... loading ...
کسی بھی ابہام کے بغیر اب یہ بات واضح ہو چکی ہے کہ فوجی اور سیاسی قیادت میں تناؤ ، کھنچاؤ اور اختلافات مسلسل بڑھتے جارہے ہیں۔ فوج کی طرف سے گلشن اقبال پارک دھماکے کے بعدپنجاب بھر میں آپریشن کے فیصلے کے بعدوزیر اعظم نوازشریف اور فوجی سربراہ کے درمیان رابطوں میں انقطاع پیدا ہو گیا تھا۔ جسے دور کرنے اور اختلافات کو ایک حد سے آگے نہ جانے دینے کے لیے وفاقی وزیر داخلہ چودھری نثار اور وزیر اعلیٰ شہباز شریف حرکت میں آئے تھے۔ اور اُنہوں نے جی ایچ کیو میں فوجی سربراہ سے 31 مارچ کو ایک ملاقات کی تھی ۔ جس کے بعد وزیر خزانہ اسحاق ڈار نے بھی اگلے ہی دن یکم اپریل کو فوجی سربراہ سے جی ایچ کیو میں ملاقات کی تھی ۔مگر ان ملاقاتوں کے بعد یہ ایک دلچسپ امر ہے کہ وزیر اعظم نوازشریف اور فوجی سربراہ میں چار روز تک کوئی ملاقات نہیں ہو سکی تھی۔ تاہم 4 اپریل کو فوجی اور سیاسی قیادت میں ایک ملاقات کا اہتمام بآلاخر ممکن ہو سکا۔ وزیر اعظم ہاؤس سے جاری ہونے والی مختصر خبر میں بس یہ کہنے پر اکتفا کیا گیا کہ نواز شریف نے ملکی اور داخلی سیکیورٹی امور پر ایک اعلی سطحی اجلاس کی سربراہی کی۔ مذکورہ اجلاس میں نوازشریف کے ہمراہ چودھری نثار اور وزیر خزانہ اسحاق ڈار تھے جبکہ فوجی سربراہ کے ہمراہ آئی ایس آئی کے سربراہ لیفٹیننٹ جنرل رضوان اختر تھے۔ گلشن اقبال پارک دھماکے کے بعد وزیر اعظم نوازشریف کی فوجی سربراہ سے یہ پہلی ملاقات ایک طویل تعطل کے باعث اگرچہ ایک خوشگوار امرہے مگر مبصرین کے نزدیک یہ ملاقات کچھ زیادہ پیش رفت کا باعث نہیں بن سکی۔ اور سیاسی فوجی قیادت کے درمیان پنجاب آپریشن سمیت مختلف امور پر اختلافات کے جوں کے توں ہونے کی نشاندہی کرتی ہے۔
بعض باخبر حلقوں کے مطابق فوجی قیادت پنجاب آپریشن کو بلا تفریق اور بلامداخلت جاری رکھنے کے لیے پرعزم ہے۔ جبکہ نون لیگ اِسے اپنی حمایت کے گڑھ میں انتہائی نقصان دہ سمجھتی ہے۔ خاص کر ایسے حالات میں جب بعض سنگین نوعیت کے جرائم کی سرپرستی میں نون لیگ کے رہنماؤں کے نام بھی آرہے ہوں۔ یہ ایک دلچسپ امر ہے کہ سندھ میں پیپلز پارٹی کی صوبائی حکومت نے آپریشن کے حوالے سے رینجرز کے کردار پرجو موقف اختیار کیا تھا ، تقریباً وہی موقف مسلم لیگ نون کا پنجاب بھر میں جاری فوجی آپریشن کے حوالے سےاب ہے۔ مگر تب مسلم لیگ نون کی حکومت اور وفاقی وزیر داخلہ چودھری نثار نے صوبائی حکومت کے موقف کو مسترد کر دیا تھا۔ مبصرین کے نزدیک اگلے کچھ دنوں میں یہ واضح ہو جائے گا کہ فوج کی جانب سے جاری پنجاب میں آپریشن پر فوج کو ئی سیاسی دباؤ لیتی ہے یا نہیں۔ اور یہ بھی واضح ہو جائے گا کہ نواز شریف فوجی موقف کی حمایت پر مجبور ہوتے ہیں یا اس معاملے میں تصادم کی طرف جاتے ہیں ۔آئندہ کچھ دنوں میں حالات جو بھی رخ اختیار کریں ، یہ امر طے ہے کہ فوجی او ر سیاسی قیادت میں مستقل تناؤ کی کیفیت نہ صرف برقرار ہے بلکہ یہ پنجاب آپریشن کے علاوہ احتساب کے معاملے پر مسلسل بڑھتا جا رہا ہے۔
مسلم لیگ (ن) پنجاب کے تنظیمی اجلاس میں پارٹی قائد نوازشریف کو پارٹی صدر بنانے کے حق میں متفقہ قرارداد منظور کرلی گئی جبکہ مسلم لیگ (ن) پنجاب کے صدر رانا ثناء اللہ خاں نے کہاہے کہ (ن) لیگ پنجاب کے اجلاس کی تجاویز نواز شریف کو چین سے وطن واپسی پر پیش کی جائیں گی،انکی قیادت میں پارٹ...
