وجود

... loading ...

وجود
وجود

اقدار کا مسئلہ آخری قسط

بدھ 08 مارچ 2017 اقدار کا مسئلہ آخری قسط

ماحول حیات کو اقدار کا مسئلہ درپیش ہے، اور مآل ہستی کو حق و باطل کا قضیہ لاحق ہے۔ اول کا تعلق نفس سے ہے جو خیر و شر کی آماجگاہ ہے اور دوسرا شعور سے متعلق ہے جو حق و باطل کا گھر ہے۔ اقدار کے بغیر انسان شر کا آلہ ٔ کار بننے سے اور باطل کا بندہ بننے سے نہیں بچ سکتا۔ خیر و شر کا سوال بنیادی طور پر مذہبی سوال ہے اور ہدایت کے بغیر حل نہیں ہو سکتا، اور حق و باطل کے تناظر سے باہر یہ ویسے ہی بے معنی ہے۔ خیر و شر کے امتیازات کا دھندلا جانا یا ختم ہو جانا ’’تلبیس‘‘ ہے، اور حق و باطل کے امتیازات کا دھندلا جانا یا ختم ہو جانا ’’دجل‘‘ ہے۔ آج تلبیس اور دجل کا عہد ہے، جس میں بطور مسلمان ہم اپنی اقدار کے بارے میں متزلزل ہو چکے ہیں۔ ہماری اقدار اب ہماری انفرادی، سماجی یا اجتماعی حیات کا راستہ نہیں رہیں، بلکہ ہم نے انہیں نہایت آلاتی اور مفاداتی تزویرات کا پردہ بنا لیا ہے۔ ہم عصر معاشرے اور تاریخ میں ہماری اقدار کا مسئلہ فوری توجہ اور تفصیلی تجزیے کا متقاضی ہے۔
گزارش ہے کہ اقدار اور ’’صورت حال‘‘ الگ الگ چیزیں ہیں، یعنی دی گئی مذہبی اقدار اور ان کا بیان ایک الگ چیز ہے، اور معاشرتی اور تاریخی صورت حال ایک الگ چیز ہے۔ مذہبی حقائق اور اقدار کا براہ راست مخاطب انسان ہے، معاشرتی اور تاریخی صورت حال نہیں ہے۔ اس میں کوئی شک نہیں کہ اقدار وغیرہ اس صورت حال پر ایک judgement ضرور فراہم کرتی ہیں۔ انسان چونکہ ’’معاشرتی اور تاریخی صورت حال‘‘ کے براہ راست تجربے کا حامل ہوتا ہے، اس لیے یہ judgement اصلاً اس کے تجربے پر وارد ہو کر اس کی تشریط کرتی ہے اور بالواسطہ صورت حال سے متعلق ہوتی ہے۔ لیکن اقدار کسی ’’معاشرتی اور تاریخی صورت حال‘‘ کا تجزیاتی فہم فراہم نہیں کرتیں، کیونکہ اقدار مجمل ہوتی ہیں، اور علم مفصل۔ معاشرے، تاریخ اور نیچر کا فہم درست معلومات اور نظری علم سے فراہم ہوتا ہے۔ جدید معاشرے کی معاشی، سیاسی اور ثقافتی ساختیں جدید انسانی عمل سے پیدا ہوئی ہیں، اور صاف ظاہر ہے کہ یہ عمل بھی کچھ ’’اقدار‘‘ کی اساس پر ہی آگے بڑھ رہا ہے، یعنی اس عمل نے جن اقدار پر چل کر یہ ساختیں پیدا کی ہیں، وہ ان اقدار سے قطعی مختلف ہیں جنہیں ہم مذہبی اقدار کے طور پر مانتے ہیں۔ ہم اپنی اقدار سے ان جدید ساختوں پر کوئی judgment تو دے سکتے ہیں، لیکن ان کا تجزیہ اور فہم ان اقدار سے فراہم نہیں ہو سکتا۔ ان اقدار کو رہنما بنا کر ہم اپنے عمل کو معاشرے اور تاریخ میں سامنے لا سکتے ہیں، لیکن عین اس عمل کو معاشرے اور تاریخ میں جدید انسانی عمل کی ساختوں کا چیلنج درپیش ہے، اور ان کے سامنے ہمارے اقداری اعمال بالکل کمزور اور بے حیثیت ہو گئے ہیں۔
