... loading ...
وزیراعظم نواز شریف کی زیر صدارت نیشنل ایکشن پلان سے متعلق اہم اجلاس اسلام آباد میں ہوا جس میں فوجی سربراہ راحیل شریف اور وزیر داخلہ چوہدری نثار سمیت مختلف مکاتب فکر کے علمائے کرام اور وفاق المدارس کے نمائندے شریک ہوئے۔
اجلاس میں نیشنل ایکشن پلان کے تحت مدارس کی رجسٹریشن اور انہیں ملنے والے فنڈز کے حوالے سے بات کی گئی جب کہ اس حوالے سے وزیر داخلہ چوہدری نثار کی سربراہی میں ایک کمیٹی تشکیل دینے کا بھی فیصلہ کیا گیا جو مدارس کے نصاب، آمدن کے ذرائع اور رجسٹریشن کے امور طے کرنے کے ساتھ دیگر اقدامات کا بھی جائزہ لے گی۔اجلاس میں چیئرمین رویت ہلال کمیٹی مولانا مفتی منیب الرحمن ،سنیٹر پروفیسر ساجد میر، وفاق المدارس عربیہ کے جنرل سیکریٹری مولانا محمد حنیف جالندھری ،جسٹس (ر) مولانا مفتی تقی عثمانی ،رابطہ المدارس کے صدر اور جماعت اسلامی کے مرکزی ہیڈکوارٹر منصورہ میں شیخ الحدیث مولانا عبد المالک موجود تھے ۔ وزیراعظم نوازشریف نے اس موقع پر اجلاس کے شرکاء سے کہا کہ شمالی وزیرستان میں دہشت گردوں کے خلاف جنگ کامیابی سے جاری ہے اور دہشت گردوں کی کمر ٹوٹ چکی ہے۔ ملک میں امن کا قیام حکومت کی اولین ترجیح ہے ۔ اس کے لیے مدارس بھی حکومت سے تعاون کریں کیونکہ باہمی تعاون سے ہی ملک کو خرابی سے پاک کیا جاسکتا ہے۔
وزیر اعظم نے کہا کہ آئندہ نسلوں کے مستقبل کو محفوظ بنانے کے لیے ایک دوسرے سے تعاون کرنا ہوگا۔بعد ازاں وفاقی وزیر داخلہ چوہدری نثار احمد خان نے ذرائع ابلاغ سے گفتگو کرتے ہوئے کہا کہ مدارس کے تمام مالیاتی امور بینکوں کے ذریعے روبہ عمل آئیں گے۔ اُنہوں نے مزید کہا کہ مدارس کی تنظیمات کے ساتھ مشاورت کی جاچکی ہے ۔تمام علمائے کرام نے دہشتگردی کو جڑ سے اکھاڑنے پر اتفاق کیا ہے ۔تاہم مدارس سے متعلق حتمی اجلاس کی صدارت وزیر اعظم خود کریں گے ۔ان کا کہنا تھا کہ آج کے اجلاس کا مقصد نیشنل ایکشن پلان میں تیزی لانا ہے ۔ اجلاس میں مدارس کی رجسٹریشن پر اتفاق رائے پایا گیا۔ مدارس کے لیے رقوم کی ترسیل بینکوں کے ذریعے کی جائے گی جبکہ بیرونی امداد کا طریقۂ کار حکومت طے کریگی۔ مدارس کی آسان رجسٹریشن کیلئے ایک کمیٹی تشکیل دی گئی ہے۔
وفاقی وزیرداخلہ نے کہا کہ مدارس کے تمام مالیاتی امور بینکوں کے ذریعے مکمل کیے جائینگے۔مدارس کیلئے غیر ملکی امداد کا طریقۂ کار بھی بنایا جائیگا اور اتفاق رائے سے مدارس کی رجسٹریشن کا فارم تیار کیاجائیگا ۔چوہدری نثار نے کہا کہ بنیادی محور نیشنل ایکشن پلان پر عمل درآمد ہے ۔اس موقع پر انہوں نے اس بات سے بھی آگاہ کیا کہ مدارس میں اے اور او لیول تک کی تعلیم کو نافذ کرنے پر اتفاق کیا گیاہے جبکہ 10؍ستمبر کو چاروں صوبوں کے وزرائے اعلی کا اجلاس طلب کیا گیاہے۔وفاق اور صوبائی حکومتوں اور تنظیمات المدارس پر مشتمل کمیٹی قائم کرینگے۔ ان کا کہنا تھا کہ گزشتہ حکومتوں نے مدارس کے معاملے پر کچھ نہیں کیا ۔