... loading ...
کامران اکمل نے پی ایس ایل ٹو اور تھری میں سنچریاں بنائی ہیں پاکستان سپر لیگ کھیلنے والے دو بھائی کامران اکمل اور عمر اکمل مختلف نوعیت کی کارکردگی دکھانے کے باوجود ایک جیسی صورتحال سے دوچار ہیں اور وہ یہ ہے کہ دونوں کی فوری طور پر پاکستانی ٹیم میں واپسی یقینی دکھائی نہیں دیتی۔کامران اکمل نے گذشتہ سال کی طرح اس سال بھی پشاور زلمی کی طرف سے کھیلتے ہوئے شاندار بیٹنگ کا مظاہرہ کیا ہے اور پشاور زلمی پلے آف کے لیے کوالیفائی کرنے میں کامیاب ہو گئی ہے۔
دوسری جانب لاہور قلندر کی ٹیم گذشتہ دو سال کی طرح اس بار بھی پوائنٹس ٹیبل پر سب سے آخری نمبر پر آئی ہے اور اس کی مایوس کن کارکردگی میں جہاں کئی دوسرے اسباب نمایاں رہے ہیں وہاں ایک بڑی وجہ مرکزی بیٹسمین کے طور پر عمر اکمل کی غیرتسلی بخش بیٹنگ بھی ہے۔
عمراکمل پہلی پی ایس ایل میں سب سے زیادہ رنز بنانے والے بیٹسمین تھے لیکن اگلے دونوں ایونٹس میں وہ بری طرح ناکام رہے ہیں۔عمراکمل کی مایوس کن بیٹنگ کا اندازہ اس بات سے لگایا جا سکتا ہے کہ پانچ میچوں میں صرف 64 رنز بنانے کے بعد وہ نہ صرف اگلے میچوں کے لیے ٹیم سے ڈراپ کر دیے گئے بلکہ انہیں بینچ پر بھی نہیں بٹھایا گیا۔لاہور قلندر کی ٹیم منیجمنٹ اگرچہ اپنے بیانات اور انٹرویوز میں عمراکمل کو مکمل سپورٹ کر رہی ہے لیکن کپتان برینڈن میک کولم نے عمراکمل کے بارے میں اپنے خیالات کا اظہار کھل کر کیا ہے۔پہلے ایک ویب سائٹ کو دیے گئے انٹرویو میں برینڈن میک کولم نے عمر اکمل کو ایک پیچیدہ شخص قرار دیا اور اس کے بعد لاہور قلندر کی آخری پریس کانفرنس میں ان کا کہنا تھا کہ اگر آپ مجھ سے ایمانداری سے پوچھیں تو عمر اکمل میں بے پناہ ٹیلنٹ موجود ہے لیکن کچھ مسائل بھی ان کے ساتھ ساتھ رہے ہیں۔انہیں پی ایس ایل کے آخری پانچ میچوں میں نہ کھلانے کا سبب ان کی کارکردگی میں مستقل مزاجی کا فقدان تھا۔برینڈن میک کولم کا یہ بھی کہنا ہے کہ کامران اکمل نے لاہور قلندر کے خلاف جو شانداراننگز کھیلی عمرا کمل کو اپنے بھائی سے سیکھنا چاہیے۔
صرف برینڈن میک کولم ہی نہیں بلکہ ہر شخص عمراکمل کے کریئر میں آنے والے اتارچڑھاؤ اور ان کی ذات سے منسلک تنازعات پر حیران ہے کہ کس طرح یہ تمام چیزیں ان کے ٹیلنٹ پر حاوی ہوتی چلی گئی ہیں۔یہ اسی کا نتیجہ ہے کہ آج وہ پاکستانی ٹیم سے باہر ہیں اور فرنچائز کرکٹ میں بھی ان کا اپنا کپتان ان کی کارکردگی سے مطمئن نہیں ہے۔
