... loading ...
... loading ...
محمد اسد چوہدری
برٹش قونصلیٹ پاکستان میں براہ راست برطانوی حکومت کے زیر انتظام اور برطانوی سفارت خانے کی زیر نگرانی کام کرنے والاایک ادارہ ہے جو نہ صرف یہ کہ پاکستان میںبرطانوی طرز تعلیم کے تحت ہونے والے امتحانات کاانعقاد کرتاہے بلکہ برطانیہ اور دیگر مغربی ممالک جانیوالے لوگوں کو انگریزی زبان کی سمجھ بوجھ رکھنے کے حوالے سے لیے جانے والے انگریزی زبان کے امتحان آئلٹس (IELTS ) کے امتحانات بھی اسی ادارے کے زیر نگرانی ہوتے ہیں اور یہی ادارہ ان امتحانات کے نتائج کا اعلان بھی کرتاہے۔ برٹش قونصلیٹ صرف پاکستان ہی نہیں اس خطے کے دیگر ممالک میں بھی اس طرح کے امتحانات کے انتظامات کرتاہے لیکن یہ ادارہ ان امتحانات کے لیے فیس وصولی کے معاملے میں پاکستانی طلبہ سے شدید امتیاز برتتا ہے ہے اور پاکستانی طلبہ سے اس خطے کے دیگر تمام ممالک کے مقابلے میں زیادہ فیس وصول کی جاتی ہے لیکن ہماری حکومت کے کارپرداز وں میں کسی نے بھی پاکستانی طلبہ کے ساتھ برٹش قونصلیٹ کے اس امتیازی سلوک کے خلاف احتجاج کی ضرورت بھی محسوس نہیں کی جس کی وجہ سے پاکستانی طلبہ مستقل طورپر برٹش قونصلیٹ کے کارپردازوں کے ہاتھوں لٹ رہے ہیں اوراس خطے کے دیگر ممالک کے مقابلے میں زیادہ فیس ادا کرنے پر مجبور ہیں۔
اس حوالے سے سامنے آنے والے حقائق سے ظاہرہوتاہے کہ برٹش قونصلیٹ پاکستانی طلبہ سے اس خطے کے دیگر ممالک خاص طورپر بھارت، افغانستان، بنگلا دیش،سری لنکا اورازبکستان کے مقابلے میں بہت زیادہ فیس وصول کررہاہے جبکہ اس حوالے سے پاکستانی طلبہ کو کوئی خصوصی رعایت یاسہولت بھی فراہم نہیں کی جارہی ہے۔
مثال کے طورپر برٹش قونصلیٹ بین الاقوای انگریزی زبان کے ٹیسٹنگ سسٹم آئلٹس(IELTS) امتحان منعقد کراتاہے ،جس کے لیے پاکستانی طلبہ سے دیگر ممالک کے طلبہ کے مقابلے میں بھاری فیس وصول کی جاتی ہے ،اس حوالے سے پاکستانی طلبہ کے ساتھ برٹش قونصلیٹ کے امتیازی سلوک کااندازہ اس طرح کیاجاسکتاہے کہ برٹش قونصلیٹ پاکستانی طلبہ سے اس امتحان کے لیے 25ہزار520روپے فیس وصول کرتاہے جبکہ اسی امتحان کے لیے بھارت کے طلبہ سے 17ہزار 540پاکستانی روپے کے مساوی، سری لنکا کے طلبہ سے15 ہزار957 پاکستانی روپے کے مساوی، بنگلا دیشی طلبہ سے 20ہزار 260 پاکستانی روپے کے مساوی ، افغانستان کے طلبہ سے 24ہزار118پاکستانی روپے کے مساوی، اورازبکستان کے طلبہ سے 15ہزار 202پاکستانی روپے کے مساوی فیس وصول کی جاتی ہے۔ یہاں یہ بات بھی قابل ذکر ہے کہ پاکستان میں برٹش قونصلیٹ کی فیس کا اسٹرکچر یکساں نہیں ہے بلکہ پاکستان کے مختلف شہروں کے طلبہ سے مختلف فیس وصول کی جارہی ہے۔ مثال کے طورپر پشاور کے طلبہ سے 22ہزار فیس وصول کی جاتی ہے جبکہ کراچی اور حیدرآبادکے طلبہ سے اسی امتحان کے لیے 24ہزار 860 روپے وصول کئے جاتے ہیں، اور اس رقم پر صوبائی حکومت کی جانب سے عاید کردہ 13فیصد جنرل سیلز ٹیکس بھی لیاجاتاہے، جبکہ اسلام آباد، لاہور،ملتان، فیصل آباد، اورگجرات کے طلبہ سے 25ہزار 520روپے فیس اور صوبائی حکومت کا عاید کردہ 16فیصد جنرل سیلز ٹیکس بھی وصول کیاجاتاہے۔