مدارس کو استعمال کرکے مقاصد حاصل کرنے کا سلسلہ ختم ہونا چاہیے۔ پاکستان میں مدارس کا دہشت گردی سے کوئی تعلق نہیں۔میں نے امریکا میں بھی کہاکہ علما ء دہشت گردوں کے خلاف اسلام کاموقف پیش کررہے ہیں۔ چودھری نثار نے کہا کہ دہشتگردی میں ملوث فردیاادارے کے خلاف بلاتفریق کا رروائی کی جائیگی۔مدارس اور انکی قیادت دہشت گردی کیخلاف جنگ میں حکومت اور فوج کی معاون ہیں ۔چوہدری نثار نے واضح طور پر کہا کہ اب کسی کوکافر قرار دینے پر حکومت کارروائی کرے گی۔اور فرقہ واریت پھیلانے پر دہشت گردی کے مقدمات قائم کیے جائیں گے۔اشتعال انگیز تقاریر میں نمایاں کمی آئی ہے کیونکہ اس سلسلے میں مقدمات قائم کئے گئے ہیں۔
’’وجودڈاٹ کام،، کو اس ضمن میں معلوم ہوا ہے کہ تمام اتحاد تنظیمات المدارس عربیہ نے وزرائے اعلیٰ سے ملاقات سے قبل اپنے اپنے اپنے وفاق کا اجلاس طلب کرکے اُنہیں وزیر اعظم سے ہونے والی ملاقات کے بارے میں تفصیلات سے آگاہ کرنے کا فیصلہ کیا ہے۔ ذرائع کے مطابق اتحاد تنظیمات المدارس عربیہ کے اس وفد نے وزیر اعظم نواز شریف اور چیف آف آرمی سٹاف جنرل راحیل شریف سے ہونے والی ملاقات کے بعد جمعیت علماء اسلام کے مرکزی امیر مولانا فضل الرحمن سے ملاقات کے لئے بھی رابطہ کیا تھا لیکن مولانا فضل الرحمن چونکہ آئی ڈی پیز کی واپسی کے لئے بلائے گئے قبائلی قومی جرگہ کے سلسلے میں پشاور میں مصروف تھے اس لئے یہ ملاقات نہ ہو سکی جبکہ آئندہ ایک دو روز میں یہ ملاقات متوقع ہے۔ ادھر گزشتہ روز مولانا فضل الرحمن نے اپنی جماعت کی مجلس شوریٰ میں دو روز جاری رہنے والے اجلاس کے آخری روز فیصلوں کے اعلان کے موقع پر منعقدہ پریس کانفرنس میں دینی مدارس کے موضوع پر بات کی تھی اور حکومت کی جانب سے دینی مدارس پر چھاپوں کے حوالے سے اپنی جماعت کی شوریٰ میں پائی جانے والی تشویش سے آگاہ کرتے ہوئے چودھری نثار احمد خان کے رویے کو تنقید کا نشانا بنایا تھا۔
وزیراعظم شہباز شریف کو کاروباری شخصیت عارف حبیب نے معاشی استحکام کے لیے بانی پی ٹی آئی سے ہاتھ ملانے کی تجویز دے دی۔تفصیلات کے مطابق کراچی میں وزیراعظم شہباز شریف نے تاجر برادری سے گفتگو کی اس دوران کاروباری شخصیت عارف حبیب نے کہا کہ آپ نے اسٹاک مارکیٹ کو ریکارڈ سطح پر پہنچایا ...
تحریک انصاف کے رہنما لطیف کھوسہ نے نواز شریف اور شہباز شریف کے درمیان جھگڑا چلنے کا دعوی کر دیا ۔اسلام آباد ہائیکورٹ میں گفتگو کرتے ہوئے کہا کہ چھوٹے بھائی نے دھوکا دیکر نواز شریف سے وزارت عظمی چھین لی ۔ شہباز شریف کسی کی گود میں بیٹھ کر کسی اور کی فرمائش پر حکومت کر رہے ہیں ۔ ان...
غزہ میں صیہونی بربریت کے خلاف احتجاج کے باعث امریکا کی کولمبیا یونیوسٹی میں سات روزسے کلاسز معطل ہے ۔سی ایس پی ، ایم آئی ٹی اور یونیورسٹی آف مشی گن میں درجنوں طلبہ کو گرفتار کرلیا گیا۔فلسطین کے حامی طلبہ کو دوران احتجاج گرفتار کرنے اور ان کے داخلے منسوخ کرنے پر کولمبیا یونیورسٹی ...
