اٹلی کی عمررسیدہ خاتون کی موت کے بعد جمیکا کی ویولٹ براؤن عمررسیدہ زندہ شخصیت بن گئیں

پیر 17 اپریل 2017 اٹلی کی عمررسیدہ خاتون کی موت کے بعد جمیکا کی ویولٹ براؤن عمررسیدہ زندہ شخصیت بن گئیں

کرہ ارض پر سب سے زیادہ عمر رسیدہ دس زندہ شخصیات کی فہرست میں سب خواتین شامل ہیں

اٹلی کی ایما مورینوکی117برس کی عمر میں موت کے بعد جمیکا کی 10مئی1900میں پیدا ہونے والی ویولٹ براؤن اب دنیا کی سب سے زیادہ عمررسیدہ زندہ شخصیت بن گئی ہیں۔یہ بات گیرون ٹولوجی ریسرچ گروپ (جی آر جی) نے کہی ہے۔ امریکا میں قائم گروپ کے مطابق کرۂ ارض پر 10عمر رسیدہ زندہ شخصیات کی فہرست میں سب کی سب خواتین شامل ہیں۔ فہرست کے مطابق جاپان اور اٹلی کی خواتین سرفہرست ہیں جبکہ عمر رسیدہ ترین مرد113برس کی عمر کے ساتھ16ویں نمبر پر ہے۔ تفصیلات کے مطابق جمیکا کی ویولٹ براؤن ( 117برس 37دن) سب سے عمر رسیدہ خاتون ہے۔ان کے بعد جاپان کی نبی تجیما ( 116 برس ، 255دن ) ہیں ۔ پھر جاپان کی ہی شیو میاکو(115برس 349 دن)کا نمبر آتا ہے۔اُن کے بعد علی الترتیب اسپین کی ایناماریاویلا روبیو(115 برس 169دن)اٹلی کی میری جوزفین گواڈیٹے( 115 برس 22دن )اٹلی کی ہی گیسی پینا پروجیٹو(114برس 321 دن )جاپان کے کین تاناکا(114 برس 104 ددن ) اٹلی کی ماریہ گیوسیپا روبوسی (114 برس 27دن)جاپان کی ایسوناکامورا( 113 برس 358دن)جاپان کی ہی تائی ایتو(113 برس 279دن )کے نام عمررسیدہ خواتین کی فہرست میں آتے ہیں۔