... loading ...
... loading ...
اسرائیل کو مضبوط بنانے اور مشرق وسطیٰ کی جانب سے مکنہ فوجی کارروائی خطرات کو ختم کرنے اور حزب اللہ کو کمزور کرنیکیلئے شام پر امریکہ نواز حکومت مسلط کرنے کے امریکی منصوبے کی ناکامی کے بعد اب اسرائیل کی حکومت نے پوری دنیامیں جاسوسی کاجال بچھانے کے ایک نئے منصوبے کاآغاز کیاہے اور اس منصوبے کو کامیاب بنانے کیلئے اسرائیل کی خوبصورت اور کم عمر لڑکیوں کو استعمال کرنے کی حکمت عملی اختیار کرنے کا فیصلہ کیا ہے ، اس فیصلے کے تحت اسرائیل نے اپنی انٹیلی جنس ایجنسی موساد میںجس کے بیشتر اعلیٰ افسران امریکی سی آئی اے کے تربیت یافتہ ہیں ،خوبصورت لڑکیوں کو شامل کرکے انھیں مختلف حیثیتوں میں مختلف ممالک میں تعینات کرنے اور اپنے اہداف کوجال میں پھنسا کر کام لینے کیلئے استعمال کرنے کا پروگرام بنایا ہے۔
بعض سفارتی حلقوں کے قریبی ذرائع کاکہناہے کہ اسرائیل اپنی انٹیلی جنس کا دائرہ اب مسلم ممالک میں وسیع کرنے اور مسلم ملکوں کے راز معلوم کرنے اور اسی اعتبار سے اپنی حکمت عملی وضع کرے گا، ذرائع نے یہ بھی انکشاف کیاہے کہ اسرائیل موساد میں لڑکیوں کی بھرتی کے بعد اپنے دوست ممالک کے ذریعے پاکستان سمیت دیگر مسلم ممالک میں انھیں تعینات کرنا چاہتاہے ، اس حوالے سے امریکہ، برطانیہ ،جرمنی،بھارت اور بعض دوسرے قریبی دوست ممالک کی مدد حاصل کرسکتاہے،ذرائع کاکہناہے کہ بظاہر پروگرام یہ معلوم ہوتاہے کہ اسرائیل کی تربیت یافتہ موساد کی جاسوس لڑکیوں کو اسرائیل کے دوست ممالک کے سفارتی عملے کے ساتھ مسلم ممالک میں تعینات کیاجائے گا جہاں وہ اعلیٰ افسران اور حکام سے روابط پیدا کرکے ان سے حساس معلومات حاصل کرنے کی کوشش کریں گی۔
لڑکیوں اور تربیت یافتہ خواتین سے جاسوسی کاکام لینا اپنی نوعیت کی کوئی منفرد بات نہیںہے،اقوام عالم کی تاریخ خواتین جاسوسوں کے کارناموں سے بھری پڑی ہے،خواتین جاسوسوں نے پہلی اور دوسری جنگ عظیم کے دوران بھی بڑے بڑے کارنامے انجام دئے ہیں،اس حوالے سے دنیا شاید ماتاہری کے کارناموں کو کبھی فراموش نہ کرسکے ، اس لئے اسرائیل کی انٹیلی جنس ایجنسی میں لڑکیوں کوشامل کرنے کافیصلہ اپنی نوعیت کاکوئی عجوبہ فیصلہ نہیں ہے اور اس پر کوئی اعتراض بھی نہیں کیاجاسکتا،لیکن ان خواتین جاسوسوں سیکام لئے جانے کے حوالے سے جو قیاس ا?رائیاں سامنے ا?ئی ہیں وہ اگرچہ اسرائیل جیسے ملک کے حوالے سے ناقابل یقین نہیں ہیں لیکن قابل اعتراض ضرور ہیں اور پاکستان و دیگر تمام مسلم ممالک کو اس سے ہوشیار رہنے کی ضرورت ہے۔
1949 میںاسرائیل میں قائم کی گئی انٹیلی جنس ایجنسی موساد دنیا کی بہترین خفیہ ایجنسیوں میں شمار ہوتی ہے۔ موساد کئی مشکل لیکن کامیاب ا?پریشنوں کے لیے مشہور ہے لیکن دوسری جانب اس پر بہت سے لوگوں کو قتل کرنے کے الزامات بھی ہیں۔ اسرائیل کے خفیہ ادارے موساد نے پہلی بار خواتین کے لیے مخصوص بھرتی مہم کا ا?غاز کیا ہے۔اسرائیل کے مختلف اخبارات میںاس حوالے سے بڑے بڑے اشتہارات شائع ہوئے ہیں جن کاعنوان ہے ’’ ‘ضرورت برائے طاقتور خواتین‘‘ اس جملے سے مزین شائع ہونے والے اشتہار میں ایک عورت کی مبہم سے تصویر بھی شامل کی گئی ہے۔یاد رہے کہ موساد میں 40 فیصد افرادی قوت خواتین پر مبنی ہے جن میں سے 24 فیصد اہم سینئر پوزیشنوں پر فائز ہیں۔