... loading ...
کرکٹ کے ٹی ٹوئنٹی عالمی میلے کو ویسٹ انڈیز نے اپنی شاندار کارکردگی سے لوٹ لیا۔کرکٹ اپ سیٹ اور غیر متوقع نتائج کے ساتھ ایک مستقل حیرت میں مبتلا کرنےوالا کھیل ہے۔ جس کا زبردست مظاہرہ کولکتہ کے میدان میں ٹی ٹوئنٹی کے فائنل میں ہوا۔ جس میں تقریباً انیس اوورز تک کھیل کا پانسہ اپنے حق میں پلٹنے کی کوشش کرنے والی انگلینڈ کی ٹیم کو ویسٹ انڈیز نے صرف چار گیندوں میں اپنے حق میں کر لیا۔
انگلینڈ نے مقررہ اوورز میں 9 وکٹوں کے نقصان پر 155 رنز کا ہدف ویسٹ انڈیز کو دیا تھا۔ جس کے تعاقب میں ویسٹ انڈیز بھی انگلینڈ کی طرح کوئی متاثر کن کارکردی ابتدا میں نہیں دکھا سکی۔ا ور اُس کے بھی اہم بلے باز ایک کے بعد ایک اپنی وکٹیں گنواتے رہے۔ ویسٹ انڈیز کے کرس گیل جو پورے ٹورنامنٹ میں صرف ایک مرتبہ ہی اچھا کھیل پیش کر سکے تھے۔ پورے ٹورنامنٹ میں کھیل کے بجائے اپنی ٹیم کی کامیابی پر جشن مناتے اور رقص کرتے ہوئے ہی بہتر دکھائی دیئے۔ وہ انگلینڈ کے خلاف فائنل کھیل میں بھی نہایت خاموشی سے اپنی ناکامی کے بعد میدان سے باہر چلے گیے۔ویسٹ انڈیز کے بلے باز ایک دوسرے کی پیروی میں آوٹ ہوتے رہے۔ مگر ویسٹ انڈیز کے مارلن سیموئلزکی بہترین بلے بازی اور بریتھویٹ کے آخری اوورز میں چار مسلسل گیندوں پر چار لگاتار چھکوں نے ایک نہایت مشکل میچ کو نہ صرف ویسٹ انڈیز کی فتح میں تبدیل کر دیا بلکہ ویسٹ انڈیز کو ٹی ٹوئنٹی ورلڈ کپ کا فاتح بھی بنا دیا۔ اور یوں ویسٹ انڈیز نے ویمنز ورلڈ ٹی ٹوئنٹی اور انڈر 19 عالمی چیمپئن کی صورت میں تین ٹائٹل حاصل کرنے کا منفرد اعزاز بھی حاصل کرلیا۔
تفصیلات کے مطابق کولکتہ کے ایڈن گارڈنز میں کھیلے گئے میچ میں ویسٹ انڈیز نے ٹاس جیت کر انگلینڈ کو پہلے بیٹنگ کی
دعوت دی ۔انگلینڈ کی طرف سے جیسن روئے اور ایلکس ہیلز نے اننگز کا آغاز نہایت مایوس کن انداز میں کیا۔ سیموئیل بدری نے پہلے اوور کی دوسری ہی گیند میں جیسن روئے کو واپسی کی راہ دکھا دی۔ اُن کے بعد آنے والے جورروٹ نے اپنا کھاتا چوکے کی مدد سے دلیرانہ انداز میں کھولا۔ مگر دوسرے اوور کی تیسری گیند پر ایلکس ہیلز صرف ایک رن بنا کر آندرے رسل کا شکار بن گیے۔ انگلینڈ کے کپتان آئن مورگن بھی اس اہم ترین میچ میں کوئی کارکردگی نہ دکھا سکے اور جو روٹ کے ساتھ 15 رنز کا اضافہ کرکےاپنے پانچ رنز کے انفرادی اسکور پر آؤٹ ہوگیے۔
جوز بٹلر نے چوتھی وکٹ کی شراکت میں جو روٹ کا بھر پور ساتھ دیا تاہم بارہویں اوور کی دوسری گیند پر 36 رنز بنا کر پویلین لوٹ گئے ان کی اننگز میں ایک چوکا اورتین چھکے شامل تھے۔بین اسٹوکس اور روٹ کی رفاقت میں چھبیس رنز بنے، تب اندازہ کیا جارہا تھا کہ انگلینڈ ایک بڑا ہدف دینے میں کامیاب ہوجائے گا لیکن اسٹوکس 13 رنز کی اننگز کھیل کر براوو کا شکار بنے اسی اوور میں نئے آنے والے بلے باز معین علی بھی صفر کو گلے لگاتے ہوئے چلتے بنے۔ جو روٹ کی وکٹ کارلوس بریتھویٹ نے حاصل کی، وہ سات چوکوں کی مدد سے 54 رنز کی اچھی اننگز کھیل کر آؤٹ ہوئے تو یہ انگلینڈ کی ساتویں وکٹ تھی جو اُنہوں نے گنوائی۔ڈیوڈ ویلی کاجارحانہ کھیل اکیس رنز تک محدود رہا، لیام پلنکٹ آؤٹ ہونے والے آخری بلے باز تھے جو 4 رنز بنا سکے۔ کرس جارڈن 12 اور عادل رشید 4 رنز بنا کر ناٹ آؤٹ رہے۔انگلینڈ نے مقررہ اوورز میں 9 وکٹوں کے نقصان پر 155 رنز بنائے۔
