... loading ...
... loading ...
امریکا اور شمالی کوریا کے درمیان کشیدگی میں اضافے اور امریکا کی جانب سے اپنا بحری بیڑہ جزیرہ نما کوریا کی جانب روانہ کے
واشنگٹن نے اپناطیارہ بردار بحری بیڑہ کارل ونسن جزیر نما کوریا کی جانب روانہ کردیا جبکہ چین نے بھی ڈیڑھ لاکھ فوجی بھیج دے‘ روس کی جانب سے شام کی مکمل حمایت کے باوجود الشعیرات ائر بیس پرحملہ کرکے یہ پیغام دیاہے کہ امریکاکسی کو خاطر میں لانے کے موڈ میں نہیں
جانے کے بعد اب چین نے بھی کسی بھی ناخوشگوار صورتحال سے نمٹنے اور امریکا کی جانب سے جارحیت کے ارتکاب کی صورت میں شمالی کوریا کادفاع کرنے کی لیے اپنے ڈیڑھ لاکھ فوجی شمالی کوریا بھیج دیے ہیں جنہیں ممکنہ طورپر دریائے یالو کے قریب تعینات کیاجائے گا۔امریکا کی جانب سے کسی بھی ملک پر حملے کے لیے استعمال کیے جانے والے کارل ونسن نامی طیارہ بردار بحری جہاز اس خطے میںبھیجے جانے کے بعداب چین کی بحریہ اور فضائیہ نے بھی شمالی کوریا پر کسی بھی امریکی حملے کاجواب دینے کے لیے تیاریاں شروع کردی ہیں۔اس طرح یہ کہاجاسکتاہے کہ اس خطے میں جنگ کی پوری تیاری ہوچکی ہے اور دونوں فریق کسی بھی جانب سے پہل کا انتظار کررہے ہیں۔
ڈیلی میل کی رپورٹ کے مطابق امریکا کے صدر ڈونلڈ ٹرمپ کے حکم پر 7 اپریل کو شام پر میزائل حملوں کو شمالی کوریا کے لیے ایک وارننگ تصور کیاجارہاہے ، اور صدر ڈونلڈ ٹرمپ نے روس کی جانب سے شام کی مکمل حمایت کے باوجود شام کے الشعیرات کیمپ پر وحشیانہ انداز میں میزائل برسا کر یہ پیغام دیاہے کہ امریکا کسی بھی ملک کے خلاف اس طرح کی کارروائی کرسکتاہے اور اس طرح کی کارروائی کرتے ہوئے اس بات کو قطعی خاطر میںنہیں لائے گا کہ امریکی ہدف کی حمایت میں کون کھڑا ہے۔
کوریا کی چوژن ڈاٹ کام کی رپورٹ کے مطابق چین نے امریکا کے کسی بھی فضائی حملے کی صورت میں زخمیوں کو فوری طبی امداد بہم پہنچانے کے لیے فوج کی میڈیکل ٹیمیں عارضی ہسپتالوں کے قیام کے تمام لوازمات اور ضروری دوائیں وغیرہ بھی دریائے یالو کے قریب پہنچادی ہیں۔مبصرین کاکہناہے کہ چین کی جانب سے تیزی کے ساتھ کی جانے والی اس کارروائی کا مقصد امریکا کے صدر ڈونلڈ ٹرمپ پر یہ واضح کرنا ہے کہ شمالی کوریا شام نہیں ہے اور اگر امریکا نے شمالی کوریا پر حملے کی کوشش کی تو اسے شام کی طرح میدان کھلا نہیں ملے گا بلکہ اسے شمالی کوریا پر حملہ لوہے کے چنے چبانے کے مترادف ثابت ہوگا۔
شمالی کوریا کی نیوز ایجنسی کی رپورٹ کے مطابق چین نے شمالی کوریا جو فوج بھیجی ہے اس کے پاس امریکی حملے کی صورت میں بے گھر لوگوں کو فوری طورپر محفوظ علاقوں میں منتقل کرنے اور زخمیوں کو فوری طبی امداد بہم پہنچانے کے تمام انتظامات موجود ہیں۔