انسانی شعور و نفسِ انسانی اور ہمارے حقائق و اقدار کے مابین زمانی حالات سے بُعد ممکن اور واقع ہے۔ اور انہی حالات کی وجہ سے ہماری اجتماعی اقدار اور معاشرہ و تاریخ میں بُعد ممکن اور واقع ہے۔ ہم عصر صورت حال میں ہر سطح پر، یعنی انفرادی، سماجی اور اجتماعی سطح پر، ہماری دینی اقدار اور معاشرہ و تاریخ میں زبردست دوری اور فاصلہ پیدا ہو چکا ہے۔ اس کا سادہ مطلب یہ ہے کہ معاشرہ و تاریخ جدید انسانی عمل سے ایک نئی ساخت پیدا کر چکے ہیں جو مذہبی اقدار سے پیدا ہونے والی سماجی اور تاریخی ساخت سے بالکل مختلف اور متضاد ہے۔ انسان اور انسانی معاشروں کو اس صورت حال کا پیش آنا ایک معمول ہے، کوئی حیرت اور اچنبھے کی بات نہیں۔ جدید تاریخ میں بھی مسلمان معاشروں کو اس صورت حال کا سامنا ہے۔ جب اقدار اور تاریخ میں فاصلہ اس قدر ہو جس کا ہمیں سامنا ہے تو وہ اقدار کے لیے نزعی صورت حال ہوتی ہے۔ اس کا حل بہت سادہ ہے کہ یا تو اقدار کو تاریخ کے مطابق بنا لیا جائے، یا تاریخ کو اقدار کے مطابق بنا لیا جائے۔ اقدار کو تاریخ کے مطابق بنا لینے کا سادہ مطلب ہے مذہبی اقدار سے دستبردار ہو جانا، اور زمانے کے سفر میں چلنے اور ڈھلنے کے باوجود مسلمان شعوری سطح پر اس فیصلے کے لیے تیار نہیں۔ دوسری طرف، تاریخ کی گردن مروڑ کے اسے اپنی اقدار کے مطابق بنانا کارے دارد ہے اور ہماری نکبت تامہ میں ایک واہمہ بن گیا ہے۔
اس صورت حال میں ہمیں اپنی اقدار اور معاشرے اور تاریخ سے ان کے تعلق کو ازسر نو زیر بحث لانے کی ضرورت تھی، اور یہ کام ہم شروع نہ کر سکے۔ ہم نے ایک اور کام کیا۔ گزشتہ تین سو سال سے ہماری ہٹ اور رٹ ایک ہی چلی آتی ہے کہ جدید معاشرتی اور تاریخی ساختیں عین ہماری اقدار کے مطابق ہیں۔ اور افسوس کہ یہ نتیجہ ہمارے تجربے کے علی الرغم ہے۔ یعنی جدید معاشرہ اور تاریخ ہمارے عمل سے تو پیدا نہیں ہوئے، لیکن ہماری اقدار کے عین مطابق پیدا ہوئے ہیں! ایسی چیستاں تو سوفسطائیوں کے تصور سے بھی باہر تھی، اور یہی چیستاں ہماری واحد اساسِ علم ہے۔ اب تو نوبت یہ آن پہنچی ہے کہ ہماری اقدار معاشرے اور تاریخ سے غیرمتعلق ہو چکی ہیں، اور سیکولر لوگوں کا خیال ہے کہ اب معاشرے اور تاریخ کی ساخت ایسی ہو چکی ہے کہ ان اقدار کا تحقق بھی ممکن رہا۔ ہمیں ان کا مستقل مشورہ یہی ہے کہ ان اقدار ہی کو ترک کر دیا جائے۔