ویسٹ انڈیز کی جانب سے کارلوس بریتھویٹ اور ڈیوون براوو نے 3،3 وکٹیں حاصل کیں، سیموئیل بدری 2 اور آندرے رسل کے حصے میں ایک وکٹ آئی۔جو روٹ نے بیٹنگ کے بعد باؤلنگ میں بھی انگلینڈ کو اہم کامیابی دلادی اور دونوں اوپنر جانسن چارلس اور کرس گیل کو پویلین بھیج دیا۔ چارلس صفر اور گیل 4 رنز بنا کر آؤٹ ہوئے۔لینڈل سمنز صفر پر ڈیوڈ ویلی کا شکار بن گیے۔ تب ایسا لگ رہا تھا کہ انگلینڈ نے میچ پر اپنی گرفت مضبوط کر لی ہے اورکرکٹ کے بانی ہونے کے باوجود آج تک کسی عالمی مقابلےمیں فتح حاصل نہ کرنے والا انگلینڈ اپنی تاریخ بدلنے والا ہے۔تاہم ویسٹ انڈیز نے ہمت نہیں ہاری اور فتح کی جانب کیچھوے کی چال چلنا شروع کیا۔ ڈوون براوو نے مارلن سیموئلز کے ساتھ 75 رنز کی شراکت قائم کی اس دوران میں انگلینڈ کے کیپر جوز بٹلر نے سیموئلز کو ایک موقع بھی فراہم کیا جبکہ وہ وکٹ چھوڑ کر جا چکے تھے لیکن تھرڈ امپائر نے فیصلہ دیا کہ بٹلر کے ہاتھوں میں آنے والا کیچ دراصل زمین پر پٹخنی کھا کر آیا ہے۔ مگر اس کے باوجود ویسٹ انڈیز وکٹوں کو گنواتا رہا ۔ براوو 25 رنز بنا کر آؤٹ ہوئے، ان کے بعد آنے والے آندرے رسل صرف ایک رن بنا سکے جبکہ کپتان ڈیری سیمی بھی زیادہ دیر وکٹ پر ٹھہر نہیں سکے اور صرف دو رنز بنا کر پویلین میں موجود اپنے ساتھیوں کے ساتھ آکر بیٹھ گیے۔ اس موقع پر مارلن سیموئلز انگلینڈ کی فتح میں حائل ہو گیے۔اورنہایت قیمتی 85 رنز بناکر ہدف کو ایسا رکھا کہ فتح کی امید ختم نہ ہو۔ مگر ٹھیک اُس وقت ویسٹ انڈیز نے اپنا نیا ہیرو دریافت کیا ۔ اور کارلوس بریتھویٹ نے ایک چوکا اور 4 چھکوں کی مدد سے 10 گیندوں پر 34 رنز بنا کر نہ صرف خود ناقابل شکست رہےبلکہ اپنی ٹیم کے قریب آنے والی شکست کے سائے بھی لپیٹ دیئے۔دونوں بلے بازوں کے درمیان 54 رنز کی فاتحانہ شراکت قائم ہوئی۔اور یوں ویسٹ انڈیز نے آخری اوور میں 6 وکٹوں کے نقصان پر 161 رنز بنا کر فائنل جیت لیا۔
اسلام آباد ہائی کورٹ کے 6 ججز کے سپریم جوڈیشل کونسل کو لکھے گئے خط کے معاملے پر چیف جسٹس قاضی فائز عیسیٰ کی سربراہی میں فل کورٹ اجلاس ہوا فل کورٹ اجلاس میں جسٹس منصور علی شاہ،جسٹس منیب اختر اور جسٹس جمال مندوخیل، جسٹس امین الدین، جسٹس شاہد وحید، جسٹس اطہر من اللہ اور جسٹس حسن اظ...
حکومت سندھ نے 30پرائمری ااسکولوں کی تعمیر کے لئے فنڈ کی منظوری دے دی ہے۔ ذرائع کے مطابق حکومت سندھ نے 1ارب 52 کروڑ 82 لاکھ 70 ہزار روپے کی منظوری دی محکمہ خزانہ سے رقم دینے کی سفارش بھی کردی گئی اسکولوں کی تعمیرات رواں ماہ میں ہی شروع کردی جائے گی۔
سندھ میں اسمگل شدہ اسلحے کے لائسنس بنائے جانے کا انکشاف ہوا ہے۔اسمگل شدہ اسلحہ ڈیلروں اور محکمہ داخلہ کی مدد سے لائسنس یافتہ بنائے جانے انکشاف ہوا ہے۔ایف آئی اے کے مطابق حیدرآباد میں کسٹم انسپکٹر مومن شاہ کے گھر سے سڑسٹھ لائسنس یافتہ ہتھیار ملے۔تصدیق کرائی گئی تو انکشاف ہوا کہ اس...