دوسری طرف شمالی کوریا کی جانب سے میزائلوں کے مزید تجربات کے بعد امریکی بحریہ نے امریکا کا کسی بھی ملک پر حملے میں استعمال کیا جانے والا طیارہ بردار جہاز کارل ونسن جو سنگاپو ر میں لنگر انداز تھا اور اسے پروگرام کے مطابق آسٹریلیا کی جانب روانہ ہونا تھا ،اب آسٹریلیا کا دورہ ملتوی کرکے اسے شمالی کوریا کی جانب روانہ کردیا گیاہے اور امریکا کی اس دھمکی کے بعد کہ وہ پیانگ یانگ کے ایٹمی اسلحہ کے پروگرام کو بزور طاقت بند کرادے گا، چین کے ایٹمی معاملات سے متعلق اعلیٰ ترین ایلچی اورمذاکرات کار شمالی کوریا کو لاحق خطرات کے پیش نظر صورت حال کاجائزہ لینے اور جنوبی کوریا کی قیادت سے ایٹمی امور پر بات چیت کے لیے گزشتہ روز سیول پہنچ گئے ہیں۔
اس صورتحال کے ساتھ ہی یہ قیاس آرائیاں بھی گردش کررہی ہیں کہ شمالی کوریا اپنے ملک کے بانی قائد کی 105 ویں سالگرہ کی تقریبات کے موقع پر ہی ایٹمی اسلحہ اور میزائل کے مزید تجربات کرے گا جبکہ شمالی کوریا کی جانب سے میزائل کے مزید تجربات اس وقت کی صورتحال میں جلتی پر تیل ڈالنے اور امریکا کے صدر ڈونلڈ ٹرمپ کا منہ چڑا کر انہیںمزید مشتعل کرنے کے مترادف ثابت ہوگا۔
شمالی کوریا کے علاقے میں یہ سنگین صورت حال ایک ایسے وقت پیدا ہوئی ہے جب امریکا کے صدر ڈونلڈ ٹرمپ نے چین کے رہنما ژی جن پنگ سے گزشتہ روز ملاقات کی تھی اور اس ملاقات میں ان پر زور دیاتھا کہ وہ شمالی کوریا کو ایٹمی اسلحہ اور میزائل کے تجربات سے روکنے کے لیے اپنا کردار ادا کریں۔
چین کی جانب سے شمالی کوریا پرامریکا کے ممکنہ حملے کی صورت میں شمالی کوریا کا دفاع کرنے اور امریکا کے خلاف شمالی کوریا کو فوجی مدد پہنچانے کے لیے کیے جانے والے ان اقدامات کا امریکا نے سنجیدگی سے نوٹس لیا ہے جس کا اظہار امریکی وزیر خارجہ ریکس ٹلر سن کی جانب سے ڈونلڈ ٹرمپ اور چین کے قائد ژی جن پنگ کے درمیان دوبدو ملاقات کے بعد اپنے ایک بیان میں کیاگیا ہے، امریکی وزیر خارجہ ٹلرسن نے اس امریکا چین سربراہ ملاقات کے بعد اپنے بیان میں کہاتھا کہ اگر چین نے شمالی کوریا کے مسئلے پر امریکا کے ساتھ تعاون نہ کیاتو پھر ہم اپنے طورپر اپنے پروگرام پر عمل کرنے کو پوری طرح تیار ہیں اور خود اپنی راہ بنالیں گے۔تاہم اس کے ساتھ ہی انہوں نے اپنے بیان میں یہ بھی اشارہ دیاتھا کہ چین نے اس معاملے میں معاونت کرنے پر آمادگی کا اظہار کیاتھا ،ٹلر سن نے اپنے بیان میں کہاتھا کہ ہم انہیں اس حوالے سے کارروائی کرنے کے لیے وقت دینے کوتیار ہیں۔اس کے ساتھ ہی امریکی وزیر خارجہ ٹلرسن نے یہ بھی واضح کیاتھا کہ امریکا شمالی کوریا کے صدر کم جونگ ین کی حکومت کو ختم نہیں کرنا چاہتا۔