اس میں کوئی شک نہیں کہ ہماری اقدار اور جدید معاشرے اور تاریخ میں ایک زبردست بُعد پیدا ہو چکا ہے اور ان کی مابینی کھائی نہایت مہیب ہو گئی ہے۔ سادہ بات یہ ہے کہ خلافت ہماری اجتماعی اور سیاسی اقدار کا عنوان ہے اور تقویٰ ہماری انفرادی اور معاشرتی اقدار کا۔ ہماری متداول سیاسی اقدار میں عدل اجتماعی کو کسی طرح کی مرکزیت حاصل نہیں، اور تقویٰ مکارم الاخلاق سے منقطع ہے۔ عدل کے بغیر نظمِ اجتماعی کو داخلی استحکام اور فلاح نصیب نہیں ہو سکتی، اور مکارم الاخلاق کے بغیر دینی معاشرت قابل تصور نہیں۔ ہم نے عدل کو قانون بنا دیا ہے اور تقویٰ کو عبادات تک محدود کر دیا ہے۔ یہ دونوں صورتیں ہماری اقدار اور تاریخ کے مابین جس تعلق کو ظاہر کرتی ہیں، وہ اقدار کی پسپائی کا ہے۔
اپنی اقدار کو موجودہ تاریخی حالات میں زیر بحث لانا اب کوئی بہت کارآمد سرگرمی نہیں رہی، کیونکہ اس میں ایک نہایت سنگین نوعیت کا مسئلہ پیدا ہو چکا ہے۔ اور وہ مسئلہ یہ ہے کہ ہم عصر تاریخ کے بارے میں ہمارے تجزیوں اور ہمارے تاریخی تجربے میں کوئی ربط باقی نہیں رہا۔ ہمارے علمی طنبورے سے جو آوازیں برآمد ہوتی ہیں، وہ ہمارے تاریخی تجربے کی آہ و بکا میں غائب ہو جاتی ہیں۔ ہمارا ذہن ہم عصر معاشرے، تاریخ اور عالمگیر سسٹم کو کسی بھی علمی اور فکری تناظر میں زیربحث لانے سے انکاری ہے اور وہ صرف ایک ہی بات کہنا اور سننا چاہتا ہے کہ جدید عہد اور اس کے سارے اجزا ہماری اقدار کے عین مطابق ہیں۔ تاریخی حالات معروضی اور سفاک تجزیے کا تقاضا کرتے ہیں، جس کے بغیر عمل کا راستہ نہیں بن سکتا، اور ہر طرح کا معروضی تجزیہ عمومی مایوسی اور بد دلی کو جنم دیتا ہے۔ اقدار عمل کے مقاصد تو متعین کرتی ہیں، ان کے لیے راستہ فراہم نہیں کرتیں۔ راستہ معاشرے اور تاریخ میں علم اور فراست سے بنانا پڑتا ہے۔ خود غرضانہ سادگی اور حریصانہ سادہ لوحی میں عمومی مایوسی اور بد دلی سے بچنے کے لیے ہم نے ایک گہری حالتِ انکار کو طرزِ زندگی کی شکل دے دی ہے۔ وعظ انفرادی اصلاح کا ذریعہ تو ہو سکتا ہے لیکن کسی تاریخی صورت حال کے فہم اور اس سے نمٹنے کے لیے ارادے کو وسائل فراہم نہیں کرتا۔
اقدار کا اعادہ یاد دہانی کے لیے ضروری ہے، لیکن اس سے وہ فرد یا تاریخ سے متعلق نہیں ہو جاتیں، اور اس کے لیے نفسی اور تاریخی رکاوٹوں کی طرف دھیان دینا بھی ضروری ہوتا ہے۔ اگر اقدار اور ہم عصر صورت حال میں بُعد پیدا ہو جائے تو انہیں انسانی شعور سے متعلق رکھنے کے لیے علم کی ضرورت ہوتی ہے، اور تاریخ سے متعلق رکھنے کے لیے ارادے کی۔ جب اقدار اور تاریخ میں فاصلہ بہت بڑھ جائے، تو اس فاصلے کو پاٹنے کے لیے دو چیزیں لازم ہو جاتی ہیں، بڑا ذہن اور بڑا ارادہ۔ بڑا ذہن تاریخ کی شب ظلمت میں وہ راستے تلاش کر لیتا ہے جن پر اقدار سے پیدا ہونے والا عمل سفر کر سکتا ہے۔ اور بڑا ارادہ تاریخ کے بھیرو کی نکیل تھامنے میں کامیاب ہو جاتا ہے۔ ہمارا گھر آنگن ان دونوں سے خالی ہے، لیکن آغاز تو ہو سکتا ہے کہ کم از کم اخلاقی اور معاشرتی اقدار پر کاربند ہو کر اس عہد بے اماں میں اپنے راستوں کی تلاش کا کام ازسر نو شروع کیا جائے۔
٭٭