بانی پی ٹی آئی عمران خان نے کہا ہے کہ پنجاب کا الیکشن پہلے سے پلان تھا اور ضمنی انتخابات میں پہلے ہی ڈبے بھرے ہوئے تھے۔اڈیالہ جیل میں میڈیا سے بات چیت میں انہوں نے کہا کہ جمہوریت، قانون کی بالادستی اور فری اینڈ فیئر الیکشن پر کھڑی ہوتی ہے مگر یہاں جنگل کا قانون ہے پنجاب کے ضمنی ...
ایرانی صدر ابراہیم رئیسی لاہور پہنچ گئے، جہاں انہوں نے مزارِ اقبال پر حاضری دی۔ اس موقع پر ان کا کہنا تھا کہ ایرانیوں کے دل پاکستانیوں کے ساتھ دھڑکتے ہیں۔ غزہ کے معاملے پر پاکستان کے اصولی مؤقف کو سراہتے ہیں۔وزیراعلی پنجاب مریم نواز نے علامہ اقبال انٹرنیشنل ائرپورٹ پر مہمان ایرا...
سپریم کورٹ نے کراچی میں 5 ہزار مربع گز پلاٹ پر پارک بنانے کا حکم دیدیا۔عدالت عظمی نے تحویل کے لئے کانپور بوائز ایسوسی ایشن کی درخواست مسترد کردی۔سپریم کورٹ کراچی رجسٹری میں کانپور اولڈ بوائز ایسوسی ایشن کو زمین کی الاٹمنٹ کیس کی سماعت کے دوران وکیل نے عدالت کو بتایا کہ انیس سو اک...
بھارتی وزیر دفاع راج ناتھ سنگھ کااعتراف کہ بھارت غیر ملکی سرزمین پر اپنے ڈیتھ اسکواڈز چلاتا ہے، حیران کن نہیں کیونکہ یہ حقیقت بہت پہلے سے عالمی انٹیلی جنس کمیونٹی کے علم میں تھی تاہم بھارت نے اعتراف پہلی بار کیا۔بھارتی چینل کو انٹرویو میں راج ناتھ سنگھ نے کہاکہ بھارت کا امن خراب ...
پاکستان اور ایران نے سکیورٹی، تجارت، سائنس و ٹیکنالوجی، ویٹرنری ہیلتھ، ثقافت اور عدالتی امور سمیت مختلف شعبوں میں تعاون کے فروغ کے لئے 8 معاہدوں اور مفاہمت کی یادداشتوں پر دستخط کر دیئے جبکہ ایرانی صدر ابراہیم رئیسی نے کہا ہے کہ ہم نے پہلے مرحلے میں دونوں ممالک کے درمیان تجارتی ح...
پاکستان اسٹاک ایکس چینج میں تیزی کے نئے ریکارڈ بننے کا سلسلہ جاری ہے اوربینچ مارک ہنڈریڈ انڈیکس بہترہزار پوانٹس کی سطح کے قریب آگیا ہے اسٹاک بروکرانڈیکس کو اسی ہزار پوانٹس جاتا دیکھ رہے ہیں۔اسٹاک مارکیٹ میں ڈھائی ماہ سے تیزی کا تسلسل جاری ہے انڈیکس روزانہ نئے ریکارڈ بنارہا ہے۔۔سر...
وزیراعلیٰ سندھ سید مراد علی شاہ نے اسٹریٹ کرائم کیخلاف دوطرفہ کارروائی کرنے کا فیصلہ کیا ہے۔تفصیلات کے مطابق وزیراعلی سندھ سید مراد علی شاہ کی زیرصدارت اپیکس کمیٹی کا اجلاس ہوا، جس میں آئی جی سندھ غلام نبی میمن نے صوبے میں امن وامان سے متعلق بریفنگ دی۔اجلاس میں وزیر اعلی مرادعلی ...
ملک بھر میں قومی اور صوبائی اسمبلی کے 21 حلقوں پر پولنگ ہوئی، جبکہ ووٹوں کی گنتی کے بعد غیر حتمی اور غیر سرکاری نتائج موصول ہونا شروع ہوگئے ۔الیکشن کمیشن کے مطابق قومی اسمبلی کی 5 اور صوبائی اسمبلی کی 16 نشستوں پر پولنگ صبح 8 بجے شروع ہوئی جو بغیر کسی وقفے کے شام 5 بجے تک جاری رہ...
ظفروال کے حلقہ پی پی 54 میں ضمنی الیکشن کے دوران گائوں کوٹ ناجو میں دو سیاسی جماعتوںکے کارکنوں میں جھگڑے کے دوران ایک شخص جاں بحق ہو گیا۔ جھگڑے کے دوران مبینہ طور پرسر میں ڈنڈا لگنے سے 60 سالہ محمد یوسف شدید زخمی ہو اجسے ہسپتال لے جایا گیا لیکن وہ زخموں کی تاب نہ لا کرجان کی بازی...