عمراکمل کے برعکس کامران اکمل نے گذشتہ سال کی طرح اس سال بھی پاکستان سپر لیگ میں اب تک سب سے زیادہ رنز بنائے ہیں اور پشاور زلمی کے کپتان ڈیرن سیمی ان کی اس شاندار کارکردگی کے زبردست معترف دکھائی دیتے ہیں۔ڈیرن سیمی اپنی گفتگو میں مصباح الحق کی وہ بات دوہراتے ہیں جو انہوں نے کچھ عرصہ قبل ان سے کہی تھی کہ عمران خان کو اپنے ہر کھلاڑی کی صلاحیت کا بخوبی اندازہ ہوتا تھا اور انہوں نے کبھی بھی اپنے میچ ونر کرکٹر کو ٹیم سے ڈراپ نہیں کیا تھا۔ڈیرن سیمی کہتے ہیں کہ کامران اکمل ایک میچ ونر کرکٹر ہیں اور جب آپ زبردست پرفارمنس دیتے ہیں تو آپ سلیکٹرز کی نظروں میں ہوتے ہیں۔
تاہم پاکستانی ٹیم کے ہیڈ کوچ مکی آرتھر کامران اکمل کے بارے میں بالکل مختلف سوچ رکھتے ہیں اور ان کا کہنا ہے کہ ہماری نوجوان ٹیم ہے ہم مستقبل کی طرف دیکھ رہے ہیں اور سب سے اہم سوال یہ ہے کہ سرفراز احمد کے ہوتے ہوئے کامران اکمل کہاں فیلڈنگ کریں گے؟مکی آرتھر کی یہ بات اس لیے بھی وزن رکھتی ہے کہ کامران اکمل کو ڈومیسٹک کرکٹ میں شاندار پرفارمنس پر سلیکٹرز نے گذشتہ سال ویسٹ انڈیز کے دورے کے لیے ٹیم میں شامل کیا تھا لیکن اس دورے میں وہ تینوں ون ڈے اور چاروں ٹی ٹوئنٹی میچوں میں قابل ذکر کارکردگی نہیں دکھا سکے تھے۔تین ون ڈے میچوں میں انہوں نے 47، 21 اور صفر اسکور کیا تھا جبکہ ٹی ٹوئنٹی میں ان کے بنائے گئے رنز 22۔ صفر۔ 48 اور 20 تھے جبکہ سرفراز احمد کی موجودگی میں وہ فیلڈر کی حیثیت سے کھیلتے ہوئے خاص تاثر چھوڑنے میں کامیاب نہیں ہو سکے تھے۔
کنٹونمنٹ بورڈ کلفٹن کی حدود میں ڈرفٹنگ کرنا نوجوان کو مہنگا پڑ گیا۔۔کراچی کے خیابان بخاری پر مہم جوئی کرنے والے منچلے کو پولیس نے حوالات میں بند کردیا پولیس کے مطابق نوجوان نے نئی تعمیر شدہ خیابان بخاری کمرشل پر خوفناک انداز میں کار دوڑائی ۔ کار سوار کے خلاف مقدمہ درج کر کے لاک ا...
ایف آئی اے امیگریشن نے کراچی ائرپورٹ پر کارروائی کرتے ہوئے سگریٹ۔ اور تمباکو سے منسلک دیگر مصنوعات اسمگل کرنے کی کوش ناکام بنا دی ۔۔سعودی عرب جانے والے دو مسافروں کو طیارے سے آف لوڈ کردیا گیا ۔۔ ملزمان عمرے کے ویزے پر براستہ یو اے ای ریاض جا رہے تھے۔ ملزمان نے امیگریشن کلیرنس کے ...
متحدہ عرب امارات میں طوفانی ہواں کے ساتھ کئی گھنٹے کی بارشوں نے 75 سالہ ریکارڈ توڑدیا۔دبئی کی شاہراہیں اور شاپنگ مالز کئی کئی فٹ پانی میں ڈوب گئے۔۔شیخ زید روڈ پرگاڑیاں تیرنے لگیں۔دنیا کامصروف ترین دبئی ایئرپورٹ دریا کا منظر پیش کرنے لگا۔شارجہ میں طوفانی بارشوں سیانفرا اسٹرکچر شدی...
کراچی میں بچوں کے سب سے بڑے سرکاری اسپتال میں بیڈز ۔ ڈرپ اسٹینڈ اور دیگر طبی لوازمات کی کمی نے صورتحال سنگین کردی۔ ایک ہی بیڈ پر بیک وقت چار چار بچوں کا علاج کیا جانے لگا۔قومی ادارہ برائے صحت اطفال میں بیمار بچوں کے لیے بیڈز کی قلت کے سبب ایک ہی بیڈ پر ایمرجنسی اور وارڈز میں 4 او...
