... loading ...
... loading ...
عالمی منڈی میں تیل قیمتوں میں کمی کے رجحان میں تسلسل نے تیل کی دنیا کے دو بڑے امریکی اورخلیجی بلاکس شیل اور اوپیک کو جو گزشتہ 2 سال سے تیل کی منڈی پر اجارہ داری کیلیے باہم دست وگریبان نظر آرہے تھے باہم سرجوڑنے پر مجبور کردیا۔ہیوسٹن سے ملنے والی اطلاعات کے مطابق گزشتہ ہفتہ ہیوسٹن میں اوپیک کے سربراہ امریکی شیل کمپنیوں کے حکام ایک ڈنر پر ایک ہی ٹیبل پر جمع ہوئے اور انھوں نے عالمی منڈی میں تیل کی قیمتوں میں کمی کے رجحان پر تشویش کے اظہار کے ساتھ ہی اس صورت حال سے نمٹنے کیلیے ممکنہ حکمت عملی پر کم وبیش ایک گھنٹہ غور کیا۔اطلاعات کے مطابق اس ملاقات میں دونوں گروپوں کے رہنمائوں نے اس حوالے سے باہم صلاح ومشورے جاری رکھنے اور کسی مشترکہ حکمت عملی پر غور کرنے پر بھی اتفاق کیا۔
واشنگٹن پوسٹ نے اپنی ایک رپورٹ میںدعویٰ کیا ہے کہ ہیوسٹن سے ملنے والی اطلاعات کے مطابق اوپیک یعنی ’’آرگنائزیشن آف پیٹرولیم ایکسپورٹنگ کنٹریز ‘‘ کے سیکریٹری جنر ل محمد بارکندو نے اپنے وفد کے ساتھ شیل کمپنیوں کے کم وبیش 20 اعلیٰ حکام کے ساتھ ڈنر کیا۔ ان کے اس ڈنر میں امریکا کی شیل کمپنیوں کے کم وبیش 20 اعلیٰ حکام کے علاوہ اسکاٹ شیفیلڈ آف پائنیئرنیچرل ریسورسز کمپنی کے چیف ایگزیکٹو ،ہیس کارپوریشن کے جون ہیس، چیزا پیک انرجی کے رابرٹ لائولر اورکونچو ریسورسز کے ٹم لیخ بھی شریک تھے۔اطلاعات کے مطابق اس ڈنر میں شریک تمام لوگوں سے اس ملاقات کو خفیہ رکھنے کا عہد لیاگیاتھا اور یہ وعدہ کیاگیا تھا کہ اس ملاقات میں ہونے والی بات چیت کو منظر عام پر لانے سے گریز کیاجائے گا۔
اطلاعات کے مطابق امریکا میںشیل کمپنی کے قیام میں مدد دینے والی معروف شخصیت اورتیل کی عالمی منڈی کے کرتا دھرتا مارک پاپا بھی شریک تھے،رازداری برقرار رکھنے کی غرض سے ہیوسٹن کے نواح میں واقع ایک معروف ہوٹل میں ہونے والی اس ملاقات اور ڈنر میںہیلی برٹن کمپنی کے صدر جیف ملر بھی موجود تھے۔ذرائع سے ملنے والی اطلاعات کے مطابق اس ملاقات میں اصولی طورپر اس پر اتفاق کیاگیا اوریہ بات طے پائی کہ تیل کی منڈی کو متوازن رکھنے کی کوشش کی جائے گی اور چھوٹے سرمایہ کاروں کو بھی فائدہ اٹھانے کاموقع فراہم کیاجائے گاتاکہ تیل کی کم ہوتی ہوئی قیمتوں سے سب ہی فائدہ اٹھاسکیں اور تیل پیدا کرنے والے ممالک اور تیل کے کاروبار سے منسلک سرمایہ کاروں دونوں کے مفادات کا تحفظ ہوسکے۔
اس ملاقات کے حوالے سے معلومات رکھنے والے حلقوں نے دعویٰ کیا ہے کہ اس ملاقات کے دونوں فریقوں میں مکمل افہام وتفہیم کا ماحول قائم نہیں ہوسکا کیونکہ تیل پیدا کرنے والے ممالک کی تنظیم اوپیک کے رہنما تیل کی قیمتوں میں کمی کے رجحان کو روکنے کیلیے تیل کی پیداوار میں کمی کرنے پر تیار نہیں ہوئے جبکہ شیل کمپنیوں کے عہدیداروں کااصرار تھا کہ تیل کی پیداوار میں کمی کیے بغیر عالمی منڈی میں تیل کی قیمتوں کو سنبھالا دینا ممکن نہیں ہوسکتا۔