متعلقہ خبریں


مضامین
پڑوسی اور گھر گھسیے وجود جمعه 29 مارچ 2024
پڑوسی اور گھر گھسیے

دھوکہ ہی دھوکہ وجود جمعه 29 مارچ 2024
دھوکہ ہی دھوکہ

امریکہ میں مسلمانوں کا ووٹ کس کے لیے؟ وجود جمعه 29 مارچ 2024
امریکہ میں مسلمانوں کا ووٹ کس کے لیے؟

بھارتی ادویات غیر معیاری وجود جمعه 29 مارچ 2024
بھارتی ادویات غیر معیاری

لیکن کردار؟ وجود جمعرات 28 مارچ 2024
لیکن کردار؟

اشتہار

تجزیے
پاک ایران گیس پائپ لائن منصوبہ وجود منگل 27 فروری 2024
پاک ایران گیس پائپ لائن منصوبہ

ایکس سروس کی بحالی ، حکومت اوچھے حربوں سے بچے! وجود هفته 24 فروری 2024
ایکس سروس کی بحالی ، حکومت اوچھے حربوں سے بچے!

گرانی پر کنٹرول نومنتخب حکومت کا پہلا ہدف ہونا چاہئے! وجود جمعه 23 فروری 2024
گرانی پر کنٹرول نومنتخب حکومت کا پہلا ہدف ہونا چاہئے!

اشتہار

دین و تاریخ
رمضان المبارک ماہ ِعزم وعزیمت وجود بدھ 13 مارچ 2024
رمضان المبارک ماہ ِعزم وعزیمت

دین وعلم کا رشتہ وجود اتوار 18 فروری 2024
دین وعلم کا رشتہ

تعلیم اخلاق کے طریقے اور اسلوب وجود جمعرات 08 فروری 2024
تعلیم اخلاق کے طریقے اور اسلوب
تہذیبی جنگ
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی وجود اتوار 19 نومبر 2023
یہودی مخالف بیان کی حمایت: ایلون مسک کے خلاف یہودی تجارتی لابی کی صف بندی، اشتہارات پر پابندی

مسجد اقصیٰ میں عبادت کے لیے مسلمانوں پر پابندی، یہودیوں کو اجازت وجود جمعه 27 اکتوبر 2023
مسجد اقصیٰ میں عبادت کے لیے مسلمانوں پر پابندی، یہودیوں کو اجازت

سوئیڈش شاہی محل کے سامنے قرآن پاک شہید، مسلمان صفحات جمع کرتے رہے وجود منگل 15 اگست 2023
سوئیڈش شاہی محل کے سامنے قرآن پاک شہید، مسلمان صفحات جمع کرتے رہے
بھارت
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا وجود پیر 11 دسمبر 2023
قابض انتظامیہ نے محبوبہ مفتی اور عمر عبداللہ کو گھر وں میں نظر بند کر دیا

بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی وجود پیر 11 دسمبر 2023
بھارتی سپریم کورٹ نے مقبوضہ جموں و کشمیر کی خصوصی حیثیت کی منسوخی کی توثیق کردی

بھارتی ریاست منی پور میں باغی گروہ کا بھارتی فوج پر حملہ، فوجی ہلاک وجود بدھ 22 نومبر 2023
بھارتی ریاست منی پور میں باغی گروہ کا بھارتی فوج پر حملہ، فوجی ہلاک

راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات وجود جمعه 27 اکتوبر 2023
راہول گاندھی ، سابق گورنر مقبوضہ کشمیرکی گفتگو منظرعام پر، پلوامہ ڈرامے پر مزید انکشافات
افغانستان
افغانستان میں پھر شدید زلزلے کے جھٹکے وجود بدھ 11 اکتوبر 2023
افغانستان میں پھر شدید زلزلے کے جھٹکے

افغانستان میں زلزلے سے تباہی،اموات 2100 ہوگئیں وجود اتوار 08 اکتوبر 2023
افغانستان میں زلزلے سے تباہی،اموات 2100 ہوگئیں

طالبان نے پاسداران انقلاب کی نیوز ایجنسی کا فوٹوگرافر گرفتار کر لیا وجود بدھ 23 اگست 2023
طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شخصیات
معروف افسانہ نگار بانو قدسیہ کو مداحوں سے بچھڑے 7 سال بیت گئے وجود اتوار 04 فروری 2024
معروف افسانہ نگار بانو قدسیہ کو مداحوں سے بچھڑے 7 سال بیت گئے

عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

معروف شاعرہ پروین شاکر کو دنیا سے رخصت ہوئے 29 برس بیت گئے وجود منگل 26 دسمبر 2023
معروف شاعرہ پروین شاکر کو دنیا سے رخصت ہوئے 29 برس بیت گئے
ادبیات
عہد ساز شاعر منیر نیازی کو دنیا چھوڑے 17 برس ہو گئے وجود منگل 26 دسمبر 2023
عہد ساز شاعر منیر نیازی کو دنیا چھوڑے 17 برس ہو گئے

سولہویں عالمی اردو کانفرنس خوشگوار یادوں کے ساتھ اختتام پزیر وجود پیر 04 دسمبر 2023
سولہویں عالمی اردو کانفرنس خوشگوار یادوں کے ساتھ اختتام پزیر

مارکیز کی یادگار صحافتی تحریر وجود پیر 25 ستمبر 2023
مارکیز کی یادگار صحافتی تحریر