دنیاکے مہنگے ترین شہر

title-most-expensive-cities

ایک ایشیائی شہر نے انگولا کے دارالحکومت کو پیچھے چھوڑتے ہوئے غیر ملکیوں کے لیے دنیا کے مہنگے ترین شہر کا اعزاز حاصل کرلیا ہے۔

یہ سالانہ سروے مرسر کنسلٹنگ گروپ کی جانب سے کیا جاتا ہے جس میں دنیا بھر کے 200 شہروں میں 200 سے زیادہ چیزوں کا تقابل کیا جاتا ہے جن میں رہائش، خوراک اور ٹرانسپورٹ جیسی بنیادی ضروریات بھی شامل ہوتی ہیں۔

2016ء میں دنیا کے 10 مہنگے ترین شہر یہ ہیں:

10-Beijing-China

10۔ بیجنگ، چین

فہرست میں موجود چین کے تین شہروں میں سے ایک، دارالحکومت بیجنگ جو رہائش، تعلیم اور صحت کے شعبوںمین مہنگا ہے۔ بیجنگ میں ایک کمرے کی رہائش گاہ 750 سے 1400 ڈالرز تک کی ہو سکتی ہے۔

9-NDjamena-Chad

9۔ اینجامینا، چاڈ

2015ء کے مقابلے میں ایک درجہ مزید آگے بڑھتا ہوا افریقی ملک چاڈ کا یہ دارالحکومت گھر اور خوراک کے ماملے میں بہت مہنگا ہے۔ اینجامینا میں ایک فاسٹ فوڈ کھانا بھی 25 ڈالرز تک کا پڑ جاتا ہے۔

8-Geneva-Switzerland

8۔ جنیوا، سوئٹزرلینڈ

فہرست میں موجود سوئٹزرلینڈ کا دوسرا شہر۔ یہاں رہائش گاہوں کی قیمت بہت زیادہ ہے۔ یہاں ایک کمرے کا اپارٹمنٹ 2200 سے 2600 ڈالرز میں ملتا ہے۔

7-Shanghai-China

7۔ شنگھائی، چین

چین کا دوسرا سب سےمہنگا شہر۔ شنگھائی میں بھی کرائے کے مکان بہت مہنگے ہیں جن کی قیمت 2 ہزار ڈالرز تک چلی جاتی ہے۔

6-Kinshasa-Congo

6۔ کنشاسا، عوامی جمہوریہ کانگو

2015ء سے کنشاسا سات درجے ترقی پا کر دنیا کا چھٹا سب سے مہنگا شہر بن چکا ہے۔ اس کی وجہ رہائش پر آنے والے بھاری اخراجات ہیں۔ ایک کمرے کا گھر یہاں 400 سے 1500 ڈالرز میں ملتا ہے۔

5-Tokyo-Japan

5۔ ٹوکیو، جاپان

چھ درجے پھلانگ کر ٹوکیو دنیا کا پانچواں سب سے مہنگا شہر بن چکا ہے۔ خوراک، رہائش اور گاڑی کی خریداری محض چند پہلو ہیں جن کی وجہ سے ٹوکیو میں رہنا بہت مہنگا ہے۔

4-Singapore

4۔ سنگاپور

خوراک اور عوامی ٹرانسپورٹ تو سنگاپور میں سستی ہے لیکن گاڑی خریدنا، تعلیم حاصل کرنا اور گھر یہاں بہت مہنگا ہے۔ صرف ایک روم کا فلیٹ خریدنے کے لیے سنگاپور میں آپ کو 1900 یا 3100 ڈالرز ہے۔

3-Zurich-Switzerland

3۔ زیورخ، سوئٹزرلینڈ

زیورخ یورپ میں رہنے کے لیے سب سے مہنگا مقام ہے جہاں کھانے پینے سے لے کر رہائش اور خوراک تک مہنگی ہے۔ ایک روم کا کمرہ یہاں ڈھائی ہزار ڈالرز تک کا ہو سکتا ہے۔

2-Luanda-Angola

2۔ لوانڈا، انگولا

یہ پہلے سب سے مہنگا شہر تھا، لیکن اب کرنسی کمزور ہونے کی وجہ سے دوسرے نمبر پر آ گیا ہے۔ اس کے باوجود لوانڈا افریقہ کا سب سے مہنگا شہر ہے۔ یہاں کھانے پینے اور رہائش کی قیمت بہت زیادہ ہے۔ ایک کمرے کے گھر کا کرایہ بھی یہاں 3600 سے 4600 ڈالرز تک کا ہوتا ہے۔

1-Hong-Kong-China

1۔ ہانگ کانگ
رواں سال کی رپورٹ میں ہانگ کانگ غیر ملکیوں کے لیے دنیا کے مہنگے ترین شہر کی صورت میں ابھرا ہے۔ اس کی سب سے بڑی وجہ یہاں رہائش کی وجہ سے لاگت میں ہونے والا اضافہ ہے جو ایک کمرے کے فلیٹ کے لیے 2 سے 3 ہزار ڈالرز ہے۔

Electrolux