موساد کے سابق سربراہ’’ تامِر پاردو ‘‘ماضی میں کہہ چکے ہیں کہ خواتین مردوں کے مقابلے میں بہتر اہلکار ہوتی ہیں۔ اخبار یروشلم پوسٹ کے مطابق انھوں نے 2012 میں ایک بیان میں کہا تھا کہ خواتین کی ملٹی ٹاسکنگ کی صلاحیت اور انا پر قابو پانے کی وجہ سے وہ اپنا کام مردوں کے مقابلے میں زیادہ بہتر طریقے سے کر سکتی ہیں۔ ’وہ کام میں اچھی ہوتی ہیں، تو وہ بہت اچھی ہوتی ہیں۔موساد کی ویب سائٹ پر اس نوکری میں دلچسپی لینے والی خواتین کے لیے پیغام ہے کہ ‘یہ اس بارے میں نہیں کہ ا?پ نے کیا کیا ہے، بلکہ اس بارے میں ہے کہٓاپ کون ہیں۔
اسرائیل کی انٹیلی جنس ایجنسی میں خواتین کی بھرتی کا یہ اشتہار عین اس وقت شائع کیا گیاہے جب لبنان کی عسکریت پسند تنظیم حزب اللہ کے سربراہ حسن نصر اللہ نے ان اطلاعات کی تصدیق کی ہے کہ تنظیم کے ایک عہدیدار کو اسرائیل کے لیے جاسوسی کرنے پر پکڑا گیا ہے۔حسن نصر اللہ کا کہنا ہے کہ گرفتار کئے گئیشخص کوجو تنظیم کے سیکورٹی یونٹ میں کام کر رہا تھا5ماہ قبل پکڑا گیا تھا۔حزب اللہ کے رہنما کا یہ بیان لبنانی میڈیا میں گردش کرنے والے ان خبروں کے بعد سامنے ا?یا ہے جن میں کہا گیا تھا کہ حزب اللہ کے اعلیٰ ترین حلقوں میں ایک اسرائیلی جاسوس کی موجودگی کی نشاندہی ہوئی ہے۔میڈیا میں کہا گیا تھا کہ یہ شخص تنظیم کے غیر ملکی ا?پریشنز کا نگران تھا لیکن اب تک حزب اللہ نے اس معاملے پر تبصرہ نہیں کیا تھا۔حسن نصر اللہ نے بیروت میں المیادین ٹی وی سے بات کرتے ہوئے کہا کہ حراست میں لیے جانے والے جاسوس نے اسرائیلی خفیہ ادارے موساد کے لیے کام کرنے کا اعتراف کر لیا ہے۔
حسن نصراللہ کا کہنا ہے کہ ایسا نہیں ہونا چاہیے تھا لیکن ایسا ہوا اور یہ ہماری اور اسرائیل کی جنگ کا حصہ ہے، حسن نصر اللہ انھوں نے کہا کہ ’میرے لیے یہ شگاف ڈالنے کے مترادف ہے اور ایسا نہیں ہونا چاہیے تھا لیکن ایسا ہوا اور یہ ہماری اور اسرائیل کی جنگ کا حصہ ہے۔‘حزب اللہ کے رہنما نے پکڑے جانے والے شخص کا نام ظاہر نہیں کیا اور کہا کہ وہ کوئی اہم عہدیدار نہیں۔ان کا کہنا تھا کہ ’وہ کوئی کمانڈر یا اس کا نائب نہیں بلکہ سکیورٹی یونٹ کا رکن تھا۔ اسے پانچ ماہ قبل پکڑا گیا اور اس نے معلومات دینے کا اعتراف کیا اور اسرائیلیوں سے اپنے تعلق کے بارے میں بتایا۔‘نامہ نگاروں کا کہنا ہے کہ یہ پہلا موقع نہیں کہ حزب اللہ کی صفوں میں جاسوسوں کی موجودگی کی تصدیق ہوئی ہو لیکن یہ حالیہ انکشاف اس لیے اہم ہے کہ اس وقت تنظیم لبنان کے ہمسایہ ملک شام میں صدر بشار الاسد کی فوج کے ہمراہ باغیوں سے برسرِپیکار ہے۔
ادھر حزب اللہ کا یہ بھی کہنا ہے کہ اس کے ایک سینیئر کمانڈر کو بیروت کے نواح میں ہلاک کر دیا گیا ہے۔تنظیم کے ٹی وی چینل المنار کے مطابق حسان اللقیس کو لبنانی دارالحکومت کے جنوب مشرق میں حداث کے علاقے میں ان کی رہائش گاہ کے قریب ’قتل‘ کیا گیا۔حزب اللہ نے اس ہلاکت کا الزام اسرائیل پر عائد کیا ہے جب کہ اسرائیل نے اس الزام سے انکار کیا ہے۔حسان اللقیس کے بارے میں زیادہ معلومات عام نہیں ہیں تاہم انھیں تنظیم کے مرکزی رہنما حسن نصر اللہ کا قریبی ساتھی اور ہتھیاروں کی تیاری کا ماہر سمجھا جاتا تھا۔