساتذہ اور سندھ حکومت کا تنازع مزید طول پکڑ گیا ہے۔ تفصیلات کے مطابق جامعہ کراچی میں کلاسز اور امتحانات کے بائیکاٹ کا پیر کو ساتواں روز ہے، سندھ حکومت اور انجمن اساتذہ جامعہ کراچی میں ڈیڈلاک برقرار ہے۔ ڈیڈ لاک کی وجہ انجمن اساتذہ کی...
جامعہ کراچی کے سال 22- 2021 کے بیچلرز کے داخلہ ٹیسٹ میں سندھ کے سرکاری بورڈز کے معیار تعلیم کی قلعی کھول دی، صرف کیمبرج اور آغا خان بورڈ ہی متاثر کن کارکردگی دکھاسکے ہیں۔ تفصیلات کے مطابق جامعہ کراچی میں داخلہ کے خواہشمند انٹر میں 90 فیصد یا اس سے زائد نمبر لانے والے امیدوار بھی ...
وفاقی تحقیقاتی ادارے ایف آئی اے کے سائبر کرائم سیل کی جانب سے شکایت پر حراست میں لئے گئے ملزمان سے ملنے والے شواہد کے بعد انکشاف ہوا ہے کہ طالبات کے فارم سے تصاویر اور موبائل نمبر چرا کر طالبات کو بلیک میل کرنے والے دو رکنی گروہ کا تعلق جامعہ کراچی سے ہی ہے ،ایف آئی اے نے شکایت ک...
وفاقی وزیر داخلہ چودھری نثار علی خان نے بالآخر پاکستان پیپلزپارٹی کے عقابوں کو مجبو رکر ہی دیا کہ وہ اپنے نشیمن چھوڑ کر میدان میں آجائیں اور مسلم لیگ (ن) کو للکاریں۔ چوہدری نثار علی خان نے انکشاف کیا ہے کہ ماڈل ایان علی اور ڈاکٹر عاصم حسین کی رہائی کے عوض پی پی پی کی اعلیٰ قیادت ...
چودھری نثار نے اسلام آباد میں پریس کانفرنس کرتے ہوئے پیپلزپارٹی اور مسلم لیگ نون کے درمیان موجود ایک خاموش معاہدے کو شدید دھچکا پہنچایا ہے۔ اُنہوں نے پیپلز پارٹی کے بعض رہنماؤں کی جانب سے اُن پر کیے جانے والے حملوں کا جواب دیتے ہوئے پیپلزپارٹی کو اُن کے نازک حصوں سے چھیڑتے ہوئے ک...
منی لانڈرنگ کے الزامات سے دوچار سپر ماڈل ایان علی کا نام عدالت عالیہ سندھ کے حکم پر ای سی ایل (ایگزٹ کنٹرول لسٹ) سے تو نکال دیا گیا مگر اُنہیں دبئی جانے والی پرواز میں سفر کی اجازت نہیں مل سکی۔ تفصیلات کے مطابق وفاقی تحقیقاتی ادارے ایف آئی اےنے سپرماڈل ایان علی کو کراچی ائیرپور...
عدالت عالیہ سندھ نے ایک مرتبہ پھر ماڈل گرل ایان علی کا نام ایگزٹ کنٹرول لسٹ سے خارج کرکے اُسے بیرون ملک جانے کی اجازت دے دی ہے۔ واضح رہے کہ ایان علی کا مقدمہ بھی اُن بنیادی مقدمات میں شامل ہے جو قانون نافذ کرنے والےاداروں کے لیے ایک امتحان کی شکل اختیار کر گیا ہے اور جس سے ا...
محترم عمران خان نیا پاکستان بنانے یا اسی کو نیا کرنے کی جستجو میں لگے ہوئے ہیں۔ اس کے ساتھ ہی انہوں نے ایک نیا محاورہ بھی عنایت کردیا ہے۔10 اگست کو ہری پور میں خطاب کرتے ہوئے سانحہ قصور کے حوالے سے انہوں نے پُرجوش انداز میں کہا ’’میرا سر شرم سے ڈوب گیا‘‘۔ انہوں نے دو محاوروں کو ی...
گزشتہ بدھ کو لاڑکانہ میں ایک اور صحافی قتل ہو گیا۔ ٹی وی چینل اب تک کے نمائندے نے اس کی خبر دیتے ہوئے مرحوم کو صحافیوں کے ’’ہر۔اول‘‘ دستے میں شمار کیا۔ ٹی وی چینل میں بیٹھے ہوئے افراد نے بھی تصحیح نہیں کی کیونکہ یہ لفظ بار بار سننے میں آیا۔ لاڑکانہ کا نمائندہ ہی نہیں ہم نے صحافت...