اس ملاقات میں شریک تیل کمپنیوںپائنیئر ،چیز پیک،ہیس اور کونچو ریسورسز کے ترجمان اس ملاقات کے بارے میں کوئی تبصرہ کرنے کے حوالے سے دستیاب نہیں ہوسکے یا ملاقات سے قبل ہونے والے وعدے کو نبھانے کیلیے کچھ بولنے سے گریز کے لیے غائب ہوگئے۔اس حوالے سے ڈنر میں شریک مارک پاپا سے بھی رابطہ نہیں ہوسکا جبکہ ہیل برٹن نے اس حوالے سے کوئی بات کرنے سے صاف انکار کردیا۔اوپیک ذرائع کاکہناہے کہ امریکا کے شیل گروپ تیل کی منڈی میں مقابلے میں آنے والی نئی قوت ہے جوتیل کے روایتی سپلائیرز کے مقابلے میں زیادہ تیزی سے قیمتوں کی پیشگوئی کرتی ہے۔گزشتہ مئی سے امریکا کے شیل گروپس نے تیل کی تلاش اور تیل نکالنے کاکام تیز کردیاہے کیونکہ اس گروپ کی کوشش ہے کہ تیل کی پیداوار کو پہلی مرتبہ 9 ملین گیلن یومیہ تک پہنچادیاجائے۔
دوسری طرف توانائی سے متعلق بین الاقوامی ادارے نے گزشتہ روز یہ اعلان کیا ہے کہ وہ 2022 تک تیل کی پیداوار 1.4 ملین بیرل تک محدود رکھے گی خواہ تیل کی قیمت 60 ڈالر فی بیرل تک ہی محدود کیوں نہ ہوجائے۔توانائی سے متعلق بین الاقوامی ادارے کے ایگزیکٹو ڈائریکٹر فیتھ بائرل کا کہناہے کہ ہمیں دوسری مرتبہ امریکا کی جانب سے تیل کی فراہمی میں اس طرح اضافہ دیکھنے کو مل رہاہے۔
شیل کمپنیوں کاموقف یہ ہے کہ اب اوپیک کو یہ فیصلہ کرنا ہے کہ وہ تیل سے ددلت پیدا کرنے کیلیے اس کی قیمت میں اضافہ دیکھنا چاہتے ہیں یا اضافی پیداوار کے ذریعہ دیوالیہ ہوجانے کیلیے تیار ہیں ۔جس کاسامنا وہ 2015 کے آخر اور2016 کے اوائل میں کرچکے ہیں جب تیل کی قیمتیں 30 ڈالر فی بیرل تک کم ہوگئی تھیں۔تیل کی دنیا کے معروف مشیر ڈینئل یارگن کاکہناہے کہ اوپیک اور شیل کمپنیوں کے عہدیداروں کی ملاقات تیل کی منڈی اور پیداوار کے اعتبار سے ایک اچھی خبر اورایک اچھا آغاز ہے اور اس کے واضح معنی یہ ہیں کہ یہ دونوں گروپ اب بقائے باہمی کے اصول کے قائل ہوتے جارہے ہیں اوراب یہ دونوں گروپ اپنی توقع سے کم قیمت کے ساتھ زندگی گزارنے کے گر بھی سیکھ ہی جائیں گے۔
اوپیک کے سیکریٹری جنرل محمد بارکندو سے اس ڈنر سے فراغت کے بعد ہوٹل پہنچنے پر جب اس حوالے سے سوال کیے گئے تو انھوں نے کہا کہ لوگ ہم سے سوال کرتے ہیں ہم یہی سوال لوگوں سے کرنا چاہتے ہیں ۔ہم سب کچھ سیکھ رہے ہیں کیونکہ یہ تیل کی دنیا کا ایک بالکل نیا مرحلہ ہے جس کا ہم سب کو سامنا ہے۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...
