... loading ...
... loading ...
معاون خصوصی وزیراعظم برائے ریونیو ہارون اختر نے کہاہے کہ حکومت مالی خسارہ کو 8.2فیصد کو کم کر کے 5.3فیصد تک لے آئی ہے ، اگر مالی خسارہ چار فیصد تک لانے کی کوشش کی گئی تو جی ڈی پی پیچھے جاسکتا ہے، دیکھنا ہوگا کہ روپیہ اپنی قدر مستحکم رکھ سکتا ہے یا نہیں، حکومت صحیح معاشی سمت میں چل رہی ہے ایمرجنسی کی کوئی ضرورت نہیں ہے، تھیوری کے بجائے زمینی حقائق پر مبنی معاشی پالیسی بنانا ہو گی۔ میزبان شاہزیب خانزادہ نے تجزیہ پیش کرتے ہوئے کہا کہ نگراں وزیراعظم کی تلاش ابھی تک جاری ہے نواز شریف کا نگراں وزیراعظم کا نام تجویز کرنے سے دستبرداری کا مقصد آصف علی زرداری کو منانا ہے سینئر تجزیہ کاربی این پی نے کہا کہ تحریک انصاف نگراں وزیراعظم کے لیے نام قبول کرے یا نہ کرے اس کا مرکز میں اثر نہیں ہوگا البتہ پنجاب میں پڑسکتا ہے۔ پیپلز پارٹی نے نگراں وزیراعظم کے لیے ن لیگ کی طرف سے دیئے گئے نام مسترد کردیئے تھے، پیپلز پارٹی ان ناموں پر کسی صورت اتفاق کے لیے تیار نہیں تھی، پیپلز پارٹی اورن لیگ میں حالیہ دنوں میں ایک بڑی مس انڈراسٹینڈنگ ہوئی، اسلام آباد میں پیپلز پارٹی اور ن لیگ میں سینیٹ الیکشن سے دو دن پہلے اتفاق ہوا تھا کہ چیئرمین سینیٹ کے لیے رضا ربانی دونوں پارٹیوں کے متفقہ امیدوار ہوں گے، یہ بھی طے پایا تھا کہ ن لیگ کی طرف سے یہ نام لیک نہیں کیا جائے گا تاکہ رضا ربانی کا نام متنازع نہ ہو، لیکن ن لیگ کی قیادت نے پوائنٹ اسکورنگ کے لیے پہلے ہی رضا ربانی کا نام دیدیا ، اس واقعہ کے بعد پیپلز پارٹی اور ن لیگ کے درمیان ڈیڈ لاک ہوگیا تھا، ن لیگ کی ایک بہت اہم شخصیت اس غیر رسمی اتفاق رائے میں ضامن تھی جس کی وجہ سے اس کی ساکھ متاثر ہوئی، کچھ دنوں پہلے انہوں نے دوبارہ پیپلز پارٹی سے رابطہ کیا اور کہا کہ ہم سے پہلے جو غلطی ہوئی دوبارہ نہیں کریں گے اب آپ نگراں وزیراعظم کے لیے نام لے آئیں ہم نام نہیں دیتے تاکہ اتفاق رائے ہوجائے۔
حامد میر نے بتایا کہ فی الحال آصف زرداری اور نواز شریف کی سطح پر کوئی رابطہ نہیں ہے، ن لیگ کی اہم شخصیت نے فریال تالپور سے رابطہ قائم کیا لیکن انہوں نے اس حوالے سے بات کرنے سے انکار کردیا، اب تمام معاملہ خورشید شاہ اور شاہد خاقان عباسی کے درمیان چل رہا ہے، دونوں نے کچھ نام غیررسمی طور پر ایک دوسرے سے شیئر کیے ہیں۔ میزبان شاہزیب خانزادہ نے تجزیہ پیش کرتے ہوئے کہا کہ، حکومت اور اپوزیشن مل کر نگراں حکومت کا انتخاب کریں گے، کس کا انتخاب کریں گے اور کب تک کریں گے یہ واضح نہیں مگر فیصلہ وزیراعظم اور اپوزیشن لیڈر نے اتفاق رائے سے کرنا ہے،حکمراں جماعت نے نگراں وزیراعظم کے لیے نام تجویز نہ کرنے کا فیصلہ کیا ہے، نجی چینلز و اخبار میں شائع ہونے والی اعزاز سید کی خبر کے مطابق ن لیگ نے نگراں وزیراعظم کے لیے نام تجویز نہ کرنے کا فیصلہ کرتے ہوئے اپنا یہ اختیار پیپلز پارٹی کو دیدیا ہے، یوں اب اتفاق رائے سے نگراں وزیراعظم کی تقرری میں بظاہر کوئی رکاوٹ نہیں دکھائی دے رہی ہے کیونکہ پیپلز پارٹی جو نام دے گی ن لیگ اس پر اتفاق کرے گی، خبر کے مطابق وزیراعظم شاہد خاقان عباسی نے نواز شریف کا پیغام ملنے کے بعد گیارہ اپریل کو ہونے والی ملاقات میں اپوزیشن لیڈر خورشید شاہ کو بتادیا تھا کہ حکومت نگراں وزیراعظم کے لیے نام تجویز نہیں کرے گی، نواز شریف کا نگراں وزیراعظم کا نام تجویز کرنے سے دستبرداری کا مقصد آصف علی زرداری کو منانا ہے۔
