اس مہینے آسمان پر دکھے گا تاریخ کا نادر ترین منظر

بسا اوقات گردش کرتے ہوئے سیارے زمین کے اتنے قریب آجاتے ہیںکہ ماہرین فلکیات سمیت سب کیلیے ایک نادر موقع بن جاتا ہے۔ ان دنوں سیارہ مشتری کئی سالوں بعد زمین کے قریب کم ترین فاصلے سے گزر رہا ہے۔میل آن لائن کے مطابق امریکی خلائی تحقیقاتی ادارے ناسا نے بتایا ہے کہ ہر دو سال بعد مشتری، زمین اور سورج ایک سیدھ میں آ جاتے ہیں۔ اس ترتیب میں زمین، مشتری اور سورج کے درمیان میں ہوتی ہے۔ ان دنوں ایک بار پھر تینوں ایک سیدھ میں آنے جا رہے ہیں اور مئی کا پورا مہینہ مشتری زمین کے قریب ترین رہے گا۔

ناسا کے مطابق رواں ہفتے مشتری کا زمین سے فاصلہ صرف 66 کروڑ کلومیٹر رہ جائے گا،اور اس کے بعد بتدریج اس میں اضافہ ہونا شروع ہو جائے گا۔ اس وقت تینوں ایک سیدھ میں ہیں اور زمین کا مشتری سے فاصلہ کم ترین ہے۔دو سال قبل جب مشتری اس پوزیشن میں آیا تھا، اس کی نسبت رواں سال 80 لاکھ کلومیٹر مزید زمین کے قریب ہو گا اور ان دونوں سیاروں میں اتنی قربت کئی سالوں کے بعد ہونے جا رہی ہے۔میلبورن یونیورسٹی کی ماہر فلکیات تانیا ہل کا کہنا ہے کہ جب مشتری سورج کے بالکل مخالف سمت میں آتا ہے تو ان دونوں کی زمین کے ساتھ یہ پوزیشن ہوتی ہے کہ تینوں سیدھ میں آ جاتے ہیں۔ اس سال مشتری سیدھ میں آنے کے بعد جتنا بڑا اور روشن نظر آ رہا ہے، کئی سالوں سے اتنا نہیں ہوا۔

Electrolux