ان کی ہلاکت کی خبر حسن نصر اللہ کے اس بیان کے اگلے ہی دن ہوئی ہے کہ گذشتہ ماہ بیروت میں ایرانی سفارت خانے کے باہر دھماکوں کے پیچھے سعودی عرب کا ہاتھ تھا۔بدھ کو حزب اللہ کی جانب سے جاری ہونے والے بیان میں کہا گیا ہے کہ حسان اللقیس کو اس وقت ہلاک کیا گیا جب وہ نصف شب کے قریب اپنی رہائش گاہ پر پہنچے۔لبنان کے سکیورٹی حکام نے خبر رساں ادارے ایسوسی ایٹڈ پریس کو بتایا ہے کہ حملہ ا?ور حسان کے منتظر تھے اور انھوں نے حزب اللہ کمانڈر کو کار پارک میں ان کی گاڑی میں ہی خودکار رائفل سے نشانہ بنایا۔ انھیں کسی ثبوت کی ضرورت نہیں ہوتی۔ انھیں کچھ حقائق درکار نہیں ہوتے، وہ بس ہر چیز کا الزام اسرائیل پر لگا دیتے ہیں۔حکام کے مطابق اس حملے کے بعد حسان اللقیس کو نزدیکی ہسپتال لے جایا گیا جہاں وہ بدھ کی صبح انتقال کر گئے۔تاہم حزب اللہ کے قریبی ذرائع نے خبر رساں ادارے روئٹرز کو بتایا ہے کہ حسان کو ایک ایسے پستول سے سر میں گولی ماری گئی جس پر سائیلنسر نصب تھا۔ ذرائع نے اس ہلاکت کو پیشہ ور افراد کی کارروائی قرار دیا ہے۔تنظیم کا یہ بھی کہنا ہے کہ اسرائیل نے ماضی میں کئی بار انھیں مارنے کی کوشش کی تھی۔تاہم اسرائیلی وزارتِ خارجہ کے ترجمان یگال پلمور نے کہا ہے کہ ایسے الزامات لگانا حزب اللہ کی عادت ہے۔ ان کا کہنا تھا کہ ’انھیں کسی ثبوت کی ضرورت نہیں ہوتی۔ انھیں کچھ حقائق درکار نہیں ہوتے، وہ بس ہر چیز کا الزام اسرائیل پر لگا دیتے ہیں۔‘بیروت میں بی بی سی کے نامہ نگار جم میور کا کہنا ہے کہ عوامی سطح ان کے بارے میں معلومات بہت کم ہیں لیکن حزب اللہ نے اپنے بیان میں کہا کہ وہ حزب اللہ کے لڑاکا ونگ کے اہم کمانڈر تھے اور بیان میں یہ بھی کہا گیا ہے کہ اسرائیل انھیں مارنا چاہتا تھا جس سے ظاہر ہوتا ہے کہ وہ تنظیم میں اہم حیثیت رکھتے تھے۔نامہ نگار کے مطابق اْن کی ہلاکت کو شام کے بحران سے بھی منسلک کیا جا سکتا ہے۔ حزب اللہ نے اپنے بہت سے دشمن بنا لیے ہیں خاص کر سنیّوں میں کیونکہ حزب اللہ نے شام صدر بشار الاسد کی حکومت کو معاونت فراہم کی ہے۔ اس بات کا بھی قوی امکان ہے کہ اس قتل کی کڑیاں بھی وہاں ہی سے جا ملتی ہوں۔
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...
بانی چیئرمین پی ٹی آئی نے چیف جسٹس سپریم کورٹ کے نام خط لکھ دیا جس میں تحریک انصاف کے کارکنوں پر ریاستی ظلم کی نشاندہی اور انصاف کی فراہمی کا مطالبہ کیا ہے۔ آخری پیراگراف میں چیف جسٹس کو یاد دہانی کروائی کہ وہ اپنے ریفرنس میں عدالت میں کھڑے آئین پاکستان کی کتاب پکڑی تھی،چیف جسٹس ...
امریکا نے پاکستان کے میزائل پروگرام کے لیے سامان فراہم کرنے کے الزام میں 4 کمپنیوں پر پابندی عائد کردی۔پاکستان کے بیلسٹک میزائل پروگرام کے لیے سامان فراہم کرنے کے الزام میں 3 چینی اور بیلا روس کی ایک کمپنی پر پابندیاں عائد کیں۔امریکی محکمہ خارجہ کے ترجمان متھیو ملر کی جانب سے جار...
ملک بھر میں ہونے والے ضمنی انتخابات میں سکیورٹی کے سخت انتظامات کا فیصلہ کر لیا گیا۔وفاقی حکومت نے ضمنی انتخابات میں سول آرمڈ فورسز اور پاک آرمی کے دستے تعینات کرنے کی منظوری دے دی۔وفاقی حکومت کی جانب سے منظوری کے بعد وزارت داخلہ نے سول آرمڈ فورسز اور پاکستان آرمی کے دستے تعینا...