پاکستانی طلبہ کے ساتھ برٹش قونصلیٹ کے اس امتیازی سلوک کا سبب معلوم کرنے کے لیے جب بعض اخبار نویسوں نے ای میل کے ذریعے برٹش قونصلیٹ سے رابطہ کیا اور ان سے پاکستانی طلبہ سے اس خطے کے دیگر ممالک کے طلبہ کے مقابلے میں زیادہ فیس وصول کئے جانے کا سبب معلوم کیاگیا اوراس فیس میں شامل مختلف ٹیکسوں کی تفصیلات طلب کی گئیں تو اپنے تحریری جواب میں برٹش قونصلیٹ کے کمیونی کیشن منیجر مدبرمجید نے ای میل کے ذریعے بھیجے گئے سوالات کاجواب دینے کے بجائے صرف اتنا لکھاکہ’’ برٹش قونصلیٹ کے آئلٹس میں دلچسپی لینے کاشکریہ، جہاں تک آپ کے سوالات کاتعلق ہے تو اپنی پراڈکٹس کی آپریشنل تفصیلات جاری کرنا ہماری پالیسی نہیں ہے۔‘‘
اس کے بعد برٹش ہائی کمیشن اسلام آباد میں برٹش ہائی کمیشن کے کمیونی کیشنز کے سربراہ سیموئل ہیتھ کو تحریری سوال بھیجاگیا لیکن انھوں نے اس کاکوئی جواب نہیں دیا۔وفاقی وزارت تعلیم اور پروفیشنل ایجوکیشن کے حکام سے جب اس ضمن میں رابطہ کیاگیا تو انھوں نے اس غیر ملکی ادارے کے خلاف کوئی کارروائی کرنے سے معذوری ظاہر کی اور اس حوالے سے سرکاری موقف معلوم کرنے کے لیے وزیر مملکت بلیغ الرحمان سے رابطہ کرنے کامشورہ دیا لیکن متعدد بار کوششوں کے باوجود ان سے رابطہ نہیںہوسکا۔
یہاں یہ بات قابل ذکر ہے کہ پوری دنیا میں ملازمت کرنے اور تعلیم حاصل کرنے کے لیے ہر سال ہزاروں پاکستانی طلبہ برٹش قونصلیٹ کے زیر انتظام ہونے والے آئلیٹس کے امتحانات میں شریک ہوتے ہیں،کیونکہ پوری دنیا کے 140ممالک کے9ہزار ادارے ،حکومتیں، تعلیمی ادارے اور ملازمت فراہم کرنیوالے ادارے برٹش قونصلیٹ کے زیر اہتمام لیے جانے والے ان امتحانات کے نتائج کو تسلیم کرتے ہیں۔ آئلٹس انگریزی زبان کا واحد ٹیسٹ ہے جسے دنیا کے تمام ممالک امیگریشن کے لیے قبول کرتے ہیں۔برٹش قونصلیٹ کے ساتھ وابستہ ایک ذریعے نے یہ بھی انکشاف کیا کہ برٹش قونصلیٹ کی فیس پر کوئی ٹیکس عاید نہیں ہوتااس ادارے کی فیس ٹیکس سے مستثنیٰ ہے۔لہٰذا یہ بھی سوال اٹھتا ہے کہ وہ کس طرح اپنی فیس میں ٹیکس شامل کررہا ہے؟ یہ بھی بات سامنے آئی ہے کہ برٹش قونصلیٹ صرف آئلٹس پر ہی بھاری فیس وصول نہیں کررہا ہے بلکہ نیبوش(NEBOSH)جیسے دیگر امتحانات کے لیے بھی بھاری فیس یہاں تک کہ متحدہ عرب امارات جیسے دولت مند ملک سے بھی زیادہ فیس وصول کررہاہے۔
یہ صورتحال حکومت خاص طورپروفاقی وزار ت تعلیم کے لیے ایک چیلنج سے کم نہیں ہے ۔حکومت کو چاہیے کہ وہ پاکستانی طلبہ کو اس طرح لوٹے جانے سے محفوظ رکھنے کے لیے اس معاملے میںمداخلت کرے اور برٹش قونصلیٹ کو پاکستانی طلبہ سے لی جانے والی فیس دیگر ممالک کے مساوی کرنے پر مجبور کرے اور پاکستانی طلبہ سے زیادہ فیس لینے کے اسباب کی وضاحت طلب کرے۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...
