... loading ...
تحریک انصاف اور عوامی تحریک کے حکومت مخالف اور پاناما لیکس پر احتجاج سے حکومت اب کچھ بدحواس نظر آتی ہے۔ کنٹینرز سے احتجاج اور ریلیوں کوروکنے کے عمل نے کہ ثابت کردیا ہے کہ حکومت “نے باگ ہاتھ میں ہے ، نہ پاہے رکاب میں” کی عملی تصویر بنتی جارہی ہے۔ تحریک انصاف کے سربراہ عمران خان کی گفتگو میں سرکاری اداروں کے سربراہان پر ہونے والی تنقید نے اب ان اداروں کی جانبداری کو تقریباً بے نقاب کردیا ہے۔ حکومت نے پاناما لیکس پر جس لیت ولعل سے کام لیا ہے، وہ اب اُس کے اعتبار کومجروح کر چکا ہے۔ سیاسی جماعتوں کی طرف سے عوام میں آنے کے فیصلے نےاب حکومت اور سرکاری اداروں کو کچھ بیدار کیا ہے۔ گزشتہ روز وزیر خزانہ اسحاق ڈار اور وزیرقانون زاہد حامد اچانک ذرائع ابلاغ کے سامنے نمودار ہوئے اور پاناما لیکس کے حوالے سے اپنی وضاحتیں کچھ اس طرح پیش کی کہ یوں لگتا تھا کہ حکومت نے احتساب سے پہلے ہی خود اپنے اوپر چھری چلا لی ہے۔ دیانت داری کے یہ مجسم نمونے اس کی کوئی وضاحت نہیں کرپارہے کہ آخر پانچ ماہ قبل بے نقاب ہونے والے اس اسکینڈل پر حکومت اب تک ایک قدم بھی کیوں نہیں چل سکی؟
تحریک انصاف اور عوامی تحریک کے سڑکوں پر آنے کے بعد اب پانچ ماہ کے بعد ایف بی آر کو ہوش آیا ہے کہ اُنہیں ان مخفی اور ناجائز اثاثوں کے مالکان سے اُن کی آمدنی کے ذرائع بھی پوچھنے چاہئے۔ اب جب سیاسی جماعتیں احتجاج کے لیے سڑکوں کا رخ کر رہی ہیں تو ایف بی آر قوم کو یہ بتا رہا ہے کہ اُس نے وزیراعظم کے بچوں حسن نواز، حسین نواز اور مریم نواز سمیت 350 سے زائد افراد کو نوٹسز جاری کیے ہیں۔
عمران خان نے احتساب ریلی سے خطاب کرتے ہوئے بجا طور پر یہ سوال اُٹھایا کہ چیئرمین نیب آخر کیا کر رہے ہیں؟ عمران خان کی جانب سے ایف بی آر، نیب اور ایف آئی اے پر تنقید کے نشتر چلانے سے ایک بات پوری طرح عیاں ہو جاتی ہے کہ یہ سرکاری ادارے دراصل ریاست کے لیے نہیں بلکہ کچھ لوگوں کے مفادات کے تحت کام کررہے ہیں۔ اگر ایف بی آر کی جانب سے دیئے گیے نوٹسز آج ٹھیک ہے تو یہ پورے پانچ ماہ کے بعد کیوں جاری کیے گیے، جب عوامی احتجاج سڑکوں پر آنے لگا۔
مسئلہ صرف پانچ ماہ کا نہیں، بلکہ عوامی تحریک کے چودہ افراد کو سڑکوں پر گولیوں سے بھون ڈالنے کا بھی ہے۔ 2014 میں جب عوامی تحریک کے کارکنوں کو دن دیہاڑے قتل کردیا گیا تو اِ س معاملے میں وزیراعلیٰ پنجاب شہباز شریف نے خود جو وعدے ذرائع ابلاغ کے سامنے کیے اُن میں سے کوئی ایک بھی پورا نہیں کیا گیا۔ حیرت انگیز طور پر دو سال گزرنے کے باوجود بھی اس معاملے میں آج تک کوئی ٹھوس قدم نہیں اُٹھایا گیا۔ اس معاملے کی حساسیت کا یہ عالم ہے کہ طاہر القادری نے یہ دعویٰ کیا کہ اُن سے شریف خاندان اور وفاقی وزراء مسلسل رجوع کر رہے ہیں کہ مرنے والوں کا قصاص اُنہیں اُن کے مطالبے کے مطابق دے دیا جائے گا، مگر وہ اِسے احتجاج کا موضوع نہ بنائیں۔ حکومت نے آج تک طاہر القادری کے اس الزام کی تردید نہیں کی۔
اطلاعات کے مطابق حکومت واضح طور پر ردِ عمل کی ان لہروں سے پریشان نظر آنے لگی ہے۔ اور وہ اُن خبروں کو جو حکومت کے غیر مستحکم کرنے سے متعلق ہیں ، اُسے بہت تشویش سے دیکھنےلگی ہیں۔ ایف بی آر کی طرف سے پانچ ماہ کے بعد اچانک بیداری یہ ظاہر کرتی ہے کہ حکومت اب واضح طور پر دباؤ محسوس کررہی ہے۔
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...
بشام میں چینی انجینئرز کے قافلے پر خودکش حملے سے متعلق پنجاب فورنزک سائنس ایجنسی کی فرانزک رپورٹ میں بتایا گیا ہے کہ چینی انجینئرز کی گاڑی بم پروف نہیں تھی۔رپورٹ میں بتایا گیا کہ کمانڈنٹ ایس ایس یو نے انکوائری کمیٹی کے سامنے ذمے داری نہ لینے کے حوالے سے تسلیم کیا ہے ، ڈائریکٹر سی...
ایران کے صدر ابراہیم رئیسی (آج)22سے 24 اپریل تک پاکستان کا سرکاری دورہ کریں گے ،ایرانی صدر ابراہیم رئیسی صدرِ پاکستان آصف علی زرداری اور وزیراعظم شہباز شریف سے اہم ملاقاتیں کریں گے ۔ترجمان دفتر خارجہ کے مطابق عام انتخابات کے بعد کسی بھی سربراہِ مملکت کا پاکستان کا یہ پہلا دورہ ہو...
ملک میں قومی اسمبلی کی 5 اور صوبائی اسمبلی کی 16 خالی نشستوں پر ضمنی انتخابات میں پولنگ کا وقت ختم ہوگیا اور اب ووٹوں کی گنتی جاری ہے. پولنگ صبح 8 بجے شروع ہوئی جو شام 5 بجے تک بغیر کسی وقفہ کے جاری رہی۔ الیکشن والے علاقوں میں موبائل اور انٹرنیٹ سروس بند ہے۔ گورنمنٹ پرائمری اسکول...