سندھ حکومت کاصوبے بھرمیں کچی آبادیوں کی گوگل میپنگ کا فیصلہ، مشیرکچی آبادی سندھ نجمی عالم کیمطابقمیپنگ سے کچی آبادیوں کی حد بندی کی جاسکے گی، میپنگ سے کچی آبادیوں کا مزید پھیلا روکا جاسکے گا،سندھ حکومت نے وفاق سے کورنگی فش ہاربر کا انتظامی کنٹرول بھی مانگ لیا مشیر کچی آبادی نجمی ...
جماعت اسلامی نے شہر میں جاری ڈاکو راج کیخلاف ہفتہ 20اپریل کو تمام ایس ایس پی آفسز کے گھیراو کا اعلان کردیا۔نومنتخب امیرجماعت اسلامی پاکستان حافظ نعیم الرحمن کی ہدایت پر کراچی میں اسٹریٹ کرائم بڑھتی واردتوں اور ان میں قیمتی جانی نقصان کیخلاف بدھ کو کراچی پریس کلب پر احتجاجی مظاہرہ...
کور کمانڈرز کانفرنس کے شرکاء نے بشام میں چینی شہریوں پر بزدلانہ دہشتگردانہ حملے اور بلوچستان میں معصوم شہریوں کے بہیمانہ قتل ،غزہ میں انسانی حقوق کی سنگین خلاف ورزیوں، جنگی جرائم اور نسل کشی کی مذمت ،مشرقِ وسطیٰ میں بڑھتی کشیدگی پر سخت تشویش کا اظہار کرتے ہوئے کہاہے کہ اگر فریقین...
پاکستان تحریک انصاف کے چیئرمین بیرسٹر گوہر خان نے کہا ہے کہ بانی پی ٹی آئی سے ملاقات ایسے کمرے میں کروائی گئی جہاں درمیان میں شیشے لگائے گئے تھے۔ رکاوٹیں حائل کرنے کی مذمت کرتے ہیں۔بانی پی ٹی آئی نے کہا لگ رہا ہے ملک ٹوٹ رہا ہے۔ عمران خان نے بہاولنگر واقعے کی شدید مذمت کرتے ہوئ...
رمضان المبارک میں تیل میں پکے پکوان اور عید کی دعوتوں میں مرغن عذا کے سبب کراچی میں ڈائریا کے کیسز میں اضافہ ہوگیا۔ جناح اسپتال میں عید سے اب تک ڈائریا کے تین سو سے زائد مریض رپورٹ ہوچکے ہیں کراچی میں رمضان کے بعد سے ڈائریا کے کیسز میں معمول سے 10فیصد اضافہ ہوگیا ڈاکٹروں نے آلودہ...
وزیر اعلی خیبر پختونخوا علی امین گنڈاپور نے کہا ہے کہ نیا تجربہ کرنے والے ایک دن بے نقاب ہوں گے، بانی پی ٹی آئی کے کیسز جعلی ہیں اور یہ نظام آئے روز بے نقاب ہورہا ہے۔وزیر اعلی خیبر پختونخوا علی امین گنڈاپور نے راولپنڈی میں عدالت کے باہر میڈیا سے گفتگو کرتے ہوئے کہا کہ ہم عدلیہ کا...
اقوام متحدہ کی سلامتی کونسل کے اجلاس میں اسرائیل اور امریکا کے مندوبین نے تلخ تقاریر کیں اور ایران کو سنگین نتائج بھگتنے کی دھمکیاں دیں جس کے جواب میں ایران نے بھی بھرپور جوابی کارروائی کا عندیہ دیا۔عالمی خبر رساں ادارے کے مطابق ایران کے اسرائیل پر حملے کے بعد اقوام متحدہ کی سلام...
جی-7ممالک کے ہنگامی اجلاس میں رکن ممالک کے سربراہان نے ایران کے حملے کے جواب میں اسرائیل کو اپنی مکمل حمایت کی پیشکش کرتے ہوئے ایران پر مزید پابندیاں عائد کرنے کا فیصلہ کیا ہے۔عالمی خبر رساں ادارے کے مطابق ایران کے اسرائیل پر حملے کے بعد جی-7 ممالک امریکا، جاپان، جرمنی، فرانس، بر...