ایک طرف چین شمالی کوریا کی مدد کے لیے اپنی فوجیں اورسازوسامان شمالی کوریا پہنچارہاہے تو دوسری طرف جنوبی کوریا نے بھی امریکا کے ساتھ فوجی مشقیں شروع کردی ہیں جنہیں معمول کی سالانہ فوجی مشقوں کانام دیاگیاہے لیکن عالمی مبصرین ان مشقوں کو شمالی کوریا کے خلاف حملوں کی تیاری قرار دے رہے ہیں۔
واضح رہے کہ شمالی کوریا ایسے دورمارمیزائل تیار کرنے کی کوشش کررہاہے جو امریکا کے قلب کو نشانہ بناسکے اور جو ایٹمی اسلحہ لے جانے کی صلاحیت بھی رکھتاہو۔اس کوشش میں کامیابی حاصل کرنے کے لیے وہ گزشتہ سال سے اب تک میزائلوں کے 5 تجربات کرچکا ہے۔ مصنوعی سیاروں سے ملنے والی اطلاعات کے مطابق اب شمالی کوریا اپنے چھٹے میزائل کے تجربے کی تیاری کررہا ہے جبکہ امریکی انٹیلی جنس حکام نے متنبہ کیاہے کہ پیانگ یانگ دو سال سے بھی کم عرصے میں امریکا کو نشانہ بنانے کی صلاحیت حاصل کرلے گا۔
چین ،امریکا ، جنوبی کوریا اور جاپان نے شمالی کوریا کے مسئلے پر بات چیت کے لیے اپنے مستقل نمائندے مقرر کررکھے ہیں جو اس مسئلے پر وقتاً فوقتاً ملاقاتیں اور مذاکرات کرتے رہتے ہیں۔4 ملکوں کے یہ سفیر دراصل 6 ملکوں کے مذاکراتی گروپ کاحصہ ہیں جس میں شمالی کوریااور روس بھی شامل ہیں ۔
اقوام متحدہ کی قراردادوں کے ذریعہ شمالی کوریا پر بیلسٹک میزائل کی ٹیکنالوجی استعمال کرنے پر پابندی عاید کردی گئی تھی لیکن اس پربار بار لگائی جانے والی پابندیوں اوران پابندیوں میں کی جانے والی سختیوں کے باوجود اسے ایٹمی اسلحہ کی تیاری کاپروگرام ترک کرنے یا اس پر عمل کو روکنے میں مو¿ثر ثابت نہیں ہوسکاہے۔بعد ازاں امریکا کے صدر ڈونلڈ ٹرمپ نے گزشتہ روز شمالی کوریا کے خلاف یکطرفہ کارروائی کرنے کی دھمکی دی تھی اور شام کے الشعیرات فوجی اڈے پر امریکی حملے کو اس دھمکی کو عملی جامہ پہنانے کاایک اشارہ یا انتباہ قرار دیاجارہاہے۔
امریکا کے قومی سلامتی کے مشیر ایچ آر مک کاسٹر نے گزشتہ روز ایک بیان میں شمالی کوریا پر شدید تنقید کرتے ہوئے اسے سرکش مملکت قرار دیا تھا اور اس کے رویے کو اشتعال انگیز قرار دیتے ہوئے کہا تھا کہ جزیرہ نما کوریا کے خطے کو غیر ایٹمی خطہ بنایاجانا چاہیے۔ امریکی ٹیلی ویژن فاکس نیوز پر نشر ہونے والے اپنے بیان میں انہوںنے یہ بھی بتایا تھا کہ صدر ڈونلڈ ٹرمپ نے انہیں اس خطرے کوختم کرنے کے لیے کوئی بھی طریقہ استعمال کرنے کی کھلی چھوٹ دیدی ہے۔