بانی پی ٹی آئی عمران خان نے کہا ہے کہ مجھے جیل میں رکھ لیں مگر باقی رہنماں کو رہا کردیں۔اڈیالہ جیل میں میڈیا سے بات چیت کرتے ہوئے عمران خان نے کہا کہ چیف جسٹس قاضی فائز عیسی سے کہنا چاہتا ہوں کہ پی ٹی آئی کی 25 مئی کی پٹیشن کو سنا جائے اور نو مئی واقعات کی تحقیقات کے لیے جوڈیشل...
خیبرپختونخوا کے علاقے شانگلہ میں بشام کے مقام پرچینی انجینیئرز کی گاڑی پر خودکش حملے کے نتیجے میں 5 چینی باشندوں سمیت 6 افراد ہلاک ہوگئے۔ ڈی آئی جی مالاکنڈ کا کہنا ہے کہ حملہ آوروں نے بارود سے بھری گاڑی مسافروں کی گاڑی سے ٹکرائی، گاڑی پر حملے میں کئی افراد زخمی بھی ہوئے۔بشام سے پ...
سیکیورٹی فورسز نے تربت میں پاک بحریہ کے ائیر بیس پی این ایس صدیق پر دہشتگرد حملے کی کوشش ناکام بنادی، فائرنگ کے تبادلے میں 4 دہشت گرد ہلاک کر دیا جبکہ ایک سپاہی شہید ہوگیا ۔ پاک فوج کے شعبہ تعلقات عامہ(آئی ایس پی آر)کے مطابق 25 اور 26 مارچ کی درمیانی شب دہشت گردوں نے تربت میں پ...
اسرائیل نے سلامتی کونسل کی غزہ میں فوری جنگ بندی کی قرارداد کو ہوا میں اڑاتے ہوئے مزید 81فلسطینیوں کو شہید کردیا۔غزہ کی وزارت صحت کے مطابق گزشتہ 24 گھنٹوں کے دوران غزہ میں اسرائیلی دہشت گردی کے آٹھ واقعات میں مزید 81 فلسطینی شہید اور 93 زخمی ہوگئے۔الجزیرہ کے مطابق رفح میں ایک گھ...
جامعہ کراچی میں سیکیورٹی کے ناقص انتظامات کے باعث چوریوں کی وارداتوں میں اضافہ ہوگیا اور دو روز میں چوروں نے 4طالب علموں کو موٹرسائیکلوں سے محروم کردیا۔تفصیلات کے مطابق کراچی یونیورسٹی میں سیکیورٹی کے ناقص انتظامات کے سبب نہ صرف جامعہ کی حدود میں چوریوں کی وارداتوں میں اضافہ ہورہ...
اقوام متحدہ کی سلامتی کونسل نے 7اکتوبر کے بعد پہلی مرتبہ غزہ میں فوری جنگ بندی کی قرارداد منظور کرلی۔پیر کو سلامتی کونسل میں پیش کی گئی قرارداد پر امریکا نے اپنے سابقہ موقف میں تبدیلی کرتے ہوئے قرارداد کو ویٹو کرنے سے گریز کیا۔سلامتی کونسل کے 15 رکن ممالک میں سے 14 نے قرارداد کے ...
ملک میں یومیہ چار ہزار میٹرک ٹن تیل کی اسمگلنگ کا انکشاف ہوا ہے-تیل کی اسمگلنگ سے قومی خزانے کو ماہانہ تین کروڑ چھپن لاکھ ڈالرزکا نقصان ہورہا ہے۔ آئل کمپنیز نے اسمگلنگ کی روک تھام اورکارروائی کیلئیحکومت اور اوگرا سیمدد مانگ لی ہے۔آئل کمپنیز ایڈوائزری کونسل نیسیکریٹری پیٹرولیم کو ...
محکمہ صحت سندھ نے آٹومیشن پروجیکٹ کے کروڑوں روپے کی رقم ہوا میں اڑادی۔ سات سال قبل پینسٹھ کروڑ کی لاگت سے شروع ہونے والا پروجیکٹ تاحال فعال نہ ہوسکا۔مانیٹرنگ رپورٹ میں پروجیکٹ کے گھپلوں پر بڑے انکشافات کیے گئے ۔کمپنی نے پروجیکٹ پر حیرت انگیز طور پر انتالیس کروڑ خرچ کردئے ۔لیکن سا...
ایف آئی اے انسداد انسانی اسمگلنگ سرکل کراچی نے معصوم شہری کو جعلی بینک اسٹیٹمنٹ جاری کرنے میں ملوث ملزم کو گرفتار کرلیا۔ترجمان ایف آئی اے کے مطابق ملزم کو پی آئی بی کالونی کراچی سے گرفتار کیا گیا۔گرفتار ملزم ویزا فراڈ کے جرم میں ملوث تھا۔ملزم نے خاتون شہری کو جعلی بینک اسٹیٹمنٹ ج...