خورشید شاہ نے پارٹی قیادت سے منظوری کے بعد تحریک انصاف سمیت دیگر اپوزیشن جماعتوں سے مل کر نگراں وزیراعظم پر غور کیا اور بتایا جاتا ہے اپوزیشن نے کچھ ناموں کو حتمی شکل دیدی ہے، ن لیگ کے سینئر رہنما پرویز رشید نے تصدیق کی ہے کہ ن لیگ نام تجویز کرنے کے اپنے اختیار سے دستبردار ہوگئی ہے، خبر کے مطابق نواز شریف چاہتے ہیں کہ نگراں وزیراعظم کے لیے فیصلہ سیاسی جماعتیں کریں کیونکہ وہ جانتے ہیں کہ پیپلز پارٹی ان کے پیش کردہ ناموں پر اتفاق نہیں کرے گی، پیپلز پارٹی راضی نہ ہوئی تو معاملہ الیکشن کمیشن کے پاس چلا جائے گا جبکہ نواز شریف نہیں چاہتے کہ معاملہ الیکشن کمیشن تک جائے تو اس لیے انہوں نے سیاسی اتفاق رائے کے لیے اپنا نام تجویز نہ کرنے کا فیصلہ کیا۔ شاہزیب خانزادہ نے بتایا کہ اس حوالے سے ہم نے ن لیگی رہنما پرویز رشید سے رابطہ کیا تو انہوں نے کہا کہ پہلے مرحلہ میں دیکھیں گے کہ پیپلز پارٹی کون سے نام سامنے لاتی ہے، اگر نام ٹھیک نہ لگے تو پھرن لیگ اپنے نام سامنے لائے گی،یہ ایک اہم فیصلہ ہے کیونکہ اس طرح وفاق کی حدتک حکومت اور اپوزیشن نگراں وزیراعظم لے آئیں گے، مگر کیا تحریک انصاف اس بات پر مان جائے گی، نگراں وزیراعظم کے لیے تحریک انصاف کی جانب سے بھی کچھ نام سامنے آئے ، مگر اس کے بعد پیپلز پارٹی اور تحریک انصاف میں سخت بیانات کا تبادلہ ہوا، تحریک انصاف کے رہنما نعیم الحق نے سابق چیف جسٹس جسٹس تصدق جیلانی، سابق گورنر اسٹیٹ بینک ڈاکٹر عشرت حسین کے نام پر اتفاق کا دعویٰ کیا، اس بیان کے بعد اپوزیشن لیڈر خورشید شاہ نے مشاورت کے بغیر نام سامنے لانے پر تحریک انصاف کو تنقید کا نشانہ بنایا، خورشید شاہ نے الزام لگایا کہ تحریک انصاف نگراں وزیراعظم سامنے آنے والے نام کو متنازع بنانا چاہتی ہے۔ شاہزیب خانزادہ نے تجزیے میں مزید کہا کہ الیکشن کمیشن حلقہ بندیوں پر اعتراضات سن رہا ہے، یہ سلسلہ چار مئی تک جاری رہے گا جس کے بعد نئی حلقہ بندیوں کا حتمی نوٹیفکیشن جاری کیا جائے گا لیکن اس نوٹیفکیشن کی وجہ سے الیکشن کے مقررہ وقت پر انعقاد پر شبہات پیدا ہورہے ہیں، اس حوالے سے قومی اسمبلی اپوزیشن لیڈر خورشید شاہ نے قانونی نکتہ اٹھایا ہے، گزشتہ روز صحافیوں سے گفتگو میں ان کا کہنا تھا کہ انتخابی اصلاحات ایکٹ کے تحت حلقہ بندیاں مکمل ہونے کے 120دن میں الیکشن ہونے چاہئیں ، آئین کے مطابق اسمبلی کی مدت مکمل ہونے کے 60دن میں الیکشن ہونا ہے۔
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...
بانی چیئرمین پی ٹی آئی نے چیف جسٹس سپریم کورٹ کے نام خط لکھ دیا جس میں تحریک انصاف کے کارکنوں پر ریاستی ظلم کی نشاندہی اور انصاف کی فراہمی کا مطالبہ کیا ہے۔ آخری پیراگراف میں چیف جسٹس کو یاد دہانی کروائی کہ وہ اپنے ریفرنس میں عدالت میں کھڑے آئین پاکستان کی کتاب پکڑی تھی،چیف جسٹس ...
امریکا نے پاکستان کے میزائل پروگرام کے لیے سامان فراہم کرنے کے الزام میں 4 کمپنیوں پر پابندی عائد کردی۔پاکستان کے بیلسٹک میزائل پروگرام کے لیے سامان فراہم کرنے کے الزام میں 3 چینی اور بیلا روس کی ایک کمپنی پر پابندیاں عائد کیں۔امریکی محکمہ خارجہ کے ترجمان متھیو ملر کی جانب سے جار...
ملک بھر میں ہونے والے ضمنی انتخابات میں سکیورٹی کے سخت انتظامات کا فیصلہ کر لیا گیا۔وفاقی حکومت نے ضمنی انتخابات میں سول آرمڈ فورسز اور پاک آرمی کے دستے تعینات کرنے کی منظوری دے دی۔وفاقی حکومت کی جانب سے منظوری کے بعد وزارت داخلہ نے سول آرمڈ فورسز اور پاکستان آرمی کے دستے تعینا...
