... loading ...
مقبوضہ کشمیر میں اتوار کو مسلسل44ویں روز بھی ہڑتال ، دن ورات کرفیو اور بندشوں کا سلسلہ سختی کے ساتھ جاری رہنے کے باعث معمول کی زندگی مفلوج ہو کر رہ گئی ہے۔جبکہ شمال وجنوب میں فورسز کے ہاتھوں شبانہ چھاپوں، توڑ پھوڑ ، مارپیٹ اور گرفتاریوں کے بیچ احتجاجی مظاہروں کا سلسلہ بھی جار ی رہا جس دوران مرد و خواتین نے قریہ قریہ احتجاجی جلسوں کا اہتمام کرنے کے علاوہ جلوس اور ریلیاں بھی نکالی اور کئی مقامات پر کھلے آسمان تلے نماز یں بھی ادا کی گئیں ۔رواں آزادی حامی احتجاجی لہر کے مرکز جنوبی کشمیر کے ضلع پلوامہ کے درجنوں دیہات میں ہزاروں لوگوں نے احتجاجی جلسے ،جلوسوں کا انعقاد کیا جبکہ کئی مقا مات پرپُر تشدد جھڑپوں کے دوران فورسز کی کارروائی میں2خواتین اور9اہلکاروں سمیت بیسیوں افراد زخمی ہوئے جن میں کئی ایک کی حالت نازک بتائی جارہی ہے۔
ادھر سری نگر کی ایک معروف نیوز ایجنسی کے این این کے مطا بق قائد حریت سید علی گیلانی نے مولو چھتراگام شوپیان کے ایک بہت بڑے عوامی جلسے سے ٹیلیفونک خطاب کرتے ہوئے کہا کہ پوری کشمیری قوم بھارتی غلامی سے نجات حاصل کرنے کے لیے بھارتی قابض فورسز کے ساتھ بر سر پیکار ہے۔ موجودہ حالات کا تقاضا ہے کہ ہم اس جدوجہد کا یکسوئی کے ساتھ ساتھ دیں، کیونکہ یہ جدوجہد ہمارے جوانوں کے لہو سے بہت ہی قیمتی بن گئی ہے۔ قائد حریت سید علی گیلانی نے کہا ہمیں بھارت کے ان استعماری حربوں اور مظالم کو کبھی بھی نہیں بھولنا چاہیے اور اپنی آخری سانس تک جدوجہدِ آزادی کے ساتھ وابستہ رہنا چاہیے۔ اُنہوں نے اوآئی سی کے اس بیان کا خیرمقدم کیا ہے جس میں انہوں نے کشمیر میں جاری انسانی حقوق کی بدترین پامالیوں کا سخت نوٹس لیتے ہوئے بھارت کو خبردار کیا ہے کہ جموں کشمیر کی تشویش ناک صورتحال کسی بھی صورت میں بھارت کا اندرونی مسئلہ نہیں ہے۔
گیلانی صاحب نے او آئی سی کے سیکریٹری جنرل آمن مدنی کی ان کوششوں کو سراہتے ہوئے اس بات کا بھی شکوہ کیا کہ صرف قراردادوں اور پریس بیانوں سے ہمارے درد کا مداوا نہیں ہوسکتا، بلکہ ہماری ناگفتہ بہ صورتحال اور روزمرہ کے قتل وغارت گری کا تقاضا ہے کہ اخباری اور کاغذی گھوڑے دوڑانے کے بجائے عملی اقدامات کی ضرورت ہے۔ سید علی گیلانی نے سیکریٹری جنرل سے مخاطب ہوکر کہا کہ آپ کا یہ تجزیہ حق بجانب ہے کہ یہاں کی موجودہ صورتحال ریفرنڈم کے حصول کی طرف بڑھ رہی ہے اور یہ کہ کسی کو اس سے خوف نہیں کھانا چاہیے۔ ہم بار بار اس بات کا اعادہ کرچکے ہیں کہ یہاں بسنے والے تمام لوگوں سے رائے پوچھی جائے کی کون کس کے ساتھ رہنا چاہتا ہے اور جو اکثریت کا فیصلہ ہوگا وہ ہمیں قبول ہوگا۔ حریت چیئرمین نے کہا کہ اس مبنی برصداقت موقف کے جواب میں بھارت صرف اور صرف طاقت کا استعمال کرکے اپنی فوجی قوت میں روزبروز اضافہ کرتا ہے۔ ان زمینی حقائق سے پردہ پوشی کرکے یہاں ہر سو ظلم وستم کی بھٹی گرم کرکے اس آواز کو دبانے کے نت نئے حربے استعمال کرتا ہے۔
آزادی پسند راہنما نے کہا کہ او آئی سی کو دراصل مسلم اُمہ کو درپیش مسائل پر ایک مضبوط، ٹھوس اور حقیقت پسندانہ پالیسی اختیار کرکے اس کے منصفانہ حل کے لیے بھارت پر ہر قسم کا دباؤ ڈال کر مظلوموں کی دادرسی کرنے کے لیے پیش پیش ہوناچاہئے، لیکن اس حوالے سے ماضی کا تجربہ حوصلہ افزا نہیں، بلکہ مایوس کُن ہی رہا ہے، ورنہ 70سال سے اُمت کا ایک اہم جُز مصیبتوں کی دلدل میں پھنس کر اپنے بہی خواہوں کو مدد کے لیے نہیں پکاررہاہوتا۔ واضح رہے کہ بر ہان وانی کی شہادت کے بعد اب تک 76افرد شہید سات ہزار سے زائد زخمی ہوئے ہیں ۔پیلٹ گن فا ئرنگ کے نتیجے میں سینکڑوں بچوں کی بینا ئی متاثر ہوئی ہے ،اور ریا ستی دہشت گردی کا یہ سلسلہ تاحال جاری ہے۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...