سندھ حکومت نے ٹیکس چوروں اور منشیات فروشوں کے گرد گہرا مزید تنگ کردیا ۔ ٹیکس چوروں کے نام اخبارات میں شایع کرنے کا فیصلہ کر لیا گیا۔منشیات فروشوں کے خلاف جاری کریک ڈائون میں بھی مزید تیزی لانے کی ہدایت کردی گئی۔سندھ کے سینئر وزیر شرجیل انعام میمن کی زیر صدارت اجلاس ہوا۔جس میں شرج...
بھارتی ہندو انتہا پسند سیاسی جماعت بی جے پی کے کٹھ پتلی وزیراعظم نریندر مودی کے ایک بار پھر اقتدار میں آنے کے بڑھتے خدشات کے پیش نظر بھارتی مسلمان شدید عدم تحفظ کا شکار ہیں۔مسلسل 10 برس سے اقتدار میں رہنے کے بعد بھی مودی سرکار ایک بار پھر اقتدار پر قابض ہونے کے خواہش مند ہیں۔ نری...
آفاق احمد نے سندھ سے جرائم پیشہ پولیس اہلکاروں کی کراچی تعیناتی کی شدید الفاظ میں مذمت کرتے ہوئے کہا کہ کراچی پہلے ہی غیر مقامی اور نااہل پولیس کے ہاتھوں تباہی کے دھانے پر پہنچ گیا ہے، اب سندھ سے مزید جرائم پیشہ پولیس اہلکاروں کی کراچی تعیناتی کا مقصد کراچی کے شہریوں کی جان ومال...
ضلع شرقی کی انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔ معاملے پر سندھ ہائیکورٹ میں بھی سماعت ہوئی، جس میں اے جی سندھ نے سکیورٹی وجوہات بتائیں، دوران سماعت ہائیکورٹ کے چیف جسٹس نے یہ بھی استفسار کیا کہ، کیا یہ 9 مئی کا واقعہ دوبارہ کردیں گے۔ڈپٹی کمشنر...
وفاقی وزیر داخلہ نے آئی جی اسلام آباد کو غیر قانونی طور پر مقیم غیر ملکیوں کے خلاف آپریشن تیز کرنے کا حکم دے دیا۔صحافیوں سے ملاقات کے بعد غیر رسمی گفتگو کرتے ہوئے وفاقی وزیر داخلہ محسن نقوی کا کہنا تھا کہ دارالحکومت میں غیر قانونی رہائشی غیر ملکیوں کا ڈیٹا پہلے سے موجود ہے ۔ آئی ...
چیف جسٹس آف پاکستان جسٹس قاضی فائز عیسی نے کہا ہے کہ عدالتی معاملات میں کسی کی مداخلت قابل قبول نہیں ہے۔سندھ ہائیکورٹ بار ایسوسی ایشن کی تقریب سے خطاب میں چیف جسٹس نے کہا کہ وہ جب سے چیف جسٹس بنے ہیں ہائیکورٹس کے کسی جج کی جانب سے مداخلت کی شکایت نہیں ملی ہے اور اگر کوئی مداخلت ...
وزیراعلیٰ خیبرپختونخوا اور پاکستان تحریک انصاف کے رہنما نے کہا ہے کہ اگر ہمیں حق نہ دیا گیا تو حکومت کو گرائیں گے اور پھر اس بار اسلام آباد پر قبضہ کرلیں گے۔اسلام آباد میں منعقدہ پاکستان تحریک انصاف کے 28ویں یوم تاسیس کی تقریب سے خطاب کرتے ہوئے علی امین گنڈا پور نے ایک بار پھر ...
اندرون سندھ کی کالی بھیڑوں کا کراچی تبادلہ کردیا گیا۔ مبینہ طور پر کچے کے ڈاکوئوں سے روابط رکھنے والے اناسی پولیس اہلکاروں کا شکارپور سے کراچی تبادلہ کردیا گیا۔ شہریوں نے ردعمل دیا کہ ان اہلکاروں کا کراچی تبادلہ کرنے کے بجائے نوکری سے برطرف کیا جائے۔ انھوں نے شہر میں جرائم میں اض...
چیف جسٹس کراچی آئے تو ماضی میں کھو گئے اور انہیں شہر قائد کے لذیذ کھانوں اور کچوریوں کی یاد آ گئی۔تفصیلات کے مطابق چیف جسٹس آف پاکستان قاضی فائز عیسی نے کراچی میں سپریم کورٹ بار ایسوسی ایشن کی ایک تقریب میں وکلا سے خطاب کرتے ہوئے وہ ماضی میں کھو گئے اور انہیں اس شہر کے لذیذ کھ...
وزیراعلیٰ پنجاب مریم نواز نے کہا ہے کہ وزیراعلی کی کرسی اللہ تعالی نے مجھے دی ہے اور مجھے آگ کا دریا عبور کرکے یہاں تک پہنچنا پڑا ہے۔وزیراعلی پنجاب مریم نواز نے پولیس کی پاسنگ آٹ پریڈ میں پولیس یونیفارم پہن کر شرکت کی۔پاسنگ آئوٹ پریڈ سے خطاب میں مریم نواز نے کہا کہ خوشی ہوئی پو...
امیر جماعت اسلامی حافظ نعیم الرحمن نے کہا ہے کہ پاک ایران گیس پائب لائن منصوبہ ہر صورت میں مکمل کیا جائے، امریکا پاکستان کے اندرونی معاملات میں مداخلت بند کرے۔ احتجاج کرنے والی پی ڈی ایم کی جماعتیں پچھلی حکومت گرانے پر قوم سے معافی مانگیں، واضح کریں کہ انھیں حالیہ انتخابات پر اعت...