ادھر شمالی اور جنوبی کوریا کو متحد کرنے سے متعلق امور کے وزیر ہانگ یانگ پیو نے گزشتہ روز اپنے بیان میں اس خطے میں فوجی کارروائی کے امکانات کو انتہائی تشویشناک قرار دیا تھا۔ انہوں نے کہاتھا کہ اگرچہ شمالی کوریا پر کسی بھی حملے کامقصد شمالی کوریا کو ایٹمی تجربات سے روکنا ہوگا لیکن ہمارے لیے اس طرح کے حملوں کی صورت میں اپنے عوام کی سلامتی کو یقینی بنانا ایک ایسا مسئلہ ہوگا جس نے ہمیں پریشان کرکے رکھ دیاہے۔ ماہرین کاکہناہے کہ اگرچہ شمالی کوریا پر امریکا کا کوئی مختصر ساحملہ شمالی کوریا کوایٹمی تجربات سے روکنے میں معاون ثابت ہوسکتا ہے لیکن اس سے شمالی کوریا کے شہریوں کی سلامتی کو شدید خطرات لاحق ہوں گے اور اس کے بعد ایک وسیع تر فوجی تنازع پیدا ہوجانے کے امکانات اور خدشات کو نظر انداز نہیں کیاجاسکتا۔
سیول میں پالیسی اسٹڈیز انسٹی ٹیوٹ کے ایک تجزیہ کار جیمز کم کاکہناہے کہ امریکا اپنے تمام آپشن اپنے سامنے رکھتاہے جس میں انتباہی حملے اور انتباہی حملے کے ذریعے مذاکرات کا آپشن شامل ہے ۔تجزیہ کاروں کاکہناہے کہ شمالی کوریا پرامریکا کاحملہ انتباہی ہو یا اہدافی اس سے جنگ کا دائرہ مزید وسیع ہونے اور اس میں جاپان اور چین کے کود پڑنے کے خدشات بڑھ جائیں گے۔فرانس کی خبر رساں ایجنسی اے ایف پی کے مطابق جیمز کم کاکہناہے کہ شمالی کوریا پر ممکنہ امریکی حملے کاایک پہلو تو یہ ہے کہ اس کے ذریعے شمالی کوریا کو ایٹمی تجربات سے روکنا اور ایٹمی پروگرام ترک کرنے پرمجبور کرنا ممکن ہوسکتا ہے لیکن اس سے اس پورے خطے اور خود امریکا پر انتہائی بھیانک نتائج پڑ سکتے ہیں اور اس پورے خطے اورخود امریکا کو اس حملے کا بھاری خمیازہ بھگتنا پڑسکتاہے۔
وزیراعظم شہباز شریف کو کاروباری شخصیت عارف حبیب نے معاشی استحکام کے لیے بانی پی ٹی آئی سے ہاتھ ملانے کی تجویز دے دی۔تفصیلات کے مطابق کراچی میں وزیراعظم شہباز شریف نے تاجر برادری سے گفتگو کی اس دوران کاروباری شخصیت عارف حبیب نے کہا کہ آپ نے اسٹاک مارکیٹ کو ریکارڈ سطح پر پہنچایا ...
تحریک انصاف کے رہنما لطیف کھوسہ نے نواز شریف اور شہباز شریف کے درمیان جھگڑا چلنے کا دعوی کر دیا ۔اسلام آباد ہائیکورٹ میں گفتگو کرتے ہوئے کہا کہ چھوٹے بھائی نے دھوکا دیکر نواز شریف سے وزارت عظمی چھین لی ۔ شہباز شریف کسی کی گود میں بیٹھ کر کسی اور کی فرمائش پر حکومت کر رہے ہیں ۔ ان...
غزہ میں صیہونی بربریت کے خلاف احتجاج کے باعث امریکا کی کولمبیا یونیوسٹی میں سات روزسے کلاسز معطل ہے ۔سی ایس پی ، ایم آئی ٹی اور یونیورسٹی آف مشی گن میں درجنوں طلبہ کو گرفتار کرلیا گیا۔فلسطین کے حامی طلبہ کو دوران احتجاج گرفتار کرنے اور ان کے داخلے منسوخ کرنے پر کولمبیا یونیورسٹی ...
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
